Re: Si te ndalojm Duhanin .

nga **Kosovarja** prej Wed Feb 06, 2008 2:37 pm

Askush nuk thotë se heqja dorë nga duhani është gjë e lehtë, sidomos nëse keni pirë rregullisht, për një kohë të gjatë. Sigurisht do të duhet të ballafaqoheni me “uri” për cigare sidomos në situata të caktuara, edhe për shkak të varësisë nga nikotina. Megjithatë, njerëzit për çdo ditë me sukses heqin dorë nga duhani.

Përgatituni të paktën disa ditë më parë. Zgjidheni ditën kur do të ndërpritni, dhe i hidhni të gjitha cigaret që i keni në shtëpi një natë më parë. Informoni anëtarët tjerë të familjes se keni vendosur të hiqni dorë nga duhani në ditën e caktuar dhe planifikoni si të veproni që t'i zbutni krizat e urisë për cigare, të cilat sidoqoftë do t'i ndjeni ditët e para. Duhet të dini se çdo krizë zgjat rreth 3-5 minuta, dhe nëse arrini të mos ndizni cigare, këta kriza do të humbasin.
Si t'i kundërviheni nevojës urgjente për cigare derisa të kalojë kriza? Ndihmon nëse merrni frymë thellë, kjo u angazhon të mos mendoni për cigaret. Pini sasi të mëdha të ujit, kjo do t'ju freskojë dhe do t'ju angazhojë, derisa të kalojë kriza. Bëni diçka tjetër, që do t'ua tërheqë vëmendjen dhe do t'ju mbajë më larg nga cigaret, por largojeni ushqimin, pasi që ai sjell rreziqe tjera.
Mbahuni më larg nga njerëzit që pinë duhan dhe mos shkoni në vende ku pihet duhani (kafene, pabe, bare dhe klube nate). Shpesh njerëzit më vështirë heqin dorë nga duhani në qoftë se pijnë alkool.
Largojeni shprehinë e cila ju shtyn të pini duhan. Për shembull dilni të shëtitni pas ushqimit, ose telefoni nga telefon tjetër ku nuk mund të pini duhan.
Heqja dorë nga duhani nuk është e lehtë dhe nuk ka sukses secili gjatë orvatjes së parë. Si duket shumicës së njerëzve u nevojiten më shumë orvatje para se të kenë sukses në qëllimin e tyre dhe secila orvatje e ardhshme është më e lehtë. Ndonjëherë mund t'ia lejoni vetes të “provoni sërish”, nëse jeni në aheng dhe pini 1-2 cigare. Mos pini sërish ditën e ardhshme ose pas ahengut.
Keshtu dalngadal do hekni dore nga duhani.....
Mos pini duhan hani molla...

nga **Premtimi** prej Tue Feb 19, 2008 7:19 pm

Kjo "receta" nese mund ta quajm shume e mire ne teori, por ne praktik ndryshon, sepse ndryshojne edhe rrethanat te cilat i keni permendur ju. Mire, po e vendos une qe ta le duhanin, por ku me thy qafen se menjeher ne banes e kam shokun qe e pin dhe ma ben me qellim, " o sa e mire bre cigarja, me shkrini krejt...", apo ta zem iku prej atij, shumica e shokve e pin dmth prap te cigarja. Vetem me nejte neper parqe gjithe diten dhe ne mbremje drejt e ne gjume. Sille ka ta sillesh prap nuk ka efekte, e gjithe ajo qe duhet te bejm ( qe une deri me sot s'po muj me bo) eshte me bind veten. Shpresoj nje dite qe ta bind veten ( premtimin tjeter, gjithnje perlahem) vetem ateher mund te kete sukses. Megjitheate, faleminderit per keshillat nga te gjithe.

