Ç'dimë për Medvegjën

Dita e flamurit na bashkon nga Lezha, Manastiri, Medvegja, Prizreni e çamëria




Marr nga :

http://medvegjaonline.com/forum/showthread.php?t=792
Shoqata humanitare 'Medvegja' në Fully të Zvicrës kremtoi 95 vjetorin e pavarësisë së Shqipërisë




Fulla, Valis 02 dhjetor(Medvegja.info)


Përmes një Akademie solemne, në Fully të Valisit Zvicër, Shoqata humanitare 'Medvegja' shënoi 28 Nentori – Ditën e Flamurit, pavarësisë së Shqipërisë, daljen në skenë të UçK-së, si dhe datëlindjen e komandantit legjendar Adem Jashari.



Shoqata humanitare 'Medvegja' njihet me organizimet e mirëfillta ndër vite në diasporë dhe për kontributin e dhënë drejtuar atdheut në situata të ndryshme.

Festa e flamurit, kishte mbledhur qindra medvgjas nga e mbarë Zvicra, Franca dhe Gjermania në Fully të Zvicrës, që njihet kjo pjesë si Medvegja e dytë dhe me zemër hapur, pritën Ambasadorin e shtetit shqiptar në Zvicër të respktuarin Mehmet Elezi, kordinatorin e shkollës plotësuese shqipe për Argau, veprimtarin e dalluar Riza Demaj, përfaqësuesin e AAK-së për Zvicër z.Bajram Mulaj, kordinatorin e nëndegës së LDK-së për zvicrën franceze z.Demë Xhaferaj dhe Skender Shehun kryetar i nëndegës për Shaple, familjarin e dëshmorit të UçPMB-së Mitat Musliut, z.Fazli Musliu, njëherit arkatar i shoqatës Lugina e Preshevës, miqë zvicerianë, si dhe veprimtarin Murat Avdiun.

Me një skenë shumë domethënëse, që ishte i vendosur flamuri ynë kombëtar e në anën tjetër edhe ai zvicerian, ishte edhe një portret i Skënderbeur, Ismail Qemajlit, Adem Jasharit, presidentit të ndjerë të Kosovës prof.Dr.Ibrahim Rugova

Kryetari i Shoqatës humanitare 'Medvegja' z. Zenel Neziri e hapi programin dhe në fjalë e tij, tha se jam i nderuar qe t’iu pershendes dhe t’iu uroj 28 Nentorin - Diten e Flamurit, ne emer te kryesisë së shoqatës Medvegja dhe në emrrin tim personal. Jemi mbledhur të gjithë sot shumë larg atdheut, por në një vend mik të kombit tonë, në një vend që e ka pranuar dhe e pranon pavarësinë e shtetit të Kosovës, në një vend që më së miri respekton të drejtat e çdo kombi, të kujtojmë dhe të festojmë 95 vjetorin e shpalljes së pavarësisë së Shqipërisë. Para se të fillojmë me programin Ju kisha lutur që me një minutë në heshtje ti përkujtojmë të gjithë dëshmorët e rënë për liri nëpër kohëra të ndryshme që ka përjetuar atdheu.Lavdi të gjithë dëshmorëve. Edhe pas 95 vjetëve pavarësi të shtetit amë Shqipëria, na vjenë erë e ftoftë robërie që ngrinë edhe ajrin nga Presheva, Bujanoci, Medvegja, Tetova, Malcia e çamëria, me një Medvegjë të rrethuar me xhandarë serbë, me një Malci të rrethuar me ushtri të hekurt dhe duke u burgosur vëllezërit tanë të pafajshëm e me Maqedoni të zhurmshme, e me çamëri të lidhur nyje robëri.

Kryetari i shoqatës z.Neziri menjëherë ftoi Ambasadorin e shtetit shqiptar në Bern z.Mehmet Elezin i cili u ndal me disa fjalë para të pranishmëve:'Të nderuar medvegjas, të nderuar bashkëkombas, edhe medvegja, Malcia e çamëria, janë në flamurin kombëtar kuq e zi, sot jemi mbledhur të gjithë rreth flamurit kombëtar, prandaj kjo datë, është e shenjtë dhe na don që të jemi edhe më të bashkuar, në çdo qytet a fshat që flitet shqip.

