Bashkimi Kombëtar

nga ficam prej Mon May 12, 2008 12:51 am

fi2a1 shkruajti:sofra te pershendes bash ashtu kam thene asimilime di shum mire se qka don em than kjo fjal

kam ndejte 5 muaj ne ato ane po thash edhe me larte inshalla don zoti e mbijetojn dhunen serbe qe ke thene

sofra 70% te fjalorit e folshin serbishte o vella skishin as rrespkte per neve te kosoves askund nuk kam pa ndonje plak me plis e shum e shum sene tjera

rrespekte per ty

Rrralle ndonjëher më ka ra të lexoi ndonjë akuzë të rëndë dhe tê pa bazuar si këtë qe e citoj këtu mê lart. Me të vërtetë u preka shumë meqenëse edhe une jam i lindur dhe i rritur në një fshat të Medvegjës dhe nuk i kuptoi njerëzit si mund t'ia lejojnë vetes të plasojnë një shkrim të tillë në opinion pa e matur fare dëmin që një vlerësim i tillë për një popullatë të tërë, mund të ketë në opinion.
Nuk e kam ndërmend këtu të elaboroi as gjuhën, as veshjen as traditën e shqiptarëve të Komunës së Medvegjës, por mund të them se askush nuk ka të drejtë të na akuzoi se nuk i duam dhe respektojmë shqiptarët kudo që ata jetojnë si popullatë dhe si individ dhe aq më shum popullin e Kosovës ku pjesa dërmuese nga ne është shkolluar dhe adukuar. Nuk është traditë jona që të shkelim mbi bukën e ngrënë dhe diturinë e nxënë në tokën e Kosovës.
Prandaj le t'i mbetet në ndërgjegje këtij individi i cili me gjasë nuk është i vetëdijshëm për mëkatin që bënë duke drejtuar gishtin me këto akuza ndaj kësaj popullate e cila me sakrifica të mëdha po i mbijeton ekzistencës në këtë pjesë të Shqipërisë etnike.

_________________________________________________________
Në jetë duhet gjunjëzuar vetëm kur duam të këpusim një lule

nga fatlum prej Mon May 12, 2008 12:53 am

Po Deli ,ashtu ka qen deri ne 2003-ten kur ne Kuvendin Komunal te Medvegjes u miratua dy gjuhsia dhe sod gjuha shqipe eshte gjuhe zyrtare njetrajtesisht me gjuhen serbe d.m.th jo si gjuhe e dyte zyrtare por si gjuhe e njetrajtshme me serbishten.

Ata pak shqiptar qe punojn ne administaraten komunale flasin shqip dhe te jem i sinqert un kur hyj ne komun flas shqip dhe nuk brengosem fare per mendimin e askujt.

Edhe nje sqarim shqiptaret e Medvegjes sod kan edhe nenkryetarin e KK shqiptar si dhe drejtorin e sherbimeve publike pran KK te Medvegjes.

Situata ka fillu te ndryshoj per te mir besoj vetum se nevojitet nje angazhim ma i madh i joni si shoqri civile.
Deli Presheva,Bujanoci edhe Medvegja deri ne vitin 1951 ishin pjes e Kosoves,Presheva dihet se ka nje popullsi shumic apsolute shqiptare edhe Bujanocin tashme e kan marr shqiptaret mirpo qeshtja ma e ndishme padyshim se mbetetet Medvegja.

Perkunder gjitha ketyre gjuha tradita dhe kultura shqiptare eshte rujt mjaft mir...