nga **Kosovarja** prej Sun Feb 24, 2008 10:56 pm

Te gjithe e dijne se duhani eshte teper i demshem per shendetin, madje ai shpie deri ne vdekje. Kjo eshte vertetuar me se miri nga studimet shkencore dhe statistikat e nxjerra. Ne shtetet e perparuara gjenden shoqata te panumerta te cilat merren me organizimin e luftes kunder duhanit dhe ne ngritjen e vetedijes se njerezve per demin e tij. Konsiderohet se ne bote ka mbi 1 miliard e 500 milione pires duhani dhe raporti i vdekjeve te atyre qe pine duhan, kundrejt atyre qe nuk pine eshte 10 here me i madh.
Duhet ditur se:- Aftesia e thithjes se oksigjenit te njerezit qe pine duhan, pakesohet ne raportin 1/6 ose 1/3 (13-33% me pak oksigjen ne trup), kjo ne radhe te pare demton trurin dhe zemren;- Ne 90% te rasteve, bllokimi i gjakut ne damare vjen si pasoje e pirjes se duhanit;- Grate plaken 15 vjet me pare ne krahasim me ato qe nuk pine duhan;- Pirja e nje cigareje shkaterron rreth 2.5 miligram vitamin C ne trupin e njeriut, kur dihet se kjo vitamine ka rol kryesor ne imunitetin e organizmit.

Faktet rreth demit nga pirja e duhanit jane te sakta, megjithate
ajo mbetet shkaku kryesor i mbytjes se njerezve. P.sh. mbyt me teper
amerikan se sa mbyten ne aksidente trafiku tokesor ose ajror, nga AIDS, ose doza te tepruara te kokaines dhe heroines dhe vrasje te nderthurura. Pirja e duhanit mbyt rreth 400 000 meshkuj dhe femra per qdo vit, qe perben shkaktarin kryesor te vdekjeve ne SHBA. Nje ne cdo te pesten vdekje eshte e lidhun me pirjen e duhanit dhe mesatarisht piresit e duhanit vdesin 7 vite me heret se sa ata qe nuk pijne duhan.
Shumica e njerezve kane probleme per ta larguar pirjen e duhanit, pasi duhani permban nje subsance narkotike: Nikotinen.
Tani, ja disa simptome qe tregojne se prija e duhanit eshte duke demtuar seriozisht shendetin tend: - frymemarrje e veshitesuar, dihatje- gulqitje;- lodhje;- kolle e thate ose e perhershme;- rrjedhje e dobet e gjakut (duart dhe kembet e ftohta);- kriza te shpeshta te fytit , ethe dhe probleme me mushkeri te tilla si Bronchitis;- lekura e rrudhur (nga rrjedhja e paket e gjakut).

nga **Beton** prej Mon Feb 25, 2008 2:03 am

Nje fakte kam patur te nje bashkpuntorit time para disa muajshe qe pati suksese t'i largohet duahnit.

Fakti ishte qe sipas leximit te nje libre e largoj kete ''virus'' nga vetje e tij.
ishte e pa besushme por e vertet,kshuqe kete liber do ta kem shume shpejt ne dore,e deshira e madhe eshte qe ta lexoj se ç'fare me te verte eshte ai sekret ne kete liber qe te lergon kete ''virus'' nga vetja.

njashtu kam hulumtuar qe kete liber ta gjej ne gjuhen shqipe por,e keqja eshte qe ne gjuhen shqipe nuk ka per momentin.
po qe eshte libri i mire do te mari vendim qe ta perkthej e te botohet ky liber ne gjuhen shqipe te kene matrial populli jone te largoje kete virus nga vetja.

nga **BiBiKiM** prej Sun Mar 09, 2008 3:05 am

Kudo që të shkojmë , kudo që të jemi, duhani është bërë prezent, permanent dhe i pranishëm në shoqërinë tonë, një shok i keq , i bezdisshëm, por mbi të gjitha i rrezikshëm. Jo rrallë ndodhë me ata që shkojnë në punë, ta fillojnë ditën me kafe dhe cigare. Njerëz të punësuar, apo jo, të vjetër ose të rinj mbushin lokalet ndërkohë që duhani është shoqëruesi i përhershëm. Dhe ç`është më e keqja deri dje, ky ves ishte përgjithësisht pronë e meshkujve, por që pas viteve të `90, përdorimi i duhanit nga femrat filloi të rritej në mënyrë të frikëshme, sa sot në vendin tonë, ashtu edhe në botë statistikat flasin për një barazim të përdorimit midis dy gjinive . Po t`i pyesësh njerëzit për dëmet që sjell pirja e duhanit në përgjithësi ata të përgjigjen, se i dinë dëmet, por prapë vazhdojnë të pijnë duhan.