Prezenca jonë, tregon qartë se Medvegja nuk harrohet asnjëherë.Jemi në prag të pavarësisë së Kosovës dhe shumë shpejt do ta festojmë së bashku, prandaj ky shekull është i yni, të punojmë dhe të veprojmë unik për të mirën e atdheut'.
Moderatorët e këtij solemniteti, nxënës të shkollës plotësuese shqipe treguan qartë, se gjuha shqipe do ruhet me vullnetin më të mirë që e kemi. Referati kushtuar kësaj date i përgatitur nga sekretari i shoqatës z.Fadil Selmani u mirëprit nga të pranishmit. Fjalën përshëndetëse e mori nga kryesia e shoqatës edhe kordinatori i shkollës plotësuese shqipe për Argau, z.Riza Demaj, ku ndër të tjera potencoi: 'Se jemi mbledhur sonte nga Tirana, Peja e Rugova, Tetova e Malcia, rreth flamurit kombëtar, rreth një ideali, dhe na bashkon hymni kombëtar, na bashkon gjuha amtare, prandaj duke e njohur gjuhën tonë dhe duke nderuar traditat tona kombëtare e duke dashur atdheun, mendojmë shqip dhe respektohemi shqip.



Medvegja, Bujanoci dhe Presheva, si dhe viset tjera shqiptare, do jenë pjesë e pandashme e trungut etnik shqiptar.Me besa besë, do realizojmë qëllimin tonë final, ate që kanë luftuar stërgjyshërit tanë nga Roma e lashtë e gjerë më sot.Ndërsa përfaqësuesi i AAK-së për Zvicër, z.Bajram Malaj, para të pranishmëve tha se: 'Jemi mbledhur sonte në këtë solemnitet me medvegjasit, me vëllezërit tanë të festojmë ditën e pavarësisë së shtetit amë dhe datëlindjen e komandantit legjendar Adem Jashari.Medvegja, e tërë Kosova Lindore, nuk do mbeten hije për ne kosovarët, por Kosova Lindore do të jetë temë e shpirtit dhe zemrës sonë'.

Xhaxhai i dëshmorit të UçPMB-së Mitat Musliut z.Fazli Musliu tha se:' Gëzimi dhe dhembja janë të mëdha në këtë ditë të 28 Nëntorit, por çdo herë kur e shihni flamurin tonë duke valuar, mburruni, sepse jeni meritorë, dhe ky ishte ideali i të gjithë atyre që luftuan dhe u flijuan. Kosova po ecën me hapa të sigurt drejt ardhmënisë dhe dashur pa dashur armiqtë tanë, Kosova do të bëhet një shtet për ta lakmuar të gjithë. Këtë e fituam me gjak, nuk na e dhuroi askush ,dhe këtë do ta mbrojmë'. Edhe kryetari i nëndegës së LDK-së për Shaple z.Skender Shehi, falënderoi për ftesën dhe rikujtoi, se shoqata humanitare medvegja, para disa viteve në një solemnitet të rëndësishëm, po në të njetën sallë, ka pasur musafirë edhe të ndjerin Mandelën shqiptare Pjetër Arbnorin. http://medvegjaonline.com/forum/showthread.php?t=792

Kjo shoqatë ka punuar dhe është duke punuar gjithnjë për humanitet dhe në sfera tjera që kërkohet nga atdheu.Kemi qenë bashkë me Medvegjë, jemi dhe do të jemi. Prandaj, sa kemi hise në flamur, aq ka hise edhe Kosova Lindore'.Me disa fjalë, të pranishmit i përshëndeti edhe veprimtari Murat Avdiu nga Tërnoci i Kosovës Lindore, ku theksoi, se flamuri ynë kuq e zi, një ditë do të valojë i lirë edhe në Medvegjë, Bujanoc, Preshevë, e Malci.