Ficam si gjithmon pajtona me mendimin tuaj,me te vertet ky shkrim i pa bazum na beri te ndihemi keq mirpo kur e verteta qendron ne anen tone ateher skem nevoj mu brengos shum per shkrime te tilla te pa bazume ne asgje te vertet

nga **Sofra** prej Mon May 12, 2008 4:36 am

KOSOVA LINDORE DHE ÇAMËRIA

Nga Tomorr TOPLICA

KOSOVA LINDORE

Krahina shqiptare e Kosovës Lindore është skaji më veri-lindor i Shqipërisë Etnike dhe shtrihet në drejtimin veri-jug, duke filluar nga qyteti i Medvegjës, nëpër Bujanoc, vazhdon në Preshevë dhe mbaron në kufi me Maqedoninë. Në perëndim kufizohet me Kosovën, kursen ë lindje me komunën e Vrajës. Gjatë gjithë historisë, qënga koha ilire e deri më sot kjo krahinë ka qenë dhe është e banuar me shumicë të popullsisë shqiptare. Pas mbarimit të Luftës II Botërore, me përdhunë është shkëputur nga Kosova dhe i është aneksuar Serbisë. Kosova Lindore është e banuar me rreth 100.000 banorë, prej të cilëve mbi 90% janë shqiptarë.

Shqiptarët e Preshevës, Bujanocit e Medvegjës - Kosova Lindore, me Referendumin Popullor të mbajtur më 1 dhe 2 mars 1992, u deklaruan për Autonomi Politike e Territoriale me të drejtë ribashkimi me Kosovën, por nuk i qëndrojnë sa duhet besnik këtij referendumi dhe nuk punojnë sa duhet për zbatimin në praktikë të tij. Nuk bëri punë dhe nuk solli asnjë përparim e përmirësim politiko-ekonomik as lufta e UÇPMB-së dhe Marrëveshja e Konçulit e 12 majit 2001.

Si në të gjitha trevat shqiptare, edhe në Kosovën Lindore pas shembjes së sistemit njëpartiak u formuan shumë parti politike, të cilat nuk i kanë sjellë deri më tani ndonjë dobi të madhe kësaj krahine. Nuk mund të quhet demokraci as atdhetarizëm, por është bajraktarizëm, karrierizëm, egoizëm e marrëzi formimi i 7-8 partive politike në tri komunat e vogla të Kosovës Lindore!

Paria politika e Kosovës Lindore bëri edhe një gabim të madh politik, historik e kombëtar kur ia ndërroi emrin vendit nga Kosova Lindore në "Lugina e Preshevës", duke mohuar kështue edhe faktin se është pjesë e shkëputur me dhunë nga Kosova. Emërtimi i vendit Kosova Lindore filloi të përdoret menjëherë pas mbarimit të Luftës së Dytë Botërore kur Serbia e ndau këtë territor nga Kosova dhe ia bashkangjiti me dhunë ushtarako-policore shtetit serb. Dhe për të treguar se kjo krahinë ishte dhe është pjesë përbërse e Kosovës, banorët dhe politikanët kombëtarë, historianët dhe të tjerët e emërtuan vendin si Kosova Lindore. Sipas onomastikës, emri i vendit, i tokës, trevës apo krahinës është tapia e një vendi. Nuk ka dështim më të madh se të heqësh dorë nga emëri i vendit, që dëshmon tapinë e pronësisë historike dhe etnike, siç ka ndodhur dhe po ndodhë aktualisht me heqjen e emërit të vendit Kosovë Lindore dhe futjen e konceptit me kuptim gjeografik "Luginë", përkatësisht "Luginë e Preshevës”. Vetë emri Kosovë Lindore nënkupton se ky vend është pjesë integrale, por e shkëputur, e Kosovës dhe rrjedhimisht duhet të bashkohet me të.

Por ajo që është edhe më paradoksale dhe që nuk do asnjë koment, është fakti se paria politike e Kosovës Lindore organizoi në mars 1992 një goxha Referendum, përmes të të cilit populli i kësaj ane u deklarua për Autonomi Politike e Territoriale me të drejtë bashkimi me Kosovën, kurse po në këtë dokument të këtij farë referendumi u hoq emri i vendit: Kosovë Lindore dhe u zëvendësua me emrin "Luginë e Preshevës"! Pra, hipokritët politikë të kësaj krahine në njërën anë deklarohen "për bashkim me Kosovën", kursen ë anën tjetër nuk duan ta quajnë veten Kosovarë dhe vendin e tyre Kosovë Lindore! Pra, de facto, janë kundër këtij bashkimi! Kjo është një demagogji e tejdukshme, një antishqiptarizëm i hapur dhe një veprimtari e dënueshme antikombëtare.