Njerëzit e mësojnë ta pijnë duhanin, kryesisht në moshë fare të re, në adoleshencë, në ato vite ku çdo gjë fluturon, hahet, pranohet dhe besohet se bëhet. Ata fillojnë t’a pijnë për qejf e teke, për kuriozitet, për tu bërë i pranishëm në shoqëri, për tu dukur i rritur, i pjekur,burrë. Për humor. Për tu futurë në lojë, në garë. Për ta bërë provë. Ndonjë e pi edhe kot së koti, pa ndonjë arsye, apo nevojë. Të tjerë e pijnë kur janë të mërzitur, kur kanë halle ,ose janë të shqetësuar dhe u duket se këshillohen me një “shok” që ja largon mendjen dhe e ngushëllon. Ata nuk e peshojnë mirë dhe nuk e çmojnë siç duhet pirjen e duhanit ;irritimet, neveritjen dhe shqetësimin , që i shfaq organizmi qysh në pirjen e cigares së parë; që është një sinjal mjaft domethenës dhe më shumë rëndësi ; për ta kuptuar , vlerësuar edhe për ta lenë.Vazhdojnë me qejf ta pijnë atë ku më pas u bëhet rutinë, u kthehet në zakon, krijohet ves, joshen, ambientohen , u trasformohet në një vetkënaqësi të padurueshme dhe pa e kuptuar drogohen, bëhen skllevër dhe molepsen prej tij.
Duhani merret, pihet, rrezikon dhe dëmton organizmin e njeriut në dy forma kryesore të përdorimit të tij.Në mënyrë direkte apo aktive , kur personi e pi vet duhanin dhe në formë indirekte ose pasive, kur personi nuk e pi vet por e merr tymin të shkaktuar nga duhanpirësit. Dëmtimi i organizmit llogaritet të jetë gati i njejtë nga përdorimi i të dy formave ,në mos më i rrezikshëm , në formën pasive, sepse dëmet janë edhe më masive.
Duhani shkakton mjaft dëme, rreziqe dhe pasoja të shumëllojshme, të shumëfishta dhe me efekte dhe rreze veprimi të gjithëanshme; më të tmerrshme se mikrobi apo bakteria, që prek një organ .Kjo bimë vlerësohet dhe konsiderohet si një fatkeqësi madhore që po njeh njerëzimi në historinë e vet, duke ja kaluar luftërave dhe epidemive infeksioze të kohrave , sepse ato kanë pas një veprim të kufizuar dhe një mbarim; kurse duhani po merr përpjestimet e një pandemije, që nuk po njeh mbarim dhe po korrë miliona jetë njerëzish dhe është transformuar në një sëmundje shoqërore kronike duke patur një propabilitet rrezikshmërie më të përhapur dhe më të rrezikshëm , se favorizon dhe ndikon në një kohë , shfaqjen e mbi 50 sëmundjeve të ndryshme në organizmin e njeriut. Supozohet të konsiderohet ”simbol “ i murtajës dhe i koleres së kohës moderne.
Anketat dhe studimet epidemiologjike po dokumentojnë me bindje dhe me fakte të shumta pasojat e rreziqet e pirjes së duhanit; në plakjen e parakohshme të njeriut, në rrudhosjen e shprehur të fytyrës dhe të lekurës së trupit të njeriut, në humbjen mesatarisht 22 vjet jetë. Në botë nga duhani vdesin ç’do ditë 11 mijë njerëz dhe gjatë një viti 4 milion njerëz, d.m.th. një vdekje ç’do 8 sekonda.Ky numër mendohet të rritet dhe të arrijë deri në 10-12 milion në vitin 2025.
Pirja e duhanit arrinë të shkaktojë në botë më tepër viktima se SIDA, T.B.C., aksidentet rrugore, vetëvrasjet ,vrasjet, si dhe vdekjet e nënave gjatë lindjes; të marra sëbashku. Tek duhanxhinjtë vërehen edhe një serë problemesh të tjera. Kanë tendencë rritje , receptivteti më të madh ndaj sëmundjeve të ndryshme, për shkak të uljes së rezistencës së organizmit dhe rënies së imunitetit ; duke shtuar frekuencën e mortalitetit në një shkallë më të lartë. Aktiviteti i tyre ditor bëhet më i kufizuar. Ata u shmangen ushtrimeve fizike dhe veprimtarive të tjera të jetës.
Nikotina si përbërës kryesor i duhanit ka preferencë të veçantë, të dëmtojë një serë sistemesh dhe organesh të njeriut.Ajo shfaq ndikimin e vet fillimisht në sistemin nervor qendror, qysh me marrjen e cigares së parë. Më pas , me pirjen e mëtejshme të duhanit , rreziqet bëhen më të dukëshme në tru, në palcën e kockave , në nervat dhe me gjerë; të shoqëruara me çrregullime përkatëse, të shprehura me sëmundje të ndryshme kronike, nervore dhe psiqike. Ata ankohen se kanë dhembje të kokës, pagjumësi, ulje të koncentrimit të të menduarit, të kujtesës, të aftësisë për punë.Tek duhanpirësit janë konstatuar sindrom –shënjash, që kanë simuluar tumorin e trurit. Kjo shpjegon edhe faktin pse psikoanalistët e konsiderojnë duhanin ,armikun më të tmerrshëm të trurit dhe aftësisë mendore të njeriut.
Një prej sistemeve te organizmit te njeriut i cili te themi është “i preferuari” për nikotinën është sistemi i organeve të frymëmarrjes,që shkakton një sërë çrregullimesh,por mbi të gjitha shkakton kancerin e mushkërive,që zë vendin e parë të vdekjeve nga sëmundjet kancerogjene.
Gjithashtu te prekur nga ky helm janë edhe sistemi i organeve të gjakut,të tretjes,urogjenital etj.
Lista s’ka të mbaruar por njerëzimi ende vazhdon ta pijë duhanin.
Pirja e duhanit paraqitet me rrezikshmëri të lartë edhe për ndotjen e mjedisit publik, për ambientet shkollore, biblotekat , institucionet kulturore dhe për vendet e banuara, mbasi helmimi me tymin e dorës së dytë, që përmban CO,katran,nikotinë e lëndë të tjera, rrezikon njerëzit edhe me rëndë në këto mjedise.
Me tymin e duhanit ndoten rrobat, sendet e ndryshme që ndodhen për rreth; të cilat u vjen era dhe sjellin neveritje. Këto fakte e bëjne edhe më të domosdoshme dhe shqetësuese ndalimin e pirjes së duhanit, ku ka grumbullim njerëzish, fëmijë dhe të sëmurë.