Me një Shqipëri të fortë, e me Kosovë të pavarur do të jemi edhe ne më të lirë, prandaj le të jetë ky vit i fundit që festohet pa pavarësinë e Kosovës.Edhe mësuesi zvicerian Ferderik Carron, i fascionuar me unitetin e shqiptarëve dhe me organizimin e medvegjasëve, me disa fjalë përshëndeti të pranishmit dhe theksoi se është kënaqësi e veçantë kur sheh një numër kaq të madh shqiptarësh për të festuar ditën e flamurit dhe të shtetësisë së Shqipërisë. Këta nxënës shembullor të shkollës plotësuese shqipe dhe të gjuhës franceze, më gëzon pa masë, me dhuntinë natyrore që kanë drejt atdheut.Kosova një ditë shpresojmë se do të jetë e pavarur dhe kam shumë fjalë të mira për shqiptarët kudo që janë. Respekt dhe gëzuar ditën e flamurit.Kryesia e shoqatës humanitare 'Medvegja', ambasadorin Elezi, kordinatorin e shkollës plotësuese shqipe për Argau z.Riza Demaj, përfaqësuesi i AAK-së për Zvicër Bajram Mulaj, xhaxhai i dëshmorit të UçPMB-së Mitat Musliut, z-Fazli Musliu, kordinatorin e nëndegës së LDK-së për zvicrën franceze, z.Demë Xhaferin, veprimtarin Murat Avdiu, si dhe producentin Husaj dhe ekipin e TV Diaspora për Zvicër dhe redaksinë e gazetës kombëtare 'Bota sot', iu ndau nga një mirënjohje respekti për kontributin e dhënë kësaj shoqate dhe Medvegjës në përgjithësi.Këto mirënjohje i ndau kryetari i shoqatës Z.Zenel Neziri,
Gjithashtu, përfaqësuesi i AAK-së z.Bajram Mulaj, në emër të AAK-së iu ndau një libër 'Haradinaj dhe Haga' kryetarit të shoqatës humanitare 'Medvegja'.Me një program të pasur kulturo artistik, i udhëhequr nga shoqëria kulturoro artistike 'Medvegja' e formuar para katër muajsh, dha një program të pasur me këngë, recitime e valle, nga trevat e ndryshme të atdheut, sa që të gjithë të pranishmit u ndanë të kënaqur me programin e përgatitur.Në fund të gjithë të pranishmit u ndanë të kënaqur nga mikëpritja dhe programi i Shoqërisë kulturo artistike 'Medvegja' dhe mbetën me shpresë se një ditë do ta festojnë edhe pavarësinë e Kosovës.


Per ta ruajtur Traditen kombetare Medvegjasit u organizuan mir ne perendim duke formu shoqata te ndryshem kulteturore e humanitare.

Fatlum faleminderit për informacionet që na i solle në lidhje me aktivitetet e popullit nga Medvegj ....
Por Nëntori sot figuron vetëm në histori, sepse politikajt aktual me turpin që po e bëjnë sot e kanë nëpërkëmbur nocionin popull, popullin i cili i lindi Nëntorët, politikajt tanë aktual turpin që e bëjnë sot e mbulojnë me lavdinë e Nëntorëve në të kaluarën.
Sot vjen dhe shkonë Nëntori, nga politikajt aktual nuk përmendet as Medvegja, Presheva, Çamëria dhe as shqiptarët nën robrin e malazezëve ... Nuk ngritet as zëri diku në botë se Shqiptarëve nën Maqedoni ju ndalua Flamuri e aq më keq se u futë garda e Car Llazarit në Maqedoni pak javë para 28 Nëntorit.
Andaj ta zënë në gojë Nëntorin politikanët tanë aktual, si në Kosovë poashtu edhe në Shqipëri do të thotë ta bëjnë më të theksuar mjerimin e tyre.
Që ta bëjm Nëntorin, Nëntorë duhet që e djeshmja të jetë udhëzuese e së sotmes.

Sofra ajo qfar ti thua me te vertet eshte e drejt

Une personalisht jam shum i kanqun qe se paku dikush si shoqata ne fjal merret me Bashkimin e shqipotareve ne ket rast ne Zvicerr.
Nuk duhet te harrojm aktivitetin humanitar te SHKH ,,Medvegja'' me seli ne Zvicer e cila ne kohrat me te veshtira i doli ball varferis ne Kosove duke i ndihmu shum famuilje te deshmoreve.

Perkunder asaj qe neve ne Medvegje edhe sod ne shekullin 21 na mohohet e Drejta e festimit te festes me te rendesishme kombetare 28 Nentori nga pushteti serb,jam i kanqun qe se paku dikun ne diaspor shqiptaret e kesaj komune jan organizue ne mas te madhe dhe festojn si gjith shqiptaret.

E di fatlum se dikur kam përcjell aktivitetet e pothuajse shumicës së partove, lëvizjeve dhe shoqatave në Zvicër.
Ajo që ti e thua është më se e vërtetë, të gjitha kto gjëra ndodhën pas viteve të 90 -ta kur u shkatrrua globi Shqiptarë.

marr nga:http://www.medvegjaonline.com/forum/showthread.php?p=3139#post3139



Shqiptarët e Medvegjës stoikë nëpër shekuj


Shkruan:Selman REXHEPI

Gjatë dhe pas Lutftës së Dytë Botërore forcat partizano-çetnike masakruan dhe ekzekutuan shumë shqiptar të komunës se Medvegjës.Një shqiptar i moshuar nga kjo komunë,me emrin Feriz Veseli,I lindur në vitin 1915 në fshatin Sfircë,i cili tani jeton në Fushë-Kosovë,deklaron se në vitin 1944 këto forca i kanë rrëmbyer shumë shqiptarëdhe I kanë pushkatuar diku ne Serbi,në Sllamnik të Bojnikut.