Aspak më mirë nuk vepruan luftëtarët e lirisë të UÇPMB-së, të cilët e pranuan në heshtje këtë ndërrim emri të krahinës nga paria politike, duke mos e emruar Ushtrinë me emrin kombëtar: Ushtria Çlirimtare e Kosovës Lindore, por e emëruan me një vargan të tërë emrash e germash, si UÇPMB! Kjo vërteton shkurtpamësinë dhe mungesën e pjekurisë politike dhe kombëtare të këtyre luftëtarëve. Në këtë mënyrë, si paria politike, ashtu edhe paria ushtarake, hoqën dorë nga tapia për vendin e tyre dhe nga e drejta legjitime për bashkim natyror me Kosovën, sepse deri më 1992 ata ishin vetë Kosova, pjesë e trungut të Kosovës, me emër e mbiemër. Me vetëdije apo pa vetëdije ata e flakën tej konceptin dhe emrin Kosovë Lindore, emër i cili për dekada me rradhë kishte hyrë në Abetare, në librat shkollorë e studimorë, në librat e historisë, të etnografisë dhe gjeografisë.

Koncepti gjeopolitik e antikombëtar “Lugina e Preshevës” do të përligjësohet veçanërisht me Marrëveshjen e Konçulit, më 12 maj 2001 dhe me rastin e formimit të të ashtuquajturit Këshillit Koordinues të Përfaqësuesve Politikë Shqiptarë të Luginës së Preshevës, më 1 gusht 2002.

Nga vetë përmbajtja e konceptit gjeopolitik të mësipërm del qartë se shqiptarët, pikërisht bajraktarët e tyre në rend të parë, kanë hequr dorë nga argumenti i prekshëm i tapisë së vendit. Koncepti “Kosovë Lindore” ngërthente në vete këtë tapi të pronësisë, kurse koncepti “Lugina e Preshevës” nuk tregon përkatësinë e tapisë. Ajo mund t’i takojë, dhe do t’i takojë atij vendi dhe atij kombi që është më i forti. Duhet gjak tjetër që t’i rikthehet tapia e vendit amë, Kosovës, sepse liderët e saj politikë e luftarakë kanë hequr dorë nga tapia e saj historike dhe etnike kosovaro-shqiptare!

Partitë politike të Kosovës Lindore zhvillojnë një politikë jo serioze. Ata herë e njohin herë nuk e njohin si shtet të tyre Serbinë, herë dalin herë nuk dalin në zgjedhjet e shtetit serb! Është patriotike të mos e njohish Kushtetutën e Serbisë, por është papjekuri politike dhe paradoksale që të dalësh në zgjedhjet serbe të organizuara në bazë të po asaj Kushtetute! Disa parti shqiptare të Kosovës Lindore nuk kanë një politikë stabile dhe parimore kombëtare. Por për këtë akt ato nuk janë të vetme, sepse fajin kryesor e kanë qendrat e politikës shqiptare: Tirana, Prishtina dhe Tetova, nga ku i morën instruksionet partitë politike të Kosovës Lindore që ato duhet të dalin në zgjedhjet e 21 janarit 2007 në Serbi! Edhe pse mbi gjysma e popullsisë shqiptare të Kosovës Lindore i bojkotoi këto zgjedhje, humbës dolën shqiptarët, sepse u thellua hendeku i përçarjes ndërmjet partive politike, si dhe brenda popullit shqiptar të krahinës.

Ardhmëria e Kosovës Lindore është jetësimi i Autonomisë Politiko-Territoriale, brenda Serbisë, si fillim dhe pastaj bashkimi i kësaj Krahine Autonome me shtetin amë - Kosovën.

ÇAMËRIA

Thesprotia ishte emri i vjetër i pjesës jugore të Shqipërisë me emrin Çamëri.