Sot, bota aplikon lloj-lloj strategjish për të luftuar përdorimin e duhanit. Shpenzojnë sasi të mëdha parash për reklama kundër tyre, nxjerrin ligje për mospërdorimin e duhanit në vende publike, shkolla, restaurante, në institucione shëndetësore dhe administrative. Një vlerësim maksimal dhe tepër të veçant i ka kushtuar ndalimit të pirjes së duhanit, O.K.B.(Organizata e Kombeve të Bashkuara), forumi më i lartë drejtues, organizativ dhe më autoritar në botë. Për të realizuar këtë mision, kjo organizatë shpalli një ditë ndërkombetare për ndalimin e duhanit, ditën 31 Maj, duke patur si moto parrullën “ luftë kundër duhanit” dhe “mos të pihet duhan”.
Për ndalimin e pirjes së duhanit luan rol sqarimi dhe argumentimi shkencor i rreziqeve dhe i dëmeve që shkaktohen nga duhani. Vend të veçantë në këtë drejtim ka edukimi shëndetësor dhe bisedat shkencore popullore nga personeli mjekësor e sidomos nga mjekët dhe nga institucionet shëndetësore. Ata mund të organizojnë biseda me seanca të veçanta individuale ose kolektive. Në këto raste ka rëndësi edhe shembulli personal, sidomos i mjekut.Shumica prej mjekëve në botë e konsumojnë duhanin duke lënë një shembull jo të mirë për të tjerët.