Musli Rexhepi Rafuna nga fshati Tupallë,i cili jetoj 103 vjet,gjithmon e cekte se gjatë Luftës së II botrore forcar serbe partizano-çetnike,në krye me komandantin e Batalionit të dytë,të stacionuar në Sfircë,,Miloje Milojkoviq nga Gazdari i Medvegjës,kanë Dhënë urdhër që shqiptarët e rrëmbyer të pushkatohen.

,,Me pranga në duar,të lidhur me zinxhirë dhe duke u rrahur me kondakë nëpër oborrin tone,të shtyr nga forcat çetnike’’deklaron Mihane Ademi,një grua e moshuar nga Sfirca.
‘’Atëher isha vetëm 15-vjeqare,kur e kam pare atë skenë të tmerrshme.të cilën nuk kam mundur ta harroj kurrë,edhe pse tash jam 85 vjeqare.
është me se e sigurt se forcat çetnike serbe ndërmorën këtë aksion kundër shqiptarve të Sfircës dhe Gërbacit,dhe fshatrave tjera të Medvegjës,të revoltuara nga humbjet në njerëz që pësonin në Kosovë ne përballje me trimat e Shaban Polluzhës dhe atdhetarve tjerë.Gjithashtu sipas burimeve të sigurta dihet se këta njerëz i dërguan fillimishtë në burgun e Leskocit ,ku i mbajtën katër ditë,ndërsa më pas me urdhrin e komandantëve çetnikë Milivoje Simanoviq nga Pusta Reka dhe Miloje Milojkoviq nga Gazdari ,i pushkatuan diku,duke mbetur mister vendi i pushkatimit dhe varrimit sot e asaj dite.Nga këto forca u vranë edhe shumë shqiptarë tjerë të Medvegjës.
http://www.medvegjaonline.com/forum/showthread.php?p=3139#post3139
Shqiptarët e vrarë dhe të masakruar për të cilët kemi dëshmi të sgurta,ndër të tjer janë:Halim Duli,Halit Duli(Vllezër),Hafiz Vrapca,Avdil Vrapca,Ajet Veseli,Rexhë Veseli,Hamit Ademi,Sylë Xheledini,Arif Emini,Fazli Emini,Vesel Beha,Sherif Hajrullahu,Emin Abazi,Arif Abazi,Selim Abazi,Hajdin Behluli,Jashar Zejnullahu,Brahim Zejnullahu,Tahir Halimi,Rexhë Rexhepi,Shaban Salihu,Asllan Rexhepi bashk me djalin,Bajram Rama,Malë Murati,tre vllezrit Munishi,Sejdi Osmani,Hajriz Heset,Rexhë Mehmeti,Ajet Mehmeti,Mehmet Mehmeti,Ahmet Bajrami,Hatem Fazliu,Selman Hajdari,Tahir Syljemani,Myrt Zejnullahu e tjer.

Shpresojmë se në të ardhmen do të ndriqohen të gjithë emrat e të ekzekutuarve tjerë,jemi duke punuar Intensivisht që të botohet libri me këta emra sa më parë.Këta shqiptarë u kidnapuan me dhunë më datën 04 dhjetor 1944 ku ishte natë e Bajramit,kurse u ekzekutuan ne fshatin Sllamnik te Bojnikut dhe u varrosen ne varrezat masive.

Svetozar Vukmanoviq-Tempo i dërguari special i Komitetit Qendror të Partisë Komuniste te Jugosllavis në nëntor të vitit 1941,mban mbledhje në Banjë të Sajrinës ,ku merret vendim për tu likuiduar Zenel HAJDINI,Veli DEDI dhe Hajdar Gjemën fetyrat më emintente shqiptare të këtyre trojeve.

Zenel Hajdini vritet në tradhti nga serboçetnikët,Veli Dedi vazhdon rrugën për në Shqipëri,kurse Hajdar Xhema vazhdon rrugën për në Amerikë.