Krahinë që përbën pjesën më jugore të trevave të banuara prej shqiptarëve. Shtrihet gjatë bregdetit Jon dhe në veri kufizohet me Republikën e Shqipërisë dhe me Maqedoninë. Në jug përfundon në qytetin e Prevezës, te gjiri i Artës.

Thesprotët e vjetër i perkasin popullit Pellazg. Ishin të një gjaku dhe kishin të njejtën gjuhë me popullin e Kaonisë dhe të Mollosisë. Përveç thesprotëve në Çamërinë antike banonin edhe fiset tjera pellazgo-ilire si: Mollosët, Dodonët, Kaonët, Kasopianët, Efyrianët etj. Thesprotët (Çamët) për shumë kohë u qeverisën nga krerët e tyre dhe pastaj u pushtuan nga sundimtari i Mollosëve, Pirrua dhe më vonë iu aneksuan shtetit pellazgo-maqedonas të Lekës së Madh.

Emri Çam lidhet me emrin antik të lumit Thyamis (Kalama) që e përshkon. Në kohën antike Çamëria ishte banuar prej fisit ilir të Thesprotëve. Historia e saj bën pjesë në historinë e Epirit antik. Më vonë kaloi nën sundimin e Romës dhe të Perandorisë Bizantine. Në fillim të shekullit XIII ishte pjesë e Despotatit të Epirit, kurse në gjysmën e dytë të shekullit XIV bënte pjesë në Despotatin shqiptar të Artës të prirë nga Gjin Bue Shpata, Pjetër Loshi, Gjon Zenebishi etj.

Më 1449 Çamëria u pushtua nga Perandoria Osmane. Në shekullin XV u bë shesh i luftës kundër vërshimit osman, nën udhëheqjen e feudalëve të familjes Zenebishi. Nën sundimin osman, Çamëria bënte pjesë në Sanxhakun e Delvinës si dhe të Janinës dhe u bë shesh i kryengritjeve anti-osmane në shekullin XVI e fillim të shekullit XVII.

Në shekullin XVIII filloi islamizimi i një pjese të mirë të popullsisë. Një pjesë e popullsisë së Sulit dhe të Pargës, për t'i shpëtuar islamizimit, emigroi duke u vendosur në ishujt e Greqisë. Edhe në Çamëri u përforcua në shekullin XVIII pushteti ekonomik i feudalëve çifligarë vendas, të cilët u bënë faktorë politikë me rëndësi në luftën për pushtetin lokal, deri sa çamëria ra nën sundimin e Ali Pashë Tepelenës, sundimtarit të Pashallëkut të Janinës. Në vitet 1820 - 1850 Çamëria u përfshi në kryengritjet e mëdha anti-osmane. Më 1854 dhe 1877 inkursionet e bandave të andartëve grekë u pritën me armë në dorë nga popullsia.

Gjatë viteve l878-81, degët e Lidhjes Shqiptare të Prizrenit në çamëri morën pjesë në luftën e përgjithshme të popullit shqiptar për mbrojtjen e paprekshmërisë dhe tërësisë së trojeve amtare. çështja çame u ngrit me forcë në periudhën pas Kongresit të Berlinit (1878) kur u kërkua që çamëria të coptohej dhe t'i kolonte Mbretërisë Greke. Forcat atdhetare pa dallime shoqërore e fetare nën udhëheqjen e Lidhjes së Prizrenit, si një trup i vetëm, u bënë ballë pretendimeve grabitqare greke si dhe Fuqive të Mëdha. Në luften për ruajtjen e tërësisë tokësore shqiptare u shqua biri i madh i çamërisë Abedin Dino, politikan, diplomat dhe erudit i shquar i kombit shqiptar, i cili në krye të lëvizjes bëri të mundur që çamëria për 35 vjet të mos bëhej pre e pretendimeve grabitqare.Gjatë kryengritjeve shqiptare të dhjetëvjeçarëve të parë të shekullit XX , Çamëria ka qenë fushë veprimi e çetave patriotike dhe e një vargu komitetesh kombëtare. Gjatë Luftës Ballkanike 1912-1913, në Çamëri vërshuan trupat greke. Në ndihmë të popullsisë vendase që kishte rrokur armët, nga qeveria e Vlorës u dërguan forca ushtarake, por me vendim të Konferencës së Ambasadorëve në Londër, më 1913, Çamëria iu aneksua shtetit grek.