Një metodë tjetër për ndërprerjen apo lënien e duhanit është metoda e mjekimit farmakologjik apo terapia zëvendësimit të nikotinës ku duhanpirësit kanë mundësi ta marrin nikotinën e pastër në forma të ndryshme, gjë që është më e shëndetëshme pasi nuk marrin edhe lëndët e tjera helmuese. Kjo metodë ndikon në pakësimin e shenjave adaptuese , që shoqërojnë nikotinën , ul koncentrimin e saj , largon dëshirën për të pirë duhan dhe të shpëton nga ndjenja e kënaqësisë që të jep nikotina dhe mbas një periudhe 3 mujore nikotina fillon të pakësohet dhe organizmi arrinë të mësohet pa të.
Lufta për ndalimin e pirjes së duhanit duhet të bëhet mjaft e organizuar, ku të marri pjesë e gjithë shoqëria, shteti, publiku, mjekësia, mjekët, profesorët, studentët , të gjithë intelektualet dhe mbarë populli.
Për ndërprerjen e pirjes së duhanit , ilaçi magjik nuk ekziston; por krijohen mundësi të tjera që ndikojnë dukshëm në lënien e tij. Vullneti, dëshira dhe pasioni , si kategori filozofike; përfaqësojnë dhe ndikojnë në karakterin, durimin dhe qëndrimin e individit, për të realizuar qëllimin dhe misionet e tij në jetë; siç mund të ndodh edhe me pirjen e duhanit. ”Me vullnet të çelikt, dëshirë të zjarrtë dhe pasion të fortë , mund të fitosh ç’do betejë” thotë një fjalë e urtë popullore.Prandaj shumë persona i’a kanë arritur qëllimit ta ndërpresin shkatërrimin e mëtutjeshëm të organizmit të tyre,por ka edhe të tjerë që prap më të njejtin vullnet e pasion vazhdojnë ta konsumojnë këtë “vrasëse”.

Duhanin mund ta lësh në ç’do kohë dhe në ç’do moshë , por lënia dhe përfitimi do të jetë më i madh , më i shpejtë, më i suksesshëm dhe më i plotë; në se lihet sa më heret , sidomos në momentin e fillimit të pirjes.

Rreziqet, dëmet dhe pasojat e rënda që sjellë pirja e duhanit na bërë më të ndërgjegjëshëm, më të arsyeshëm ,por edhe më të bindëshëm, për ta kuptuar më mirë, më qartë, drejtë dhe me vetëdije nevojën; që mos ta pijmë kurrë dhe asnjëherë duhanin.Ndërsa duhanpirësit duhet të vet-ndërgjegjësohen për ta lënë menjëherë dhe përgjithmonë, për të evituar ndikimin e tyre tek brezi i ri dhe për të shmangur rreziqet e mëtejshme në interes të shëndetit të tyre dhe në emër të jetës. Suksese ne ket luftë... !!!

BiBiKiMi

nga **shaban cakolli** prej Sun Mar 09, 2008 4:32 pm

Duhani lihet kështu,nuk e blenë,nuk i nënshtrohesh ndikimit të tij,duhesh të jesh i vendosur,dhe të kesh qendrushmeri.

nga **Beton** prej Sun Mar 09, 2008 5:20 pm

Kush vendos te largoje nga vetja duhenin kam nje ilq te mire une,lajmroheni tek une bejem nje promes me ka 20 mij euro po qe provoni peresi e ndez cigaren humben 20 mij euro ,,,kshu qe per mos te humbni 20 mij euro jam i siguret se e largoni nga vetja duhanin 100%.

Mir mbetshi.

nga **Premtimi** prej Wed Mar 19, 2008 10:12 pm

O Beton, nuk kam nevoje per ilaqin tend hahahha. Shume lehte e kam len. Lexova nje liber per Hitlerin dhe ne te njejten kohe nje tjeter liber per Che Guevaren, dhe vendosa pa menduar shume edhe e lash.

nga dibranja prej Thu Jul 03, 2008 10:42 pm

Une dhe cdo kushe e dim nga ne qe duhanin duhet te jeshe i vendosur per ta lenepor kam degjuar dhe do tju them nje shemdull ndoshta de dikush do ndezen(si thojm ne ne diber)
p.sh e merr nje cigare dhe e fut ne qumesht dhe mandej e len te thahet e mandej me ndez dhe me pi,thon qe ka nje here dhe shije te kqeq dhe te grditet cigarja enjher,desha vetem tju ndimoj atyre qe pincigaren.

nga **rolling** prej Fri Jul 04, 2008 12:48 am

mendoj qe menyra me e mire per me alne duhanin eshte mos me pi hahahaha Razz

nga idol prej Fri Jul 04, 2008 9:49 am

Roling nese nuk je nje konsumues shum lehte e ke,une jam dhe nuk mund qe te ndahem nga duhani