Përndryshe,nga Medvegja kanë dalë prore djem trima dhe burra të mëdhenj.Nga Dedi i Medvegjës gjenerali me famë botrore,Veli Dedi pastaj heroi i popullit Zenel Hajdini,Vllezrit Xhema nga Tupalla që kontribuan as shumë ne ShBA për qështjen e Kosovës,Akademik Idriz AJETI e tjer.

Në një rast kur më 1946 Gjeneral Dedi kthehet nga lufta e Spanjës dhe i ben nje vizitë familjes,ai befasohet për të mirë nga rezistenca dhe gatishmëria e burrave për ti mbrojtur trojet e tyre,ne veqanti nga sakrifica e Musli Rexhepi Rafuna me vëllezrit Sadriun,Sejdiun,Ademin,Halilin,Brahimin dhe Ajetin,pasi i falenderon për gjumin e qetë që bëri në vendlindje,ua ndanë nga një medalje ushtarake dhe vazhdon për në Shqipëri.


Musli Rexhapi RAFUNA

Në dekadat e fundit,nga këto tortura dhe nga burgu e maltretimet shumëvjeqare vdiqn edhe dy atdhetar të mdhenjë të qështjes shqiptare:Sadik Jashari dhe Dylber Beka
,i pari i mbajti 13 vjet burg ne Foçë,ndërsa i dyti i burgosur politik nëpër kazamatet serbe.Në vitin 1991,edhe autori i këti shkrimi ishte keqtrajtuar në mënyrën më brutale nga inspektori Miqa Jankoviq,duke i shkaktuar regjim 10-vjeqar shtrat,pas dhunës dhe trajtimit që e bën madje edhe mantel bardhët në spitalin e Leskovcit.Kjo dhunë dhe këto reprezalje patjetër se i lindën edhe dy trima e pa epur të UçK-së në Kosovë Dëshmorët e kombit Florim Rushiti-Kingji dhe Hashim Hajdinin.
Pas lutës dhe çlirimit të Kosovës më 1999,në komunën e Medvegjës u stacionuan ushtria dhe policia serbe,me të njejtin program dhe skenar si ai i viteve te pasluftës se dytë botrore.Derrat serbë,sipas dëshmitarve okular,me mish derri e kanë festuar humbjen ne Kosovë dhe në hotelin,,Gejzer'' Banjë të Sjarinës.Eshtë e sigurtë se në darkën e turpit kanë marrë pjes kryeçtnikët Pavkoviq e Ojdaniq,të njohur ne opinionin e gjerë,pastaj kryeçtniku komunal,atëher ish kryetar i KK te Medvegjës Zhika Pavloviq,komandantët e policis nga Beogradi,Nishi,Kragujevci,Leskoci,Lebana,Bojniku,M edvegja e tje.Dhe qëllimi i takimit ishte përpilimi i strategjis së përzenies së shqiptarëve nga trojet e veta stërgjyshore gjë të cilën për fat të keq,edhe e realizuan,përkundër luftës dhe rezistencës që e zhvilloi pas kësaj UçPMB-ja.Kjo,pa dyshim se u arrit me ndihmën e vasalëve dhe bashkpuntorve serb,si dhe të bashkesisë ndërkombëtare,e cila këtë pjes të trojeve shqiptare dhe këta njerz i trajtoi dhe vazhdon t'i trajtojë si monedhë për kusuritje. http://www.medvegjaonline.com/forum/showthread.php?p=3139#post3139
Por,si do që te jetë,si do që të zgjidhet fati i të gjitha trojeve shqiptare kudo ne Ballkan,edhe Shqiptarët e Medvegjës e kanë tanimë vetëdijen e fort se nga vendlindja e tyre janë privuar vetëm përkohsisht dhe se vetëm atje di ta bëjnë gjumin e qetë dhe të ëmbël.

(Autori është veprimtar dhe i zhvendosur nga Tupalla e Medvegjës me dhunë dhe represion serbosllav)

Edhe nje her shpreh Urimin tim gjith popullit shqiptar me rastne pavarsis se KOSOVES

Nje video per medvegjen ndoshta i intereson ndokujt:

Ju falemnderit per keto te dhena dhe pamje qe po sjellni , sepse jane vertete me interes
nderime

Mbetesh i shum po shume i respektuar fatlum nga une,per gjithe kohen qe mere e pasuron kete teme,si dhe e verteta qendron, personlishte shume ka mesuar nga kjo teme per Medvegjen .RESPEKT

Qe edhe nje video e njejta keng e kendon tjeter kush dhe eshte shum me e zgjeruar.Qellimi yn kryesor eshte qe sa me shum shqiptaret te njihen me nje vend qe ishte dhe do jet shpresojm toke shqiptare .Medvegja deri ne vitin 1912 ishte pjes e Vilajetit te Kosoves.