Pas Luftës së Parë Botërore (l9l4-l, qeveritë e ndryshme greke shpërngulën me forcë me mijëra banorë të popullsisë shqiptare myslimane për në Turqi, me pretekstin se për shkak të fesë së tyre ishin "turq". Qeveritë e ndryshme greke prej atëherë deri më sot, me metodat më mizore kryen masakra, spastrime etnikofetare, ndaluan shkollat në gjuhën shqipe dhe mohuan çdo të drejtë njerëzore, duke grabitur tokat me lloj - lloj menyrash dhe duke mbjellë terror psikologjik.

Në mars të vitit 1913 u masakruan 72 intelektualë dhe personalitete të Çamërisë. Në vitet 20-të u shprnguleën me dhunë rreth 15.000 muslimanë çamë, duke i këmbyer me grekë të Anadollit. Në vitin 1940 ndanë nga familjet 6.000 burra nga 15 – 70 vjeç dhe i internuan në ishujt e Egjeut pa asnje shkak ku vdiqën nga torturat mbi 500 vetë.

Në periudhën 27 qershor 1944 - 13 mars 1945 u krye spastrimi etnikofetar përfundimtar i mbi 50.000 shqiptarëve çamë të religjionit musliman nga trojet e tyre me gjenocid të pashembullt, ku humbën jetën rreth 9.000 vetë dhe vdiqën rrugëve për në Republikën e Shqipërisë, nga uria dhe sëmundjet, rreth 2400 të tjerë. Popullsia e Çamërisë ishte rreth 93 % shqiptare, ndërsa pjesa tjetër përbehej nga grupe të tilla si grekë, vllehë dhe romë etj.

Në periudhën mes viteve1913-1944 gati 850.000 shqiptarë çamë janë dëbuar me dhunë në drejtim të Turqisë, Shqipërisë dhe vendeve tjera të Ballkanit dhe Europës.

Qendrat e banuara kryesore të çamërisë janë: Filati, Gumenica, Paramithia, Margëlliçi, Parga, Preveza, Arta, Janina, Kosturi, Konica, Florina, etj.

Nga gjiri i populli shqiptar të Çamërisë kanë dalë figura të ndritura të kombit shqiptar si: Pirro i Epirit, Pjetër Losha, Gjin Bue Shpata, Gjon Zenebishi, Marko Boçari, Foto Xhavella, Luli Çapari, Osman Taka, Çelo Mezani, Maksim Artioti, Muhamet Kyçyku, Hasan Tahsini, Abedin Dino, Elena Gjika (Dora D'lstria), Kolë Idromeno, Mitrush Kuteli (Dhimitër Pasko),... etj.

Sot në Çamëri banojnë Arvanitët dhe Shqiptarët çamë ortodoksë, por pa të drejtë arsimi në gjuhën amtare, pa të drejta kombëtare dhe njerëzore dhe pa të drejtë të deklarimi të identitetit të tyre kombëtar. Kurse popullsia çame e besimit musliman u dëbua tërësisht në vitin 1945 nga ushtria shovenisto-fashiste e Greqisë.

Fillimisht në Çamëri duhet të kthehen, të riatdhesohen çamët e dëbuar me dhunë ushtarake, dhe t'u kthehen pronat e tyre të gjithë refugjatëve çamë dhe pastaj Çamërisë t'i njihet e drejta e Krahinës Autonome Politiko-Territoriale brenda Greqisë, me perspektivë për Referendum e Vetëvendosje demokratike dhe bashkim me Shqipërinë.

nga **Leka i Madh** prej Tue May 13, 2008 6:39 pm

Medvegja eshte ne rrezik te madh. Duhet ta clirojme sa s'eshte vone.

nga fi2a1 prej Tue May 13, 2008 10:00 pm

kam vetem nje pytje per juve kam rrepekt per ju ama disa nga ju qe keni then se kam dhene fjal pa baz e sene vene thot nje fajl e urte e VERTETA ESHTE E HIDHUR mue me vjen shum keq qe ajo ane ska met edhe shumm kohe do te asimilohet plotesishte nese nuk ndermerr diqka dikush

kam nje pytje per ju

KU ISHIT KUR FILLOJ LUFTA NE PRESHEV MEDVEGJ E BUJANOC ??

,e gjithe rrepektin qe kam per ju pershendes kaloini mir

nga eri M prej Tue May 13, 2008 10:25 pm

luboteni shkruajti:Medvegja eshte ne rrezik te madh. Duhet ta clirojme sa s'eshte vone.

Po ajo Banja e Sijarinës qysh i ka hallet ?

nga **Leka i Madh** prej Wed May 14, 2008 11:34 am

eri M shkruajti:

Po ajo Banja e Sijarinës qysh i ka hallet ?

Eri M. Une gjendjen e Medvegjes e njoh goxha mire. Ungji im ka qene
njeri nder furnizuesit kryesor me armatim te kesaj lufte dekolonizatore
ne vitin 2001. Medvegja para lufte i ka pasur mbi 7.000 banore
shqiptare, dhe kane qene diku mbi 40% e popullsise. Pas luftes se
fundit ne kete regjion te Shqipoerise lindore, shteti serb i ka debuar
mbi 10.000 shqiptare nga Lugina, 6000 prej te cileve kane qene te
Medvegjes, kurse pjesa tjeter nga Malesia e Bujanocit.

Eshte
nje fakt interesant. Derisa ne Kosove permes procesit copetues te
decentralizimit, kolonet serb po kthehen ne vende ku s'kane jetuar
kurre po ku e sheh Serbia te nevojshme per te plotesuar planet e saj
kolonizatore, shqiptaret ne Medvegje dhe ne Bujanoc nuk po i lejojne te
kthehen.

Njehere ne shtyp e pata degjuar kryekomunarin e
Medvegjes tek shprehej se shqiptaret askush nuk i ka debuar por ata
vete jane shprengulur!

Kjo deklarate e ketij qeni nuk eshte
aspak e vertete. Serbia shqiptaret e Medvegjes i ka shprengulur duke ua
minimizuar kushtet per jetese, duke e pamundesuar jetesen e shqiptareve
ne kete komune.

Vjet une pata botuar nje shkrim shi per kete problematike ku pata cekur nder te tjerash se (lexoje me vemendje):

"Duke mos ekzistuar një statistikë e përbërjes së popullsisë së
gjithëmbarshme të Kosovës, manipulimi shifror po bën kërdinë. Kjo është
arsyeja pse po mundësohet një kthim i gjithëfarë banorësh në Kosovë,
gjithnjë duke ndaluar kthimin e shqiptarëve të zbuar dhunshëm gjatë
viteve të represionit serb. Medvegja dhe Malësia e Bujanocit janë dy
nga trevat shqiptare të Luginës së Preshevës, ku shprëngulja e madhe e
shqiptarëve ka prekur majat, duke i lënë këto vise krejtësisht të
zbrazura. Boshllëku i mbetur nga përzënia e shqiptarëve po mbushet me
stacionimin e paprajshëm të forcave serbe përbri rripit kufitar lindor
me Kosovën. Në një intervistë të drejtorit të shërbimit informativ
ushtarak serb (VBA), Momir Stojanoviq dhënë gazetës Nedelnji Telegraf,
ndër të tjerash pohon se Serbia: ‘do të mundohet ta bëjë real
spastrimin etnik të shqiptarëve nga Presheva, Bujanoci e Medvegja, për
ta bërë këtë gjë akt të kryer, ku pastaj do ta përdorte si kushtëzim
për t’i kthyer shqiptarët në vendlindjen e tyre me kthimin e serbëve në
Kosovë, me ç’rast vetë Serbia nuk do ta lejonte kthimin e tyre në
Kosovë, duke i fajësuar shqiptarët se ‘në Kosovë nuk mund të kthehen të
shpërngulurit’.