Ju falenderoj per komentet

http://www.youtube.com/watch?v=NZDhhuMfUVc

Ja dhe nje Artikull që e hasa ne nje web:

I vihet zjarri një shtëpie në Sijarinë,Medvegjë



Medvegjë/Tupallë/Sijarinë mars 2008 (Medvegja.info)



Në orët e vona të së martes të dates 11 mars 2008 i është vën zjarri shtëpis së Bajram Zeqiroviq në fshatin Sijarinë komuna e Medvegjës.Sipas dëshmitarve okular zjarrin e kishin vën dy serbe të,,dehur’’ te cilët më pas jan kap nga policia lokale dhe rasti ka kaluar në Gjykaten Komunale.



Përveq dëmeve materiale të konsiderushme viktima në njerz apo të lënduar nuk ka,pasi që familja Zeqiri në momentin e aksidentit nuk ndodhej në shtëpi.



Nga ana tjetër ditën e enjte të dates 13 mars rreth ores 12 në mes ditë organizuar nga veteranët e luftës dhe rezervistet u mbajt një protest kundër pavarsis së Kosovës.Ndonse në protest morën pjes rreth 70 serbe,forcat e shtuara të policis vreheshin ne qdo kënd të qytetit madje ata kishin formuar një kordon policor para hyrjes kryesore të Kuvendit Komunal të Medvegjës.Protesta karakterizohej me flamuj serb si dhe me brohoritma ,,Kosovo je srbija,Kosovo nije na prodaji-Kosova është serbi,Kosova nuk është në shitje’’Protesta e serbeve filloj para objektit të KK Medvegjë për të përfunduar pas një ore në Shtëpin e Kulturës.Protesta kaloj e qet dhe pa as një incident.



Po të enjtën në orët e vona disa persona të pa identifikuar ende, në fshatin Tupallë fshat ky i banuar vetum me shqiptar kishin vendosur pllakate me mbishkrime nacionaliste serbe.Pllakatat ishin vendos në stacionin e autobusit, ndërkaq përveq flamurit serbe në to qendronin edhe mbishkrimet ,, KOSOVO,NIJE NA PRODAJI’’ ,,Kosova nuk është në shitje’’.Këto provokime ndër etnike padyshim se kan shkaktu edhe frustimin e popullatës shqiptare të Medvegjës,si dhe ngjallen në popull një pasiguri të madhe politike.Pllakatat u larguan dhe shqyen me një nervocizëm të madh nga nxënësit e shkollës fillore ,,Zenel HAJDINI’’ në Tupallë ditën e nesërme.


Përgaditi:A .A
Legjenda: Medvegja.info

Fatlumi, me duhet te te falenderoj edhe njehere per keto informata qe po n'a i sjell ketu ne forum e n'a e mundeson qe te jemi me te informuar per gjendjen ne Medvegjë .Me vje keq shume per keto raste qe paskan ndodhe (tashme shume te njohura per neve ) por po ashtu me duhet te them se duhet te behemi te forte dhe te patrembur (ashtu si edhe besoj qe jeni/mi)perpara akteve te tilla tipike te tyre-serbve .
Une besoj ne lirine e t'gjithë populit shqiptar , besoj shume se nje dite do te jemi i gjithe kombi i bashkuar ashtu si e krijoi dhe ashtu si e do edhe vetë Zoti .
E rendesishme eshte te qendrojme ne trojet t'tona perkunder veshtiresive , te punojme aq sa na jepet mundesia e sidomos te mos rreshtim se besuari dhe punuar per dite me te mira ,sepse do te vijne gjithsesi .

Informacionet qe n'a i sjell per cdo ngjarje çofshin te kesaj natyre ( te dhimbshme qe te revoltojne pa mase) ,çofshin ngjarje kulturore , aktivitete te ndryshme per popullaten e asaj ane, per neve jane shume me interes sepse ne media shume pak informohemi ..shume pak .

nderime

Ja edhe nje artikull qe ka te bej me Akademikun e Shquar shqiptar te Medvegjes Idriz Ajetin.Besoj qe eshte me interes...


Në Prishtinë u shfaq filmi dokumentar kushtuar Akademik Idriz Ajetit

Prishtinë 25 mars 2008(MedvegjaOnline.Com)

"Klasiku i fundit" titullohet filmi dokumentar, i cili i kushtohet akademikut
shqiptar të Medvegjës Idriz Ajetit, u shfaq sot në kinemanë ABC në Prishtinë. Realizuar nga regjisori Halil Kamberi "Klasiku i fundit",është prodhim i televizionit publik shqiptar,ku prezantohet veprimtaria dhe kontributi i akademik Idriz Ajetit për gjuhën shqipe.Fillimisht filmi dokumentae ishte shfaq ne Televizionin Publik Shqiptar.

Regjisori i filmit, Halil Kamberi dhe ekipi që ka punuar në realizimin e tij, vlerësojnë se ka qenë moment i rëndësishëm ideja për një film të tillë përmes të cilit do të hidhej më shumë dritë mbi jetën dhe punën e palodhshme të Akademik Idriz Ajetit.

Akademik Idriz Ajeti është marrë me hulumtimin shkencor të dialekteve nga
pikëpamja diakronike, pastaj trajtimin e dokumenteve të moçme gjuhësore të shkruara me alfabetin arabo-turk dhe studimin e marrëdhënieve shqiptaro-serbe. Ajeti ka trajtuar edhe çështje të gjuhës së sotme shqipe.


[img(200,289)]file:///C:/DOCUME%7E1/ADMINI%7E1/LOCALS%7E1/Temp/msohtml1/01/clip_image001.jpg[/img]


Akademik
Idriz AJETI





Idriz Ajeti është një prej rilindësve të fundit, i cili përmes studimeve të shumta prej disa dekadash, dha kontribut të çmuar për gjuhësinë shqipe.
Kështu e vlerësojnë figurën e tij filologët e shumtë, bashkëpunëtorët e
studentët e tij.


Në vitin1962 pas themelimit të Fakultetit Filozofik themeloi revisten shkencore metitull,,Gjurmime Albanologjike’’

Vlen të theksohet se Akademik Idriz Ajeti u lind me 26 qershor 1917 ne TUPALLë të Medvegjës .Shkollen fillore e kreu ne Tupalle,Sjarine(afer Xhamis shkolla e vjeter) dhe ne Banje te Sjarines,ndërkaq të mesmen me sygjerim të Zenel HAJDINIT e përfundoi në Medresen e Madhe te
Shkupit në vitin 1938.
Po atëvit u regjistrua në Fakultetin e Filozofisë të Universitetit të Zagrebit – nëDegën e romanistikës.Studimet për dy vite radhazi i vazhdon në Itali,studimet imbaroi pas luftës, në vitin 1949 në Fakultetin e Filozofisë të Beogradit.

Për një kohë punoj si profesor në Gjimnazin e Prishtinës,që nga viti 1968 ishte profesor ordinar në Degën e Gjuhës dheLetërsis Shqipe në Fakultetin Filologjik. Gjatëvitit 1969-1971 ishte drejtor i Institutit Albanologjik, pastaj nga viti1971-73, dekan i FakultetitFilozofik, në vitet 1973-75 rektor i
Universitetit të Prishtinës, ndërkaq në vitet 1979-1981 dhe 1996-1999 drejtoi Akademinë e Shkencave dhe Arteve të Kosovës.


Nga viti1994 në Akademin e Arteve dhe Shkencave të Kosovës është kryeredaktor i revististës Shkencore ,,STUDIMI’’





Pas zgjedhjeve paralele t vitit 1998 për Kuvendin e Republikës së Kosovës, zgjidhet kryetar i parë i tij nga radhët e Lidhjes Demokratike të Kosovës Në vitin 1997, Akademia e Shkencave dhe e Arteve e
Kosovës i ka botuar veprën e plotë në pesë vëllime.Ishte antar i delegacionit të Kosovës në Rambuje në vitin 1999.


Për kontributin e madhë qe dha ne fusha të ndryshme ai u dekorua me disa qmime ndër të cilët edhe Shpërblimi i 7 Korrikut dhe ai i KAÇKJ. Presidenti Dr.Ibrahim Rugova e dekoroi me Medaljen e Artë të Lidhjes së Prizrenit, ndërsa me rastin e 90-vjetorit të lindjes, Presidenti i Republikes se Kosovës Dr.Fatmir Sejdiu e dekoroi me Çmimin Presidencial për Studiues.



Akademik Idriz Ajeti aktualisht punon si kryeredaktor i revistes shkencore ,,STUDIMI'' si dhe eshte ne perpunim te disa titujve tjer shkencore.



Përmbledhjen e
pregaditi B.U

---

Nga aspekti i origjinës dhe prejardhjes së shqipëtarëve, komunën e Medvegjës e karakterizon një strukturë johomogjene e popullatës. Një pjesë e madhe e banorëve të këtyre trevave ka prejardhje nga viset e Toplicës dhe Jabllanicës së Poshtme.
Gjatë dimrit të madh të viteve 1877/78 shteti serb duke nuhatur si të favorshme situatën pas dobësimit të ndikimit të Perandorisë Turke në këto treva, vuri në lëvizje të gjithë mekanizmat e dhunës drejt përmbushjes së aspiratave të politikës okupuese serbe të parapara në projektin e "Naqertanjës" të vitit 1844.. Ky plan i Garashaninit kishte për qëllim pastrimin nga elementi etnik shqipëtar të trevave të Toplices, Jabllanicës së poshtme,Rrethit të Vranës e të Leskocit duke përfshirë edhe qytezat dhe qytetet si Kurshumlia, Prokupla, Bojniku,Lebana,Leskoci,Vraja,Nishi etj.
Dhuna karakterizohej me vrasje në masë, përzënje nga shtëpitë, plaqkitjen e gjithë pasurisë së fshatarëve dhe vurjen e flakës së çdo gjëje që siguronte existencën e tyre. Dimri dhe bora e madhe e shumëfishuan numrin e viktimave. Kolona të tëra fshatarësh lëvizin në drejtim të Kosovës. Rrugës hordhitë serbe i sulmonin dhe ua plaqkitnin edhe ato pak gjera që kishin arritur ti merrnin me vete. Situata e të ikurve ishte dramatike. Kishte raste kur kolona që vinin prapa hasnin në fëmijë të mbetur në borë pranë nënave të cilat tani më kishin vdekur. Në këtë rrugëtim të dhunshëm dhe të pashpresë shumë familje humbën të gjitha gjurmët nga të afërmit e tyre të cilët nuk i gjetën më kurrë. Drejtimi i kesaj lëvizje ishte Kosova, Shqipëria, Maqedonia por një numër shumë i madh i tyre shkoi deri në Anadollinë e largët. Shpesh u dëgjua nga goja e këtyre të ikurve të thonin "Pasi u detyruam t'i lëshojmë vatrat tona, atëher sa më larg serbit"
Fshatrat e Jabllanicës së Epërme ishin të populluara në shumicë me elementin shqipëtar; Pikërisht në këto vendbanime shumë nga këta të ikur gjetën strehim dhe mikëpritje prej nga nuk u larguan më kurrë. Kështu sot pas 130 vitesh duke u falënderuar toponimeve të marra nga viset ku u shpërngulën, me lehtësi i dallojmë këta muhaxhirë (të ardhur).
Këtu psh. mund t'i përmendim "RADECET" "RAFUNET" "CERNAVORRET" "RADINOCET" "VRANOCET" "TERSTENET" "BOJNIKET" "SHILLOVET"etj.
Kishte poashtu vendas të cilët lëvizën drejt Kosovës duke braktisur në tërësi disa fshatra të Jabllanicës së Epërme të cilat deri në këtë kohë ishin në shumicë të banuara nga shqiptarët. Pjesa dërmuese e kësaj popullate është vendosur në Kosove dhe sot identifikohen sipas emërtimit të bartur prej andej nga ku u shpërngulën. Të tillët i gjejmë psh. me mbiemër Borovci, Retkoceri,Stublla,Kapiti,Gjakli etj.
Sot këto fshatra janë në tërësi të banuara nga serbët.
Ishte kjo një pjesë e zymët e historisë sonë ku shqipëtarëve iu mor një teritor i përafërt me ate të Kosovës së sotme. Epshet sërbomëdha u ngopën edhe me vendimet që pasuan në instancat Evropiane të kohës të cilat jo që nuk dashtën ta detyrojnë shtetin serb të liroj tokat e okupuara të shqipëtarëve dhe të lejojë kthimin në vatrat e tyre, por ia njohu edhe Kosovën si pjesë të saj.
Një kapitull i kësaj historie të dhimbshme u përmbyll me pavarësimin e Kosovës, ku përfundimisht iu ndal hovi ekspansionizmit serb drejt tokave shqipëtare në dëm të të cilave nuk pushoi së lëvizuri kufiri gjatë dy shekujve të kaluar.