Ndonëse duke mos disponuar ndonjë burim të rëndësishëm mineral, Lugina
e Preshevës përbën një regjion jashtëzakonisht strategjik, duke qenë se
siguron një dalje komunikative në Luginën e Vardarit. Kësisoj, do të
mund të shpjegohej ngulmimi serb për t’u fortifikuar edhe më karaullat
ushtarake nëpër pjesë të caktuara të Luginës së Preshevës, siç është
rasti me bazën logjistike-ushtarake të ushtrisë serbe në fshatin Boroc
të Bujanocit, 7 km larg magjistrales A-10. Në anën tjetër, çështja e
paproblematizuar e Luginës, Serbisë po i mundëson t’i mbajë hapur
kartat e saj për kthimin e ‘refugjatëve’ nëpër pjesë strategjike të
Kosovës."

Sa
i perket pyetjes sate, e njejta gjendja eshte edhe per Bajen e
Sirajnines ku ekzisotojne vendburimet e ujit mineral dhe ujerave
sheruese. Ketu Serbia ka per qellim gllaberimin e ketij vendi sherues -
rekreativ dhe popullimn me serb.

nga **Leka i Madh** prej Wed May 14, 2008 11:36 am

fi2a1 shkruajti:kam vetem nje pytje per juve kam rrepekt per ju ama disa nga ju qe keni then se kam dhene fjal pa baz e sene vene thot nje fajl e urte e VERTETA ESHTE E HIDHUR mue me vjen shum keq qe ajo ane ska met edhe shumm kohe do te asimilohet plotesishte nese nuk ndermerr diqka dikush

kam nje pytje per ju

KU ISHIT KUR FILLOJ LUFTA NE PRESHEV MEDVEGJ E BUJANOC ??

,e gjithe rrepektin qe kam per ju pershendes kaloini mir

fi2a1, ju lutem saktesojeni me mire se kujt po ia drejtoni kete pyetje?

nga luan mreti prej Wed May 14, 2008 4:23 pm

ty sofra dhe ty fat lum ju pershendes nga zemra, por ju as pak mosu prngosni per shqiptaret nga medvegjja, po ashtu as per gjuh as per tratita shqiptare, se ne shqiptaret nga medvegjja jem shqiptar te edikum dhe shum te arsimum ne gjuhen shqipe ,por ashtu jem shum doktora te shkenses dhe te gjitha profesionet po ashtu dhe kem doktor profesor per gjuhen shqipe, dhe un po besoj dhe ju mbureimi se jem nga medvegjja, shum te fala nga zemra vendasve nga medvegjja, po i pershendes te gjith shqiptaret kudo gje gjinden Z. AJETI

nga **rroni** prej Wed May 14, 2008 4:39 pm

ksaj radhe lubeteni po presim nga mem shipria te na prin ne beteja se nuk shkon gjith nga bishti , kesaj radhe do fillojm nga kreu shqiptar por do hym shum seriozisht ne loj.

nga **Euridika** prej Wed May 14, 2008 4:43 pm

Medvegjasit janë popull shqiptar , e populli shqiptar nuk tregoi ndonjëhere se di të asimilohet prandaj mendoj që brengë është shperngulja dhe jo asimilimi ..

nga **Leka i Madh** prej Wed May 14, 2008 6:27 pm

rroni shkruajti:ksaj radhe lubeteni po presim nga mem shipria te na prin ne beteja se nuk shkon gjith nga bishti , kesaj radhe do fillojm nga kreu shqiptar por do hym shum seriozisht ne loj.

Natyrisht, Rron. Shqiperise i takon roli i Piemontit. Shqiperia duhet ta afirmoje bashkimin e shqiptareve si domosdo historike sic edhe obligohet ne Kushtetuten e saj shteterore, dhe ne Platformen e Akademise se shkencave per bashkim kombetar. Ajo duhet te shfrytezoje ulesen e saj ne OKB dhe ambasadat e saj ne tere vendet e fuqishme njesoj sic ka bere Armenia.

Kurse fillimi i bashkimit duhet te kaloje nga qendra e nacionalizmit shqiptar - Kosova. Sepse Kosova eshte ne gjendje gati sa nuk u copetua ne dysh. Ndaj prej ketu duhet te filloje lufta clirimtare dhe per bashkim.

nga eri M prej Wed May 14, 2008 8:21 pm

Falemnderit luboteni! Më ke bërë të përlotem për gjendjen që ka mbizotëruar nga sërbokaurroshkinia që robëron medvegjën e shkatërron Banjën e Sijarinës!

nga fatlum prej Wed May 14, 2008 9:02 pm

Pershendetje dhe ju falenderoj per interesimin e tregum per ti shpreh mendimet tuaja ne lidhje me Medvegjen qe ishte,eshte dhe do te jet shqiptare pa marr parasysh asaj qe eshte zbeh elementi shqiptar ne ket komun.

Nese me eshte drejtu pytja mua se ku isha gjat asaj kohe kur ishte Lufta ne Medvegjë,Preshevë dhe Bujanoc i them zotriut qe isha në Medvegjë.

Siq e ka cek Euridika me lart Shqiptaret pa marr parasysh sa luftohen per asimilimi nuk vjen ne konsiderat.

Eri M
Banja e Sjarines eshte 9 km ne veriperendim te Medvegjes,ka qen e banuar me shqiptar 80% ka pas tentativa per ta formu si nje komun shqiptare mirpo kjo ska qen e mundur.Banja e Sjarines posedon shum burime sheruse per disa lemi jetsore.edhe sod ne Banje te Sjarines jetojn nje numer i konsiderushem i shqiptarve,ne ket Banje vizitoret e shumt jan nga diaspora dhe Kosova nderkoh qe nuk mungojn as ata nga Serbia qendrore.

Disa Fotografi nga Banja e Sjarines,vendbanim ky shqiptar ne Medvegje 63 km ne juglindje te Prishtines:

Vrejtje:te gjitha fotografit jan marr nga www.MedvegjaOnline.Com

nga fatlum prej Wed May 14, 2008 9:10 pm

Luan Mreti edhe une jam i Medvegjes dhe jam shum krenar per kete nuk kam pse e mohoj sepse jam nje bashkvendas i Akademik Idriz Ajetit,Zenel Hajdinit,Florim Rushitit-kingji,Gjeneral Veli Dedit e mos ti numroj me shum keto figura qe aq shum i kontribuan popullit Shqiptar.

Meqe tani ne Medvegje u zhvilluan zgjedhjet Lokale dhe ato paralamentare po e shof te arsyshme tju jap edhe rezultatet e ketyre Zgjedhjeve:
Rezultatet përfundimtare të zgjedhjeve lokale në Medvegjë

1.Grupi Qytetar « Za Gornje Jablanicu »DS – 14 mandate

2.G17 plus – 8 mandate

3.Partia per Veprim Demokratik – 5 mandate

4.Lëvizja Demokratike për Iintegrim – 3 mandate

5.NS(Serbija e Re)- 3 mandate

6.SRS(Partija Radikale Serbe) – 2 mandate

7.DSS(Partija Demokratike e Serbis)– 0 mandate

8.SPS(Partija Socialiste Serbe) – 0 mandate

Kualicioni i shqiptarve te Lugines arrit te fitoj edhe nje mandat ne Parlamentin Republikan,nderkaq vlen te theksohet se shqiptaret e Medvegjes ne Kuvendin Komunal do perfaqsohen me 8 (21%)Kshilltar nga 35 sa ka gjithsejt KK-i Medvegjes

marr nga www.medvegja.info

Bashkimi Kombëtar

Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Re: Ç'dimë për Medvegjën

Drejtat e ktij Forumit: