Falemenderime per gjithe keta informata qe sjell ne teme petrit kola

Respekt

Uithers: Mediu më bëri propozime të çuditshme

TRAFIKU I ARMEVE/ Ambasadori lejohet të flasë publikisht: Takimi im me ministrin, mbrëmjen e 19 nëntorit


Duket se skandali i trafikut të armëve të paligjshme, kryer nga kompania amerikane AEY, ku është përfshirë edhe Shqipëria, tashmë ka marrë përmasa politike në SHBA. Mediat amerikane i janë rikthyer historisë së bujshme. Kësaj here, artikulli është shkruar nga "Los Angeles Times", që jep fakte të reja për këtë skandal, e pikërisht për takimin midis ish-ministrit të Mbrojtjes të Shqipërisë, Fatmir Mediut, dhe ambasadorit amerikan në Tiranë, Xhon Uithers (John Withers).

Biseda

Në artikull citohet dhe intervista e parë e ambasadorit Uithers dhënë për "The Times", ku ai e paraqet krejt ndryshe bisedën e zhvilluar me ministrin e atëhershëm të Mbrojtjes, Mediu, jo sikurse është paraqitur në akuzën e kongresmenit amerikan Uaksmen (Waxman). Kështu, ambasadori Uithers ka thënë se ishte Mediu ai që i kërkoi takim urgjent atij. Uithers shprehet se fillimisht mendoi që bëhej fjalë për ndonjë çështje të ndjeshme terrorizmi. Por, Mediu, sikurse thotë ambasadori amerikan në Shqipëri, në një gjendje emocionale i sugjeroi gjëra të "çuditshme", si të ndalonte reporterin e "New York Times" të vizitonte aeroportin "Nënë Tereza" të Rinasit, ku bëheshin ripaketimet e municioneve me origjinë kineze.

Refuzimi

Por, Uithers shton se asnjë nga anëtarët e ambasadës, pra stafi i tij, nuk dha ndonjë shenjë se i mbështeste idetë e çuditshme të Mediut, por i kërkuan atij të përgatiste një reagim, në rast se shkrimi do të botohej. Uithers thotë gjithashtu se gjithë ai takim është keqkuptuar nga majori Lerri Herrison, mbi bazën e të cilit janë ngritur akuzat e kongresmenit Uaksmen.

Komisioni

Pak javë më parë, mediat në SHBA publikuan takimin e mbrëmjes së vonë të datës 19 nëntor 2007, në rezidencën private të zv/ambasadorit amerikan Stiven Kristina (Stiven Cristina), në prani të shefit të tij, zotit Uithers e të tjerëve me ish-ministrin e Mbrojtjes, Fatmir Mediu.

Dëshmia e majorit Herrison, ish-shef i zyrës së bashkëpunimit ushtarak në ambasadë, ka shërbyer si thelbi i letrës drejtuar sekretares amerikane të Shtetit, Rajs, firmosur nga kongresmeni demokrat Uaksmen, ku kërkohen shpjegime për implikimin e mundshëm të ambasadës amerikane në Tiranë në skandalin me kontratën e AEY-së së Diverolit. Vetë ambasada amerikane e ka përgënjeshtruar thelbin e deklarimit të ish-punonjësit të saj, majorit Herrison, mandati i të cilit ka përfunduar më shumë se një muaj më parë. Ambasada amerikane reagoi ndaj akuzave. "Ambasadori Uithers është në dijeni të pretendimeve të paraqitura në letrën e 23 qershorit nga përfaqësuesi i Kongresit, Henri Uaksmen, drejtuar sekretares së Shtetit, Rajs. Ai po studion përmbajtjen e letrës dhe, sapo ta ketë mbaruar këtë, do të përgatisë një përgënjeshtrim të plotë të çdo lloj pretendimeve kundër ambasadës së SHBA-së, apo atij vetë", thuhej në deklaratën për shtyp të 24 qershorit 2008.

Fishekët kinezë po "djegin" Uithërsin e SHBA dhe po prangosin Mediun e Berishën

Grada e perdoruesve-ve: / 0
I varferI mire
Wednesday, 16 July 2008
Nga Përparim HALILI - Ambasadori i SHBA në Tiranë, Uithers që tashmë ndodhet pranë Diverolit në zyrat e drejtësisë Amerikane, vendosi të "hap" fletët e para të dosjes korruptive dhe kriminale të Gërdecit, duke e nisur këtë "proces pendese" të vonuar, me ish-ministrin e Mbrojtjes të qeverisë "Berisha", deputetin Fatmir Mediu. Edhe pse ambasadori i SHBA në Tiranë, Uithers e "qepi gojën" shumë kohë pas denoncimit publik që i bëri kongresmeni Waxman, u mendua, se kjo heshtje e tij e detyruar nga implikimi, do të zgjaste përfundimisht.Por Uithers, më në fund foli, veçse i detyruar prej zbardhjes së provave, prej denoncimeve për përfshirje të tij në trafikun e Gërdecit dhe përfundimisht, prej ligjit amerikan. Bashkëbiseduesi i Fatmir Mediut, ambasadori Uithers, deklaroi se kishte pranuar për të dëgjuar "pazaret" e propozuara Ish-ministri i Mbrojtjes Fatmir Mediu, reagoi dje pas fakteve të bëra publike nga ambasadori amerikan në Shqipëri Xhon Uithers lidhur me një bisedë mes tyre. Në këtë bisedë Mediu i ka kërkuar Uidhers të pengojë investigimin për origjinën kineze të fishekëve që çoheshin në Afganistan dhe ngarkesat me këta fishekë të skaduar e të ndaluar me ligj prej SHBA për përdorim në luftën e Afganistanit, të stampoheshin me markën "Made in Albania". Kjo edhe pse ndalohej me ligj dhe quhej jo vetëm krim ekonomik, por edhe vepër e rëndë penale ushtarake ndërkombëtare, u realizua me urdhër të ish-ministrit Mediu, me miratimin e kryeministrit Sali berisha dhe me "bekimin" e ambasadorit të SHBA në Tiranë, zotit Uithers, i cili e shihte aq urgjente këtë "punë", sa u takua natën me Fatmir Mediun dhe me disa të tjerë, të cilët ia nxorrën sekretin e asaj nate dhe që tashmë, Uithers po e deklaron me "çengel". Sipas Mediut ligji shqiptar nuk e pengon shitjen e armatimit kinez apo rus. Lind pyetja: po falsifikimin e markës së tyre, duke shkelur ligjin e shtetit Amerikan, e lejon? Ish-ministri Mediu tha se MEICO ka shitur municione dhe armatime që prej fillimit të viteve 1990 dhe vazhdon ta bëjë atë ende sot e kësaj dite këtë tregti. Reagimi i Mediut lë të kuptohet se ai ka qenë në dijeni të faktit se nga Shqipëria drejt Afganistanit po çoheshin fishekë kinezë. Ngelet ende e paqartë nëse kjo e ngarkon me përgjegjësi Mediun duke pasur parasysh që shteti amerikan e ndalon tregtimin e armatimit dhe municioneve kineze për trupat e tyre dhe forcat aleate. Trafiku i armëve të Gërdecit, i organizuar nga qeveria e drejtuar prej Sali Berishës, ka futur në lojë dhe ambasadorin e SHBA në Tiranë, zotin Uithers. Edhe pse ky është munduar të jetë jashtë kësaj loje, nuk ka mundur ta fitoj dot këtë "status" shpëtimi, mbasi dëshmi dhe dhe akuza të shumta të niveleve të larta zyrtare që kanë ardhur që prej SHBA dhe konkretisht, prej Kongresit Amerikan e kanë përfshirë këtë personazh diplomatik, në aferën e Gërdecit. Fakti, që në letrën e kongresmenit Uksman përmendet takimi intim i mesnatës brenda në ambasadën e SHBA në Tiranë, mes Uidhërs dhe ish-Ministrit të Mbrojtjes Shqiptare, Fatmir Mediu, ka një kuptim tjetër problematik dhe denoncues për këtë përfaqësues diplomatik. Për më tepër, që Uidhers, ka biseduar "kokë më kokë" me Mediun, pikërisht për Gërdecin, duke bërë pakt me qeverinë shqiptare, për të pranuar dhe toleruar falsifikimin e markës së fishekëve dhe municioneve të tjera kineze, të cilat po trafikoheshin në Afganistan si municione prodhim shqiptar. Ky falsifikim, që ka dhe vulën e një përfaqësuesi diplomatik, shteti i të cilit ka financuar me 300 milion dollarë tregun e municioneve për luftën në Afganistan, nuk mund të anashkalohet lehtë. Dhe ky fakt, përbën një skandal, për arsyen se ambasadori i SHBA në Tiranë, Uidhers, ka mbrojtur korrupsionin e qeverisë "Berisha".

Berisha vërtetoi atë që tha gazeta "SOT": Loja me (mos)hapjen e dosjeve SHOW për të mbyllur Gërdeci

Grada e perdoruesve-ve: / 0
I varferI mirë
Sunday, 20 July 2008
Nga Përparim HALILI - Katër ditë më parë, gazeta "SOT" paralajmëroi se procesi politiko-ekzekutiv i përgatitjes së ligjit, për hapjen e dosjeve të ish-spiunëve të sigurimit të shtetit, nuk është një realitet, por një proces fals, i hedhur në qarkullim prej pushtetit dhe personalisht prej kryeministrit Berisha dhe klaneve të tij, për të postuar vëmendjen e opinionit dhe të ligjit nga procesi i zbardhjes së dosjes kriminale e korruptive të Gërdecit. Këto dosje nuk do të hapen asnjëherë, ashti si deri tani, që janë zvarritur prej 15 vjetësh edhe pse ka qënë një nga kushtet kryesore prej KE për pranimin e Shqipërisë në familjen evropiane.Fakti, që dje të dy palët PD e PS vazhduan pakt-pazarin Berisha-Rama edhe për shtyrjen e hapjes së dosjeve të ish-spiunëve të sigurimit të shtetit, tregon se kjo është veçse një lojë dhe asgjë tjetër. Tashmë, ligji për hapjen e dosjeve u shty për ne muajin shtator. Dhe përsëri do të shtyhet, sespe kështu i duhet Berishës, për të përfunduar edhe kjo lojë si gjithë të tjerat. Qëllimi është të harrohet dhe të shtyhet hapja e dosjes Gërdecit, dosje që duket se është futur në rrugën e mbylljes prej Berishës dhe Uidhersit të SHBA, dy personazheve përcaktues në zhvillimin e trafikut dhe në mbylljen e kësaj dosjeje. Gazeta jonë e ka parlajmëruar këtë fund të (mos)hapjes së dosjeve dhe fatin e skandal-krimit të Gërdecit. Ja se çfarë ka shkruajtur katër ditë më parë, gazeta "SOT": Me hapjen e dosjeve, Berisha synon të tërheq vëmendjen nga krimi i Gërdecit, krijuar prej trafikut të armëve, duke bërë presion që deputetët të votojnë kundër nisjes së procesit hetimor parlamentar për këtë skandal dhe krim të rëndë shtetëror. Kjo skemë e Berishës, për spostim të vëmendjes, duke u hedhur në një mjedis politik e shoqëror të ndotur nga abuzimet dhe të lodhur nga tranzicioni, duhet pranuar se ka funksionuar rregullisht dhe ka patur sukses të plotë në veprimtarin e tij, jo vetëm gjatë pushtetit, por dhe gjatë viteve të opozitës. Në momentin që Berisha dhe klani i tij, i përfshirë në trafikun e armëve të Gërdecit, deklaroi publikisht marrëveshjen e pistë me Ramën dhe politika e opinioni u bë viktimë e lidhjes së tyre. Kur mbaroi kjo lojë, Berisha hodhi në qarkullim skemën e dekreteve të Topit, duke i bllokuar ato në parlament. Dhe jo pa qëllim, mbasi me këtë bllokim, kryeministri i "veprës madhështore" të Gërdecit synonte jo vetëm të spostonte vëmendjen nga përgjegjësia dhe ndëshkimi i Gërdecit, por edhe për të imponuar me dhunë institucionale të pushtetit të tij të penalizuar, veprime të diktuara ndaj institucioneve kushtetuese. Në rastin konkret, dekretet e presidentit Topi për Gjykatën e Lartë, u bënë "kurban" i qëllimshëm, për të shpëtuar Berisha prej dosjes së Gërdecit. Për të mbyllur dosjen e trafikut të armëve me grupin Mediu-Delijorgji-Pinari-Diveroli, Sali Berisha përdori kuvendin, Jozefinën dhe deputetët e tij "ushtarë", duke hapur dosjet edhe për anëtarët e dekretuar prej Topit, të cilët u rrëzuan në mënyrën më korrutpive prej deputetetëve majtas e djathtas, në bashkëpunim. Këtë gjë bëri Berisha edhe me mandatin e Mediut, duke nxjerr në skenë problemin e dosjeve të vitit 1997, në emër të të cilit bëri disa arrestime në fshatrat e Delvinës dhe tashëm ka heshtur, duke e bllokuar gjykimin e tyre. Më pas, po në funksion të mbylljes së dosjes së Gërdecit e cila duhet thënë se e "djeg" shumë, hodhi në veprim ministrin e tij të drejtësisë Alibeaj, duke ia vërsulur KLD.

Gërdeci, pranga të përjetëshme për Berishën dhe Mediun, të informuar për trafikun e armëve

Grada e perdoruesve-ve: / 1
I varferI mire
Saturday, 26 July 2008
Nga Përparim HALILI - Sinjalet e fundit për të ndëshkuar kriminlët e tragjedisë dhe të trafikut të gërdecit, janë bërë objekt publikimi në shtypin e huaj. Dje, gazeta e mrënjohur "Herald Tribune", ka publikuar si përforcim lajmin për akzuën që lidhet me trafikun e armëve që shkaktuan vrasjen e masive të një grupi punonjësish që punonin në të zezë, në bazën ushtarake të demontimit të municioneve dhe të trafikut të armëve e të municioneve drejt Afganistanit. Ky trafik shtetëror, niste nga zyra e kryeministrit Berisha, që niste nga familja e tij, që organizohej nga zyra e ish-ministrit të qeverisë "Berisha",deputetit Mediu dhe konkretizohej fizikisht nga grupi mafioz Delijorgji-Pinari-Diveroli. Edhe pse prej 4 muajsh, klika mafioze Berisha-Mediu-Topalli dhe lukunia e tyre e përfshirë në krime ekonomike e njerëzore, bënë të gjithë përpjekjet për të mbuluar krimin e Gërdec-Pentagonit, nuk mundën të fshehin dot provat e këtij krimi ekonomiko-njerëzor, që ka si autorë edhe familjarë të kryeministrit. Ndaj grupit mafioz Delijorgji-Pinari është ngritur akuza e vrasjes masive me paramendim, për shkak të trafiqeve të armëve. Kjo akuzë, me të drjetë po shkon dhe duhet të shkojë me kahje drejt Berishës dhe Mediut, dy zyrtarëve të lartë të pushtetit ekzekutiv e politik shqiptar, që kanë mbështetur me ligje dhe vendime korruptive këtë trafik dhe që kanë bërë gjithë përpjekjet për të fshehur provat e krimit në fjalë. Gazeta "Herlad Tribune", thekson, se siç mund të shihni, për Milhal Delijorgjin, Ylli Pinarin dhe Dritan Minxhollin pengesat janë shtuar më shumë, tani që ata janë akuzuar për vrasjen e 26 vetëve në Gërdec. Me të vërtetë, që ky është një zhvillim pozitiv, por kushdo që e njeh Shqipërinë e vogël dhe me kryeministrin e saj Sali Berisha, atëherë duhet ta dijë se ai është një njeri që i dikton punët të gjithë vartësve. Prandaj, të besosh se Berisha apo Fatmir Mediu nuk kishin dijeni për atë që po ndodhte në Gërdec ose për çështjen e marrëveshjes me AEY (që gjithashtu implikon Delijorgjin dhe Pinarin), është njëlloj sikur të besosh në përralla. Prokurori duhet lavdëruar që ka kërkuar dënimin e këtyre njerëzve për vrasje, por Berisha dhe Mediu tani duhet të tregojnë për natyrën e përfshirjes së tyre në këtë tragjedi. Ka ardhur koha që në shqipëri të triumfojë ligji, dhe jo ligji i xhunglës së Berishës. Tre persona, përfshirë një nënpunës të ministrisë së mbrojtjes, u akuzuan për vrasje të Premten për shkak të incidentit që shkaktoi shpërthimin masiv të municioneve që vrau 26 vetë dhe plagosi 300 të tjerë, u bë e ditur nga zyra e prokurores së përgjithshme. Një varg shpërthimesh masive ndodhën në mars, në një depo pranë kryeqytetit Tiranë, që gjithashtu shkaktoi 5500 shtëpi të shkatërruara apo dëmtuara. Pas ngjarjes opozita akuzoi qeverinë për korrupsion në lidhje me çështjen e shkatërrimit të municioneve të vjetra. Janë rreth 100000 ton municione të tepërta, kryesisht gëzhoja artilerie Ruse e Kineze të prodhuara rreth viteve ’60, që mbahen në depot e vjetra anembanë Shqipërisë ish-komuniste. Ministri i Mbrojtjes së Shqipërisë dhe shefi i shtabit të përgjithshëm u shkarkuan nga detyra fill pas ngjarjes, gjë që nxiti opozitën për t'i kërkuar dorëheqjen edhe kryeministrit Sali Berisha.Të premten, Ylli Pinari i kompanisë së shitjeve të armëve MEICO, e cila ndodhet nën varësinë e Ministrisë së Mbrojtjes, u akuzua bashkë me Mihal Delijorgji, pronar i kompanisë Alb Demil që merret me shkatërrimin e municioneve, dhe menaxherin e saj Dritan Minxholli. Që të 3 këta ndodhen në burg që pas ngjarjes së Gërdecit me akuzën e pakujdesisë dhe mos kryerjes së detyrës. Zyra e prokurores së përgjithshme tha se akuzat për vrasje u justifikuan, sipas shkallës së pakujdesisë që çoi në incidentin vdekjeprurës. Mediu edhe pse tashmë është pa imunitet, Berisha edhe pse tashmë vazhdon të jetë me detyrë kryeministër, nuk po prangosen nga drejtësia shqiptare edhe pse duhej të ishin përballë bankës së saj. Të dy këta, duhet të ishin në pranga për trafikun dhe krimin e Gërdecit, ashtu si ortakët e tyre Delijorgji-Pinari-Diveroli. Mirëpo, në vend të prangave, Berisha dhe Mediu vazhdojnë të jenë edhe deputetë, edhe qeverisës edhe drejtues partie. Dhe të tillë do të jenë, deri sa të vihen në pranga, madje nga drejtëia ndërkombëtare.

Fatmir Mediu dhe Ylli Pinari, tokë në autostradë?

Nga Tema

Antena brenda familjes


Një letër e rëndë arriti dje në redaksinë e gazetës. Një dëshmitar na thotë se ka marrë pjesë në një transaksion që ka të bëjë me shitje të një sipërfaqeje prej 40 hektarësh në autostradë në përfitim të Ylli Pinarit dhe të 5 hektarëve në favor të Fatmir Mediut. Toka është blerë me emra të ndryshëm. Dëshmitari ngul këmbë se gjithçka mund të hetohet, nëse fillon e merret në pyetje shitësi i tokës. Tokat janë shitur në të njëjtën kohë dhe gjenden afër njëra-tjetrës. Të shqetësuar për këtë, nisëm hetimet dhe na rezulton se blerja është bërë, në kohën kur Mediu dhe Pinari kishin arritur të siguroheshin që do të punonin së bashku dhe pasi Mediu e kishte siguruar Pinarin se askush nuk do ta shkarkonte. Për ta mbyllur çështjen Fatmiri kishte dërguar te Berisha një amerikan që i kishte folur Berishës në emër të SHBA dhe i kishte thënë që “Ylli Pinari na duhet, se punon për SHBA”. Pas kësaj si shpërblim Pinari ka blerë tokën për vete dhe për Mediun në emër të dikujt tjetër. Operacioni mund të hetohet lehtazi dhe nga prokuroria, nëse verifikohen blerjet prej 40 hektarësh në autostradë.
Kjo kohë rakordon dhe me disa udhëtime misterioze të Mediut në Turqi, ku takohej me Henry Tomey-in, ndërmjetësin e shitjes së fishekëve për Diverolin, me të cilin është takuar vetëm, në Turqi. Pas informacionit, Antena u interesua tek administratori i PD, zoti Flamur, për t’i shpjeguar situatën. I habitur nga shifrat përrallore që thuhet se kanë fituar Mediu dhe Pinari, Flamuri i shkretë u hutua fare.
- I kam thënë atij burrit ta heqë Fatmirin me kohë, po s’më ka dëgjuar, - tha. - I kam thënë, mo ta shoh më aty atë Pinarin, po “jo, - tha, - më kanë thënë amerikanët mbaje.” Ja, ta mbajë tani. Edhe hajdut, edhe spiun, dhe trafikant. Na bëri gjëmën ky Fatmiri, na bëri. Dhe hajde sa gjëra të tjera do dalin thuaj.
Antena u interesua, nëse Flamurit i kishte rënë në sy vendi ku është blerë toka, por ai u tregua i gatshëm ta hetonte.
- Do shikoj se mos është te komuna e Kasharit, - tha, - se po është tek e Domjes, s’kam ça i bëj, se s’kam muhabet me atë të Domjes. Me këtë të Kasharit e zbuloj unë, se e kam dhëndër. Dhe po ta kenë në Paskuqan e zbuloj, po në Domje kam frikë se s’e zbuloj.
- Në Domje më duket se është, - i tha Antena.
- Ah, sa inat. Jam zënë kot me këtë të Domjes. Se unë zihem kot, se m’i ka lënë gjithë punët mua ai burri. Po hajt se e ndreqim. 40 hektarë thoni ju ë? Shumë qenkan mor i shkë...motrën. Na fal për fjalorin, se na u bë shprehi tani. Dhe çfarë legeni ky Fatmiri, bën dhe si i ndershëm. Kur i thoja, pse e ke mbajt Pinarin, thoshte “më thanë amerikanët”. Amerikanët e leshit, i kanë thënë trafikantët. Na mori më qafë, na mori. Po ç’t’i bëj atij burrit unë, se s’më dëgjon, se e di unë ç’do ai.

Dyshimi, shiten 297 raketa tokë-ajër

Mes datës 16 dhe 18 maj një avion i huaj ka zbritur në aeroportin nderkombëtar të Rinasit. Aresyeja? Majft e çuditshme! Do të ngarkohej me 287 raketa tokë-ajër të tipit Manpad, të cilat janë marrë nga depot e ushtrisë shqiptare dhe janë nisur drejt një destinacioni që askush nuk e di.




Marrë nga MAPO
Sun, 03 Aug 2008 08:35:00




Burime jozyrtare njoftojnë se në mes të muajit Maj janë larguar nga Shqipëria 297 raketa Manpad. Mister destinacioni
Mes datës 16 dhe 18 maj një avion i huaj ka zbritur në aeroportin nderkombëtar të Rinasit. Aresyeja? Majft e çuditshme! Do të ngarkohej me 287 raketa tokë-ajër të tipit Manpad, të cilat janë marrë nga depot e ushtrisë shqiptare dhe janë nisur drejt një destinacioni që askush nuk e di. E gjithë ngarkesa është transportuar me kamion ushtarakë dhe është ngarkuar me shpejtësi në mjetin fluturues. Lajmi, i dhënë nga burime ushtarake, konsiderohet si i saktë, ndonëse mbetet i pakonfirmuar në rrugë zyrtare. Më e habitshmja në këtë mesele të re post-Gërdec dhe post AEY, është se sipas të njëjtit burim, gjithçka po konsumohet si një transaksion i thjeshtë armatimi, pra pa vendim të Këshillit të Ministrave.

Për më tepër, e kjo është po aq e rëndësishme, i njëjti burim konfirmon se nuk kishim të bënim me armatim të tipit “skrap”, pra që është përfshirë në listat e demontimit, por për një kontigjent armësh, të cilat duhet të mbeteshin në zotërim të ushtrisë shqiptare, konsideruar sasinë e vogël të tyre (287 të tilla) dhe gjendjen perfekte të funksionimit të tyre. Në të shkuarën nëse i referohemi burimeve ushtarake vendi ynë ka shkatëruar me asistencën amerikane, një pjesë të këtij arsenali. Nuk dihet nëse ndodhemi përballë një afere tjetër të errët tregtie armësh, apo përballlë një lajmi që mbetet për tu saktësuar më pas. E vërteta është se ky rast i fundit tregon se rreth arsenalit të armëve shqiptare vijon të mbetet shumë i gjallë interesi I të huajve, të cilët mesa duket nuk janë sprapsur aspak nga incidentet dhe historitë e fundit korruptive në të cilat është përfshirë Shqipëria, pikërisht lidhur me armët e saj të shumta në depot e shpërndara në të gjithë vendin.

Nga ana tjetër vijimi i tregtisë së armëve, në mesin e një fortune që ka kushtuar deri tani një kokë ministri dhe disa funksionarë të tjerë nën hetim, përbëjnë një episod që kërkon vëmendje të fortë publike. Shqipëria po gjen një vështirësi serioze në demontimin e kontigjenteve të konsiderueshme në armatim të vjetër që ka trashëguar nga nga koha e komunizmit në tunelet e ushtrisë shqiptare. Rasti i Gërdecit, më tragjiku dhe më i bujshmi, ka treguar se trajtimi i këtij bizensi si një veprimtari kaotike dhe e paorganizuar, apo edhe më keq, si një aferë fitimprurëse për një numër të vogël zyrtarësh dhe biznesmenësh, ka sjellë humbje në jetë njerëzish dhe një imazh katastrofik për vendin në skenën ndërkombëtare.

Informacioni i fundit shton edhe më shumë zërat që e shohin tregtinë e armëve shqiptare si një dosje të paqartë dhe me hapësira të shumta abuzimi. Nga ana tjetër duhen kujtuar edhe deklaratat e bëra nga kryeministri për armë të ofruara vendeve fqinje apo edhe premtimet për armatim falas për vende si Afganistani. Është i lavdërueshëm vullneti për të shkatëruar apo larguar sa më shumë armatim të panevojshëm nga vendi ynë. Por nëse nën këtë etiketë do të largoheshin dhe armë që do ti vlenin nesër një vendi anëtar të NATO-s, kjo do të ishte një lëvizje e pastudiuar dhe e dëmshme nga ana financiare por edhe ushtarake.
Raketat janë përdorur vitet e fundit nga terrroristët
Sistemet mbrojtjëse tokë-ajër, ndryshe të njohura si “Manpad” (Man-portable-defense-system) janë raketë-hedhëse që mbështeten në shpatull dhe gjuajnë në ajër. Zakonisht ato përdorin sistemin infrared të shënjestrimit dhe përbëjnë një rrezik për mjetet që fluturojnë afër tokës, sidomos helikopterët. Manpad-et e para u zhvilluan në vitet 50 për të siguruar mbrojtje nga sulmet ajrore ndërkombëtare që sot ato përbëjnë një rrezik shumë të madh pasi shpesh përdoren prej terroristëve që mund të godasin linja të ndryshme ajrore.

Këto lloj raketash janë përdorur në tre dekadat e fundit gjerësisht në konflikte të ndryshme si dhe nga organizata terroriste. Ato mund të blihen lehtësisht në treg të zi me çmime që variojnë nga disa qindra dollarë deri në 250 mijë dollarë për ato më të fundit. Vetëm 17 vende prodhojnë manpad-e. Përmasat e modeleve arrijnë deri në 1.8 metra dhe peshojnë deri në 18 kilogram, në varësi të llojit. Ato mund të arrijnë të godasin deri në një lartësi prej gjashtë mijë metra. Nga fillimi i prodhimit të tyre deri më sot, manpad-et kanë parë një zhvillim të madh. Modelet e para ishin të thjeshta dhe duhej të kishe aftësi shënjestrimi ndërkohë gjenerata më e fundit është ajo me ndjesi termike. Nazistët prodhuan paraardhëset e manpade-ve në vitin 1944, ndonëse jo në sasi të mëdha, një tip lëshues rakete 20 mm, të quajtur “Fliegerfaust” e cila kërkonte aftësi të lartë shënjestrimi.

Mbarimi i Luftës së Dytë Botërore ndërpreu projektin. Edhe sovjetikët kishin zhvilluar këtë projekt, por më pas ata e braktisën për tu përqëndruar tek modeli me rreze infra të kuqe. Ky lloj modeli është i projektuar që të godasë zonën e objektivit që është burim nxehtësie, zakonisht motorin. Këto lloj raketash janë të vështira për tu gjurmuar. Në vitet 60 këto lloj raketash morën një zhvillim të madh dhe kështu nisi gara mes dy blloqeve për të patur modelin më të mirë. Nga brezi i parë dhe deri tek brezi i pestë, që është arritur sot, ekziston një diferencë e madhe, duke kthyer këtë lloj arme në një nga më të rrezikshmet. Shqipëria ka në përdorim Manpad të prodhimit kinez, HN-5A/B, që janë të përafërta me modelin sovjetik “Stela”.

Rrezikojnë shfarosjen tre qytete

04 August, 2008 04:04:00 A.Prifti
Germezoni: [url=http://bashkimikombetar.com/javascript:tsz('article_body','12px')][/url] [url=http://bashkimikombetar.com/javascript:tsz('article_body','16px')][/url]


FIER - Me siguri tre qytete do të ishin kthyer në hi dhe rreth 250 mijë banorë do të rrezikonin edhe vdekjen, nëse vetëm për një fraksion sekonde do të kishte ngjarë në mesnatë ajo që u dyshua: të shpërthente sasia prej 1 mijë tonësh gaz i lëngët, së bashku me 100 tonë acid nitrik në uzinën e uresë në Fier. Një zhurmë e fuqishme tronditi banorët e fshatit Drizë të komunës Qendër në Fier rreth orës 01:00 të mëngjesit, ndërsa ata u zgjuan të trembur nga frika e ndonjë akti terrorist. Shpejt u mësua se shpërthimi kishte të bënte me një eksplozion tritoli në ambientet e brendshme të uzinës së uresë që ndodhet në dalje të qytetit, e cila që prej vitit 1994 ndodhet në gjendje konservimi. Në vendngjarje mbërritën menjëherë forca të shumta policore, si dhe punonjës e drejtues të Azotikut, e po kështu u mobilizuan edhe ekspertë e punonjës të Ministrisë së Brendshme nga Tirana. Sipas burimeve të para të informacionit, mësohet se shpërthimi kishte ndodhur në një kanal betoni, në të cilin kalonin kabllot elektrikë të tensionit të lartë prej 6 mijë KV. Kështu, shpërthimi u bë e ditur të kishte ndodhur pranë sferave metalike, brenda së cilave ndodhet sasia prej 1 mijë tonësh gaz i lëngët, së bashku me 100 tonë acid nitrik, vetëm e vetëm për të vjedhur disa kabllo. Sipas drejtuesve dhe specialistëve të Azotikut me këtë sasi lëndësh kimike, do të hidhej në erë qyteti i Fierit, Lushnjës e Kuçovës.

Policia: “Lënda plasëse, e tipit artizanal”

Uniformat blu shoqëruan në mjediset e komisariatit për të marrë në pyetje gjashtë punonjës të uzinës: Llambi Mëngjesin, Xhemal Sulejmanin, Thanas Motkën, Xhevit Pëllumbin, Pirro Malin dhe Petrit Xhahon, të cilët shërbejnë si roje. Sipas policisë, sasia e tritolit ishte vendosur në një kanal betoni, i mbuluar po me pllakë betoni, në brendësi të të cilit kalonte linja e tensionit të lartë prej 6 mijë KV, si dhe kabllo të tjerë pa tension. Fatmirësisht, nga shpërthimi nuk ishin dëmtuar kabllot, por vetëm ishte hedhur tej nga fuqia e tritolit kapaku prej betoni që mbulonte kanalin. Drejtoria e Policisë së Qarkut Fier doli në orët e pasdites së ditës së djeshme me një njoftim për shtyp lidhur me shpërthim që ndodhi në mesnatë në uzinën e uresë. Sipas komunikatës, gjashtë rojet e uzinës që ishin marrë në pyetje janë lënë të lirë, pasi nuk kanë pasur asnjë lidhje me këtë ngjarje. Policia pohon faktin se lënda plasëse nuk ka qenë dinamit, por lëndë plasëse artizanale, e vendosur nga persona të paidentifikuar, të cilët mendohet të kenë pasur si qëllim vjedhjen e kabllove elektrikë. Policia po punon për identifikimin e kapjen e autorëve të kësaj ngjarjeje.





“Shpëtuam për fat”

Inxhinieri Arqile Ciko, aktualisht kryetar i degës teknike të Ndërmarrjes së Azotikut, i cili ka mbi 30 vjet pune në profesionin, pohoi për gazetën se shpërthimi i ndodhur në ambientet e uzinës së uresë nuk ka të bëjë me vjedhjen e kabllove elektrikë të tensionit të lartë 6 mijë kilovolt. “Nuk mund të them dot asgjë, pasi janë organet kompetente ato që do të flasim pas hetimeve që do të kryejnë. Ka qenë fat që shpërthimi nuk dëmtoi katër sferat metalike që kanë brenda tyre sasinë prej një mijë tonësh gaz të lëngshëm dhe një qind tonë acid nitrik, pasi po të kishin shpërthyer ato, do të bënin hi jo vetëm Fierin, por edhe Lushnjën e Kuçovën”, tha Ciko. Megjithatë, sipas tij, nuk janë punonjësit ata që do e kryenin një vepër të tillë për grabitje.





Bredhat e Metës u mbollën ditën, i vodhën natën

FIER - Bredhat që u mbollën rreth tre muaj më parë në Fier nga kreu i LSI-së, Ilir Meta, pikërisht pranë portës kryesore të Azotikut, janë shkulur me gjithë rrënjë. Persona të paidentifikuar kanë grabitur dy bredhat e mbjellë si simbol i jetës në kohën kur dega e LSI-së në Fier zhvilloi një protestë kundër groposjes së arsenikut në Ndërmarrjen e Azotikut. Pemët u mbollën edhe për të sensibilizuar pushtetin vendor, i cili nuk po bënte asgjë për groposjen e lëndës së arsenikut.

A. Prifti
Shtoni ne: [url=http://del.icio.us/post?url=http://www.korrieri.com/index.php?news=841&title=Rrezikojnë shfarosjen tre qytete] del.[/url]

DASH: Gërdeci në listën e tragjedive botërore

Departamenti Amerikan i Shtetit ka publikuar dje një raport, hartuar nga koloneli George Zahaczeësky, ku numëron incidentet e ndodhura në botë.




Shekulli Online
Tue, 05 Aug 2008 16:40:00




Problemi i rrezikshëm i municioneve të vjetruara në botë vazhdon të jetë i pranishëm. Departamenti Amerikan i Shtetit ka publikuar dje një raport, hartuar nga koloneli George Zahaczeësky, ku numëron incidentet e ndodhura në botë. Mes shpëthimeve me pasoja të rrezikshme për jetën e njerëzve ku janë shënuar edhe viktima renditet ngjarja e ndodhur në Gërdec.
Koloneli i ushtrisë amerikane dhe ish kreu i Departamentit Amrikan të Mbrojtjes për çminimet, George Zahaczeësky në një raport të cilësuar “Depot e Rrezikshme” ka numëruar 137 incidentet botërore, mes të cilave edhe Gërdecin.
“Në këtë tragjedi nga pakujdesia e madhe gjatë demontimit humbën jetën 26 persona, u plagosën më shumë se 300 të tjerë, ndërkohë që qindra shtëpi u rrënuan”- thuhet në raport, ku kujtohet edhe ngjarjet e vitit 1997 në Shqipëri, ku pakujdesia me armët mori shumë jetë njerëzish.
Raporti specifikon si shkak të tragjedisë municionet e vjetëruar, mungesën e mirëmbajtjes së tyre, paketimin e keq e të tjerë.
Më tej numërohen incidentet e ndodhura në vende të ndryshme të botës, gjithnjë me shkak shpërthimet nga municionet.
“Katastrofa nga shpërthimet ndodhën në një depozitë armatimi në një zonë të populluar të Uzbekistanit dhe në Bullgari”- thuhet më tej në raport.
Këto depo të rrezikshme, sipas raportit kanë ende potencial të madh për të krijuar sërish viktima, ndaj duhet bërë shumë kujdes.

Hetimet e Gërdecit po "piketojnë" si organizator Sali Berishën

[url=http://bashkimikombetar.com/javascript:void window.open('http://www.sot.com.al/index2.php?option=com_content&do_pdf=1&id=77319', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=640,height=480,directories=no,location=no');] [/url]

[url=http://bashkimikombetar.com/javascript:void window.open('http://www.sot.com.al/index2.php?option=com_content&task=view&id=77319&Itemid=1&pop=1&page=0', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=640,height=480,directories=no,location=no');] [/url]

[url=http://bashkimikombetar.com/javascript:void window.open('http://www.sot.com.al/index2.php?option=com_content&task=emailform&id=77319', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=400,height=250,directories=no,location=no');] [/url]

Grada e perdoruesve-ve: / 2
I varferI mire

Wednesday, 06 August 2008

Nga Përparim HALILI - Duhej fatkeqësia e Gërdecit, që të vërtetoheshin një pjesë e akuzave, që gazeta “SOT” ka ngritur në vite, për abuzimet që qeveritarët kanë bërë me paratë dhe pronat e shqiptarëve. Ka qenë gazeta jonë, që ka (para)lajmëruar qysh në vitin 2003, se si bëhet kontrabanda e armëve dhe tregtia e skrapit në Shqipëri. Nuk është e rastësishme, që në tregtinë e skrapit ka qenë i njëjti person në qendër të vëmendjes dhe ky person e ka emrin Mihal Delijorgji. Emri i Delijorgjit, nuk del i implikuar vetëm në tragjedinë e Gërdecit,por emri i tij është i lidhur ngushtë me ish-ministrin socialist të mbrojtjes Pandeli Majko. Ka qenë firma e Delijorgjit, që u aktivizua me çmontimin e tankeve, avionëve dhe mjeteve të ndryshme të ushtrisë, të cilat u shitën për një copë bukë në Qipro. Firma e ish-ministrit Majko, ka qenë prezente në shkatërrimin përfundimtar të tankeve, të cilat shiteshin me 60 USD për ton, ku vlera totale e tyre shkonte afërsisht 1800 deri 1900 USD një tank. Ky është një nga shumë raste, që kanë të bëjnë me tregtinë e armëve që është zhvilluar në ministrinë e Mbrojtjes, nga i njëjti person që quhet Ylli Pinari. Ministria e Mbrojtjes, ka qenë kampione e shkeljeve ligjore, të bëra gjatë kohës që ministër ka qenë Pandeli Majko. Që në atë kohë, kryeministri aktual ka qenë mbrojtësi më i flaktë i këtij ministri (Majkos). Megjithëse denoncimet për këto afera, kanë qenë të shumta, Sali Berisha kur ka qenë kreu i opozitës e ka marrë gjithmonë në mbrojtje Pandeli Majkon. Edhe në komisionin Hetimor, i cili ishte nismë e opozitës, kreu i këtij komisioni, u mundua të fshihte aferat e ministrit Majko i urdhëruar nga kreu i opozitës i asaj kohe, sot kryeministri Berisha. Pra, në të gjithë këto afera, kemi të njëjtët njerëz. Mazhoranca dhe Sali Berisha, nuk lanë njeri pa spastruar nga administrata shqiptare, që nga drejtorët e deri te pastrueset. Kjo fushatë, u shtri deri edhe te ngjyrat e zyrave. Si ka mundësi, që ky kryeministër, i cili ka treguar se është një “cunam”, ku shkel ai fshihet gjithçka nga dheu, tashmë mund t’i vëmë dhe emrin “Gërdec”, ka mbajtur në administratën e tij një njeri, si Ylli Pinari, i cili qe një nga personat më të rëndësishëm në Ministrinë e Mbrojtjes? Si shpjegohet, që i njëjti njeri, që ka qenë në tregtinë e skrapit, “biznesmeni” Mihal Delijorgji, u mbajt sërish në biznesin e skrapit dhe të armëve që bën qeveria shqiptare? A nuk kemi këtu, një marrëveshje të hershme korrupsioni dhe trafiku, që nis me Pandeli Majkon dhe përfundon me Sali Berishën? A nuk kemi këtu, një lidhje të çuditshme, që konverton që me heshtjen e (ish) kryeopozitarit Berisha për aferat e Majkos dhe mbyllet me tragjedinë e Gërdecit dhe me trafikun e armëve? Berisha: Hetim tragjedisë së Gërdecit në çdo qelizë të saj Inaugurimi i disa punëve publike, e ka çuar kryeministrin Berisha në bashkinë E Vorës, që ishte dhe stacioni i vetëm i tij. Por, megjithëse shmangu një vizitë në Gërdec, kryeministri nuk e evitoi çështjen e Gërdecit nga fjalimi i tij kryesor në Vorë. Edhe pse vete kryeministri e ka cilësuar më shumë se njëherë këtë tragjedi si një incident teknologjik sërish Berisha duket se nuk është i bindur për këtë dhe i ka bërë thirrje prokurores Ina Rama që të zhvillojë hetime të imtësishme. Duke shfrytëzuar vizitën në Vorë, Shefi i ekzekutivit para banorëve që vuajtën pasojat e shpërthimit të 15 marsit ka deklaruar se ka besim se tragjedia e Gërdecit do të zbardhet plotësisht. Duke prekur fillimisht çështjen delikate të hetimit të ngjarjes, për të cilën në mënyrë të përsëritur tha se ishte një tragjedi e tmerrshme, kryeministri Berisha u duk sikur iu përgjigj zërave kritike brenda dhe jashtë vendit se mazhoranca po pengon hetimet për Gërdecin. “Të hetohet deri në qelizë për të nxjerrë përgjegjësit e kësaj tragjedie të tmerrshme, si detyrë morale ndaj shpirtrave të viktimave, familjeve dhe komunitetit” është shprehur Berisha. Gjatë fjalimit në Vorë, kryeministri Berisha dha sërish garanci për mbështetjen e banorëve të dëmtuar të Gërdecit dhe për rehabilitimin e plotë të zonës. “Do t’ju mbështesim deri në vendosjen e tullës së fundit dhe ndërtimit të çdo rruge e rrugice në Gërdec” është shprehur Berisha. ky reagim i kryeministrit Berisha vjen pak ditë pas mesazhit të ambasadorit amerikan John Uidhers, në opinionin e të cilit rindërtimi i jetës në Gërdec është ende i rrezikshëm. Megjithatë në ndryshim nga pritja që iu rezervua anëtarëve të qeverisë në Gërdec, banorët e Vorës shfaqën entuziazëm gjatë vizitës së kryeministri Berisha atje. Ndërkohë që vetëm dy ditë më parë, Gërdeci ishte në top listën e një raporti të departamentit amerikan të shtetit për shpërthimet në depo municioni në të gjithë botën. Tragjedia e Gërdecit, ku mbetën të vrarë 26 persona , u plagosën më shumë se 300 dhe u shkaktuan dhjetëra milionë dollarë dëme materiale, kanë qenë në qendër të vëmendjes së ndërkombëtareve, përsa i përket vënies së drejtësisë. Berisha ka deklaruar në kalimin e tij pranë Gërdecit, se qeveria e tij, pra “Ne patëm një tragjedi të tmerrshme në 15 mars. Një tragjedi e cila duhet të hetohet në çdo qelizë të saj dhe unë kam besim të plotë se kjo do të ndodhë, se hetimi është një detyrim madhor moral ndaj shpirtrave të atyre që nuk janë më, familjarëve të tyre dhe të gjithë komunitetit. Por, nga ana tjetër, ju jeni dëshmitarë të veprimit më energjik të parë ndonjëherë në Shqipëri, në radhë të parë nga autoritetet vendore, së pari nga kryetari i bashkisë, i cili e përballoi me ndershmëri, dashuri, dhembshuri dhe fuqi menaxhuese të admirueshme dhe u shndërrua këtu në një shtyllë kryesore tuajën dhe të qeverisë në zgjidhjen e problemeve” ka pohuar kryeministri Berisha në Vorë. “Natyrisht, unë dhe qeveria kemi bërë të gjitha përpjekjet për t’i dhënë përgjigjen më energjike pasojave të kësaj tragjedie të tmerrshme, rikuperimit sa më shpejt dhe zvogëlimit sa më madh të tyre. Sot, zona po rindërtohet dhe ne nuk do të ndërpresim mbështetjen e fuqishme, derisa të vendoset dhe tulla e fundit, derisa të rindërtohet rruga dhe rrugica e fundit në këtë zonë. Ne qëndrojmë fuqishëm prapa jush”. “Në tërësi është bërë zgjidhja kompensimi më i gjerë i mundshëm, por duke thënë këtë jam i bindur se ka edhe zemërthyer nga gabimet që mund të jenë bërë. Jam i bindur se ka probleme, të cilat duhet të trajtohen një e nga një. Ndaj dhe i garantoj të gjithë banorët e bashkisë Vorë se në asnjë moment nuk do të jeni jashtë fokusit të qeverisë. Qeveria do të finalizojë të gjithë projektin e rehabilitimit dhe rindërtimit të plotë të kësaj zone dhe më pas të inkurajimit të madh të biznesit në të’ deklaroi Berisha. Gjatë vizitës në Vorë, Kryeministri Berisha përuroi përfundimin e rrugës hyrëse që lidh autostradën me këtë qytet, investim i buxhetit të shtetit me vlerë 37 milion lekë. Departamenti i SHBA: Gërdeci ngjarja më e rëndë në botë Raporti i DASH: Më 15 mars 2008, një seri shpërthimesh të mëdha e vdekjeprurëse, çanë mes përmes një depo armësh të qeverisë shqiptare, në fshatin e Gërdecit në afërsi të Tiranës, ç'ka rezultoi në vdekjen e 24 personave dhe në plagosjen e më tepër se 300 të tjerëve, si dhe shkatërrimin e banesave dhe të strukturave civile, në një reze prej 2.5 kilometrash. Sipas raportit të DASH, qeveria shqiptare, për shkak të neglizhencës së plotë e sistematike ndaj këtyre depove me municion, krijuan problem të rëndë humanitar dhe krim njerëzor, shpërthimit të depove të municioneve të vjetra, ashtu si shumë vende të botës, por që në Shqipëri pati përmasa rekord. Departamenti Amerikan i Shtetit, publikoi raportin e hartuar prej tij ku renditen 137 incidente më të rënda të shkaktuara si pasojë e municioneve të vjetruara. Faktorë për këtë incident të rëndë që fatkeqësisht nuk ishte i vetmi thuhet në raport mbeten municionet e vjetërsuara, paketimi i keq dhe kushtet e pamjaftueshme të mirëmbajtjes. Megjithatë, ky nuk është i vetmi incident ku përmendet Shqipëria. Zahazevski, rikthehet më raportin dhe vëzhgimin e tij në incidentet e marsit të vitit 1997, ku në 15 qytete, si pasojë e gabimeve njerëzore dhe masave të dobëta të sigurisë në Shqipëri, u shkaktuan shpërthime deposh ushtarake, që u morën jetën 59 personave. Kjo bëri që NATO të nisë një program trajnimi të Forcave të Armatosura Shqiptare për pastrimin e armatimeve të paplasura. Shpërthime katastrofike në depot e municioneve kanë ndodhur edhe në zona të tjera të populluara në botë, si Uzbekistan dhe Bullgari. Ato pasojnë incidente të rënda të ndodhura gjatë viteve. "Këto depo të rrezikshme në të cilën ndodhen municione mjaft të vjetruara dhe të paketuara keq mund të shkaktojnë çdo vit më shumë viktima sesa zonat e minuara apo mbetjet eksplozive të Luftën së Dytë Botërore"

vijon

Provat e Berishës për të mbyllur dosjen

• Provën e parë, të mbylljes së kësaj dosjeje kriminale me përmasa zyrtare të nivelit më të lartë qeveritar e Berisha dhe klani i tij e dhanë, duke ndërhyrë për të caktuar në hetimin e çështjes, ish-punonjësin juridik të kompanisë së Delijorgjit dhe Pinarit, aktualisht kryeprokuror i Tiranës.
  
• Provën e dytë po e jep me përpjekjet për të bllokuar heqjen imunitetit për Mediun, të cilin dy ditë më parë e përcolli tek pjesa tjetër e grupit të Gërdecit, tek Diveroli dhe shefat e tij.
  
• Provën e tretë e dha duke joshur deputetët e tij dhe të Ramës ashtu siç di ai, për të zvarritur marrjen sit ë pandehur të Fatmir Mediut.
  
• Provën e katërt po e jep, duke mos deklaruar vendimet e qeverisë të firmosura prej tij në lidhje me trafikun e Gërdecit.
  

Hetimet ndaj Diverolit
Autoritetet federale të SHBA tashmë kanë nisur në thellësi hetimet ndaj kompanisë AEY, të drejtuar nga 22-vjeçari Efraim Diveroli, pas akuzave për mashtrim në tenderët publikë për furnizimin e municioneve për Afganistanin. Ushtria e SHBA ka pezulluar kontraktonin AEY me bazë në Miami Beach nga të gjitha punët federale. Gjithashtu qeveria e Shteteve të Bashkuara ka nisur një hetim ndaj presidentit të kompanisë për veprimtari kriminale. Ushtria e Shteteve të Bashkuara i bënte me dije pronarit të kompanisë, Efraim Diverolit, se kanë nisur hetimet federale ndaj kontratave të lidhura prej tij me qeverinë e SHBA-së. Sipas një dokumenti të Pentagonit, AEY dhe presidenti 22-vjeçar Diveroli, theksohet se ai me dashje ka bërë falsifikimin e faturave të municioneve, të çilat sipas Diverolit ishin prodhuar në Hungari ndërmjet viteve 1965 dhe 1975. "Në fakt, pjesa më e madhe e municionit është prodhuar në Republikën Popullore të Kinës, ndërmjet viteve 1962 dhe 1974", theksohet në letrën e Pentagonit, drejtuar presidentit të AEY, ku njoftohet pezullimi ndaj tenderëve federalë. Nëse kjo është e vërtetë, faktohet se AEY ka thyer ligjet e SHBA duke blerë municione nga kompanitë ushtarake kineze. Pezullimi është i përkohshëm dhe është i vlefshëm deri në mbylljen e hetimeve. I kontaktuar në telefon nga "Reuters", prej zyrës së tij në Miami Beach, Diveroli tha se "nuk kam asgjë për të komentuar". Ndërkohë, i pyetur nëse avokati i tij mund të bëjë ndonjë deklaratë mbi ngjarjen, ai u përgjigj se "nuk besoj se do ta bëjë një gjë të tillë". Pezullimi i kontratës erdhi pas një investigimi të "New York Times", ku theksohet se dhjetëra milionë fishekë të blerë nga AEY pas një kontrate prej 300 milionë dollarësh me qeverinë federale, furnizoi Afganistanin me municion që ishte prodhuar në Kinë.
Gërdeci dhe kontrabanda e armëve, nisën me Majkon dhe vazhduan me Berishën
Emri i Delijorgjit, nuk del i implikuar vetëm në tragjedinë e Gërdecit, por emri i tij është i lidhur ngushtë me ish-ministrin socialist të mbrojtjes Pandeli Majko. Ka qenë firma e Delijorgjit, që u aktivizua me çmontimin e tankeve, avionëve dhe mjeteve të ndryshme të ushtrisë, të cilat u shitën për një copë bukë në Qipro. Firma e ish-ministrit Majko, ka qenë prezente në shkatërrimin përfundimtar të tankeve, të cilat shiteshin me 60 USD për ton, ku vlera totale e tyre shkonte afërsisht 1800 deri 1900 USD një tank. Nëpërmjet një kontrate skandaloze, me një firmë greke, të cilën Pandeli Majko u mundua ta paraqesë para disa ditësh, si kompania e Benz Mercdesit, pikërisht me kompaninë “Hellenic Vehicle Industry S.A” , ministri Majko, së bashku me këtë farë “biznesmeni” Delijorgji, shkatërroi dhe masakroi në një kohë rekord, gjithë arsenalin e armatimit shqiptar, duke i vënë sharrën dhe plugun armatimeve të rënda. Nëpërmjet një kontrate skandaloze, ai shiti materialin special që doli nga armatimet e rënda, me 60 USD një ton, kur në bursë, çmimi i skrapit të rëndomtë shkonte nga 120 deri në 180 USD për 1 ton. Dhe në këmbim të kësaj, Majko mori për ushtrinë shqiptare, makina skandaloze të viteve ’86. Gjithashtu, nga aeroporti i Rinasit ngriheshin avionë të rëndë, me materiale ushtarake, të cilat kanë thyer edhe embargo, ashtu siç ka qenë edhe rasti i Ruandës. Tjetër skandal i Majkos është edhe tregtia raketave të tipit “Stainer-2” dhe “Stainer-3”. Rreth 85 raketa u blenë në Pakistan në vitin 1995 dhe pesë copë nga këto, u asgjësuan në Bizë të Martaneshit, ndërkohë që 16 copë nga këto, iu shitën një firme izraelite, nëpërmjet firmës “MEICO” me vlerën 25 mijë USD copa. Vlera totale e shitjes të këtyre raketave ishte 400 mijë USD në total. Kjo shitje është bërë në datën 10 tetor 2004, në drejtim të firmës blerëse “Panorama LTD”. Kjo shitje, hyn në një nga skandalet e ministrit Majko, pasi vlera e një rakete është rreth 60 mijë usd. Gjithë justifikimi i kësaj shitje është bërë nën arsyetimin e testit që i duhej bërë këtyre raketave.
Krijimi i ndërmarrjes trafikante "Meico"
Ndërmarrja “Meico” është krijuar me Vendimin e Këshillit të Ministrave, Nr 366, datë 05.10.1991 “Për krijimin e ndërmarrjeve të import-eksportit, në varësi të Ministrisë së Mbrojtjes”, me objekt import-eksportin e mallrave dhe objekteve specifike të ushtrisë. Veprimtaria ekonomike e saj, ka qenë mbështetur me ligjin Nr 7582, datë 13.07.1992 “Për ndërmarrjen shtetërore”. Ndërmarrja “Meico”, sipas vendimit të Këshillit të Ministrave, drejtohet nga Këshilli Drejtues, i cili përbëhet nga 5 anëtarë, miratuar me urdhrin e ministrit, Nr 51, datë 06.02.2003. Me urdhrin Nr 5, datë 08.01.2002, “Për funksionimin e ndërmarrjes së eksport- importit të ushtrisë “Meico”, Neni 2. “Objekti i veprimtarisë” është përcaktuar si “Ndërmarrje komisionere” për mallra dhe objekte të ushtrisë. Ndryshimi i statusit të kësaj ndërmarrje dhe përcaktimi, si “Ndërmarrje komisionere”, me akt-nënligjor është në kundërshtim me ligjin nr 7582, datë 13.07.1992 neni 7. Ndryshimi i Statusit të “Meico” me anë të këtij urdhri në “Ndërmarrje jobuxhetore dhe njëkohësisht komisionere”, ka sjellë si pasojë, që blerjet dhe shitjet të bëhen nga kjo ndërmarrje sipas këtij koncepti.
Geri Kokalari: Berisha ka patur informacion për Gërdecin
Në lidhje me ngjarjen e 15 marsit Geri Kokalari lëshon akuza për përfshirjen në tragjedi të Sali Berishës dhe familjes së tij. Në një intervistë, Berisha ka bërë një përshkrim të madh vetës së tij duke thënë se projekti i Gërdecit nuk ishte një bazë e projektuar. Ai harroi të mendonte se projekti ishte shumë pak metra larg bazës dhe që kompania kishte një kontratë të firmosur nga qeveria. Ai luajti me fjalët për rreth së cilës ishte i ndërgjeshëm për eksplozivin ku ai tha që nuk kishte dijeni për Gërdecin, faktit të vëllait të kunatit të tij të vrarë, Muhamet Hoxha, punonte në fabrikë, nga Berisha dhe vdiq në fabrikën e çmontimit. Gjithashtu Berisha ka deklaruar që Muhamet Hoxha ishte vetëm një punëtor në plant, ku një pjesë e familjarëve thanë se ai ishte supervizor i projektit. Kokalari akuzon kryeministrin e qeverisë Sali Berisha, ministrin e Mbrojtjes Fatmir Mediu si dhe shumë funksionarë të tjerë të qeverisë të cilët janë përfshirë në këtë aferë skandaloze kontrabande armësh. Shqiptarët duhet të shqetësohen që kanë një person të pa dobishëm që i përfaqëson ata në rang botëror. Berisha e tregon veten komplet budalla duke thënë që projekti i Gërdecit nuk ishte në një bazë ushtarake. Ai harron të përmendë që projekti ishte vetëm pak metra larg bazës ushtarake dhe që kompania kishte një kontratë për të shkatërruar municionet, pronë e qeverisë.
Tragjedia e Gërdecit, vetëm tre të arrestuar
Ndalimi i Delijorgjit, Pinarit dhe Minxholit është bërë tre ditë pas shpërthimit të fabrikës së demontimit në Gërdec të bashkisë së Vorës, ku deri tani janë regjistruar 25 viktima, dhe rreth 300 të plagosur. Vënia në pranga e të sipërcituarve erdhi pasi prokuroria ka firmosur urdhër-arrestet për drejtorin e “Meico-s”, Ylli Pinari, administratorin e firmës “Alba Demil”, Mihal Delijorgji dhe drejtorin e fabrikës në Gërdec, Dritan Minxholi. Ndaj tyre rëndon akuza e moszbatimit të rregullave të sigurisë, që lidhet konkretisht me administrimin, ruajtjen dhe demontimin e municioneve. Delijorgji, një nga biznesmenët më të mëdhenj të hekurit në Shqipëri, nuk i ka për herë të parë prangat. Pak vite më parë ai u arrestua kur ishte president i sport-klub Dinamos, me urdhër të prokurorisë së Durrësit, për shmangie të detyrimeve për importin e hekurit, duke i shkaktuar shtetit një dëm prej 1.2 milionë lekëve.
Hetimet e ngjarjes
Hetimet paraprake vërtetuan se kjo ngjarje shkaktoi vdekjen e 26 personave, plagosjen e rëndë të 11 personave, plagosjen e lehtë të 31 personave dhe dëmtime të natyrës më të lehtë të 260 personave të tjerë, pa përmendur këtu lëndimin e shëndetit mendor dhe emocional të një numri të konsiderueshëm personash të tjerë. Në Qarkun e Tiranës dhe të Durrësit janë dëmtuar dhe 5413 banesa dhe objekte private, 32 biznese private dhe 34 ferma bujqësore. Të gjitha dëmtimet e shkaktuara, sipas një vlerësimi paraprak, të datës 16. 04. 2008, të Entit Kombëtar të Banesave, kapin vlerën 2, 039, 216, 418 lekë.
Personat në burg dhe hetim

• Fatmir Mediu
  
• Ylli Pinari, drejtori i MEICO-s
  
• Mihal Delijorgji
  
• Sokol Gjeci
  
• Dashnor Caushi
  
• si edhe Dritan Minxhozi.
  

Persona që duhen hetuar

• Sali Berisha
  
• Jozefina Topalli
  
• Astrit Patozi
  

Pistat e Prokurorisë

• Zbatimi i rregullave për administrimin dhe ruajtjen e lëndëve plasëse nga të gjitha subjektet që janë aktore të këtij procesi, duke filluar nga firma MEICO, tek firma amerikane Southern Ammunition Company dhe tek firma Alba Demil.
  
• Zbatimi i rregullave për ruajtjen fizike të objektit, që ishte marre përsipër nga Firma VRANA Security.Zbatimi i rregullave në lidhje me përzgjedhjen e vendit ku është kryer ky proces.
  
• Shpërdorimet e detyrës apo konkurrenca e pandershme mes firmave si shkak që mund të këtë shkaktuar ardhjen e pasojës.
  

Shkeljet e bëra nga Mediu

1. Përzgjedhja e gabuar e vendit të demontimit duke rrezikuar jetën e personave që punonin dhe banonin në Gërdec dhe duke shkelur rregulloren e Ministrisë së Mbrojtjes së vitit 2003.
   Lejimi i nënshkrimit të kontratave me 2 firma të palicencuara për procesin e demontimit me shkelje të akteve ligjore.
   
2. Lejimi i shkeljeve të rregullave që shoqërojnë procesin e demontimit duke rrezikuar jetën e personave që punonin aty.
   
3. Shpërfillja të procedurave ligjore të nënshkruara prej tij për demontimin e municioneve.
   
4. Shmangia e Forcave të Armatosura nga mbikëqyrja e mëtejshme e procesit të demontimit.
   
5. Është lejuar demontimi i kalibrit të madh.
   
6. Është lejuar SAC dhe ALBA DEMIL për dhënien e lejeve të demontimit dhe eksportimit të municioneve.
   

Ministria e Mbrojtjes, pranon eksportin e jashtëligjshëm të armëve
Ministria e Mbrojtjes ka pranuar se, eksporti i armëve është kryer në kushtet e një ligji që ky dikaster e cilëson të pazbatueshëm. Drejtori i Drejtorisë Juridike në Ministrinë e Mbrojtjes, Rezart Tërshana, sqaroi dje për gazetarët se, “Ligji për kontrollin shtetëror të veprimtarisë së import-eksportit të mallrave ushtarake dhe mallrave e teknologjive me përdorim të dyfishtë", nuk është i zbatueshëm, pasi ende po punohet për ngritjen e strukturës së Autoritetit të Kontrollit Shtetëror të Eksporteve. Ligji për eksportin e armëve ka hyrë në fuqi në 1 qershor të 2007, kurse ngritja e autoritetit duhej të përfundonte në një janar të këtij vitit. “Domosdoshmëria e miratimit të ligjit për kontrollin shtetëror të veprimtarisë së import- eksportit të mallrave ushtarake dhe teknologjike me përdorim të dyfishtë rridhte nga fakti se republika e Shqipërisë ishte ndër të paktat vende të Evropës Juglindore që kishte një sistem të kontrollit shtetëror mbi eksportin e armëve jo të plotë dhe jashtë çdo parametri evropian në këtë fushe. Ndërkohë, lidhur me procesin e hartimit të këtij ligji, zoti Tërshana sqaroi se ai ka nisur që prej vitit 2004, në bashkëpunim të ngushtë me OSBE-në, PNUD-in, Departamentin e Tregtisë të SHBA-së, zyrën Federale të Ekonomisë dhe Kontrollit të Eksporteve të Gjermanisë (BAFA), dhe me institucione të tjera ndërkombëtare". "Me institucionet e mësipërme janë zhvilluar një sërë konsulencash e trajnimesh gjatë të cilave është marrë dhe asistenca e mendimi i tyre për hartimin e këtij ligji. Për përgatitjen e projektligjit janë mbajtur parasysh identifikimi i “acquis communautaire” mbi kontrollin e eksporteve, si dhe hartimi i tij në përputhje të plotë me rregulloren e BE-se mbi kontrollin shtetëror të eksportit të mallrave ushtarake e teknologjive me përdorim të dyfishtë, duke marrë përvojat më të mira evropiane në këtë fushë", vijoi zoti Tërshana.
Geri Kokalari i shkruan kryeministrit Sali Berisha
Në lidhje me ngjarjen e 15 marsit Kokalari lëshon akuza për përfshirjen në tragjedi të Sali Berishës dhe familjes së tij. Ja se çfarë thotë në letrën e tij:
“A mendoni ju, se thatë diçka të mençur me shprehjen tuaj “letër higjienike”? Unë ju siguroj, që ju nuk jeni i pari që përdorni këtë shprehje ndaj gazetës së mirënjohur amerikane dhe vështirë, se ju do të jeni i fundit. Por mos kini asnjë dyshim se kjo “letër higjienike” kumboi përtej maleve të Shqipërisë dhe jehona e saj do të vazhdojë të kumbojë në veshët tuaj edhe për shumë kohë. Dhe mos harro se ndershmëria juaj, solli këtë “letër higjienike” në derën tuaj. Ju kujtoj, se unë nuk kam mbaruar duke menderos mbi ata që e meritojnë atë, kështu që ju sugjeroj që ta ruani letrën higjienike, nëse unë do të detyrohem, ju do të keni nevojë për të.
Zoti Berisha përse nuk dërgoni djalin tuaj në afganistan, të luftojë me fishekët e skaduar
Meqë ra fjala, unë shikoj që ju bujarisht, po dërgoni më tepër djem shqiptarë në luftë në Afganistan, në të njëjtin vend ku ju dërguat municion kinez të vjetër dhe të gërryer. Ju a mendoni që askush nuk e kupton që kjo nuk është asgjë më shumë se një përpjekje transparente nga një malok për të lëpirë bythën Amerikane, në përpjekje për të ruajtur bythën e tij? Mbase unë gaboj e ju keni të drejtë. Por një mënyrë e mirë për ju për ta provuar që unë e kam gabim, është që ju të dërgoni djalin tuaj, Shkëlzen në Afganistan. Sigurisht që kjo do të jetë më shumë se një experiencë e formimit të karakterit, sesa ta lejoni atë ti vijë rrotull Milhal Delijorgjit. Edhe djali i John Mçain, ka qenë ushtar në Irak. A nuk e ndjen familja juaj këtë gjë si detyrim? Mendjet kureshtare duan ta dinë.

Trebicka zbardh trafikun e Shtetit Shqiptar me Henri Tomein, trafikanti më i madh i armëve

[url=http://bashkimikombetar.com/javascript:void window.open('http://www.sot.com.al/index2.php?option=com_content&do_pdf=1&id=77437', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=640,height=480,directories=no,location=no');] [/url]

[url=http://bashkimikombetar.com/javascript:void window.open('http://www.sot.com.al/index2.php?option=com_content&task=view&id=77437&Itemid=1&pop=1&page=0', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=640,height=480,directories=no,location=no');] [/url]

[url=http://bashkimikombetar.com/javascript:void window.open('http://www.sot.com.al/index2.php?option=com_content&task=emailform&id=77437', 'win2', 'status=no,toolbar=no,scrollbars=yes,titlebar=no,menubar=no,resizable=yes,width=400,height=250,directories=no,location=no');] [/url]

Grada e perdoruesve-ve: / 1
I varferI mire

Friday, 08 August 2008

Edhe gazetarët zviceranë nisin investigimet rreth skandalit të trafikut të armëve pas tragjedisë së Gërdecit. Biznese armësh të dyshimta, fitime në miliona, lidhje me rrethet qeveritare, në këtë mënyrë është nisur emisioni televiziv ku gazetarët kërk00ojnë të hedhin dritë rreth rolit të Hajrin Tomet, tregtarit misterioz zviceran që dyshohet të jetë në pazarin me qeverinë shqiptare dhe firmën e Diverolit. Ka qenë kjo mënyra që ka gjetur pikërisht moderatori i emisionit për të shkuar deri të fakti, që emri i një shtetasi zviceran,i cili tregton armë dhe municione, përmendet në Shtetet e Bashkuara gjatë hetimeve në lidhje me një marrëveshje që kap një shumë prej 300 milionësh, por që përmendet edhe në Shqipëri gjithashtu. Gazetari Dutvajler është vënë në ndjekje të gjurmëve të këtij personi, i cili i shmanget daljes në publik. Tregtari zviceran, që sipas tij është regjistruar diku në rrethinat e Bernit, nuk ka asnjë fotografi të publikuar dhe nuk pranon që të ketë të bëjë me biznese të dyshimta, por emri i tij po përmendet kohët e fundit anembanë edhe në Shqipëri. Madje emri i tij është përmendur nga Ylli Trebicka në Shqipëri. Nuk dihet as pse Hajnrih Tomet sipas gazetarit u vendos në vitin 2006 në listën e personave si kontrabandistë armësh, vetëm pak kohë para se të merrej porosia për municione drejt Afganistanit. Investigimi vazhdon pikërisht me faktin që Pentagoni kontakton 21 vjeçarin Efraim Diveroli për të furnizuar me municion ushtarët afganë, duke ngritur dyshimin se këtë furnizim ai e ka gjetur në Shqipëri falë edhe ndihmës së zviceranit Tomet. Ekipi i Televizionit ka intervistuar biznesmenin Kosta Trebicka i cili tregon se si u njoh me Tomet i cili qëndronte pas firmës fantazmë në Qipro dhe që në këtë rast përfaqësonte klientin, pra Diverolin. Pikërisht pas rrugës së dyshimtë nëpërmjet Qipros, dhe që synonte ta shiste municionin me çmim të dyfishuar, mendohet se qëndronte shtetasi zviceran Tomet gjë për të cilën flitet edhe në Shtetet e Bashkuara. Vetë gazetari ka provuar të marrë një përgjigje nga vetë Tomet por ai ka mohuar të ketë marrë pjesë në tregtinë e përmendur duke cilësuar se këto dyshime nuk mund të bazohen vetëm në thëniet e Efraim Diverol. Biznesmeni shqiptar Trebicka tregon se Tomet ka ndikim të madh në vendet e Evropës Lindore aty ku tregtohen municione të standardeve të vjetra, njësoj si ato të tregtuara nga Shqipëria. Gazetari citon se pas shpërthimit në Gërdec dolën në pah shkeljet e bëra gjatë demontimit të armëve duke ngritur pikëpyetjen rreth çështjes së korrupsionit. Gazetari ka intervistuar deputetë të opozitës të cilët citojnë burime që ngrenë dyshime për përfshirjen e djalit të kryeministrit Berisha në tregtinë e armëve. Arsyeja pse vetë Zvicra nuk merret me çështjen Tomet është e thjeshtë sipas gazetarit sepse vetë shteti zviceran nuk e ka përshtatur ligjin për kontrollin mbi tregtarët e armëve, me një kërkesë të OSBE-së për këtë çështje. Vetë zyrtarët zviceran nuk bëjnë komente mbi dyshimet për ndërmjetësin Hajnrih Tomet në tregtinë e armëve nga Shqipëri në Afganistan, por edhe pse kjo mbetet enigmë ai mbetet si i tillë për sa kohë edhe gazeta “Neë York Times” e cilëson këtë njeri si misterioz. Tregtia e armëve Shqipëri-Afganistan, investigim i gazetarit zviceran Biznesi ku emri i zviceranit Hajnrih Tomet përmendet në titujt kryesorë ka të bëjë me luftën në Afganistan. Shtetet e Bashkuara dhe aleatët e tyre po përpiqen ti vendosin trupat qeveritare në pozicion. Ushtari: - Hej, thuaji atij që të qëllojë vetë kur të shoh diçka. Ai nuk merr fare shënjestër. Gazetari: Një problem që ekziston është se, ushtarët afgan janë të pajisur me kallashnikovë rus dhe për këtë arsye atyre u nevojitet municion që nuk prodhohet në shtetet perëndimore. Për këtë arsye në Janar 2007 fillon një aksion aventuresk për blerjen e municionit. Pentagoni kontrakton një firmë, pronari i së cilës quhet Efraim Diveroli dhe është vetëm 21 vjeç. Diveroli duhet të furnizojë një sasi municioni që kushton 300 milionë Dollarë. Dyshohet se amerikani këtë municion e ka gjetur në Shqipëri falë ndihmës së Hajnrih Tomet. Liferant është një firmë shtetërore, e cila drejtohet nga Ylli Pinari. Ylli Pinari arrestohet në Mars të 2008-ës. Rrethanat e dyshimta të marrëveshjes bëjnë që Prokuroria të hetojë për këtë çështje. Ekipi i televizionit zviceran takon në Tiranë, kryeqytetin Shqiptar, Kosta Trebickën. Biznesmeni është sot për hetuesit amerikanë një dëshmitar i rëndësishëm për hetimet. Trebicka: - Përfshirja ime në këtë biznes nuk ishte aksidentale, por ishte një rastësi e pafat. Gazetari: - Kështu morët informacion për Hajnrih Tomet? Trebicka: - Unë mora informacion nga pak për të gjitha punët. Gazetari: - Edhe për Tomet? Trebicka: - Po, edhe për Tomet. Gazetari: Përpara se të transportohej, municioni paketohej nga e para. Më vonë u bë e ditur, se në këtë mënyrë fshihej vjetërsia dhe prejardhja e municionit. Vjetërsia e mallit arrin deri ne 60 vjet dhe pjesërisht e papërdorshme. Nje pjese e saj e kishte prejardhjen nga Kina dhe tregtia e këtij municioni është e ndaluar në Shtetet e Bashkuara. Kosta Trebicka nuk është tregtar armësh, por sipërmarrës që merret me paketimin. Në muajin Maj të 2007, njerëzit e tij duhet ta paketonin municionin e vjetër shqiptar që do të transportohej për në Afganistan. Që me nënshkrimin e kontratës ai gjeti parregullsi. Tek dokumentet para ishte shënuar pranë firmës shqiptare dhe asaj amerikane edhe një firme nga Qipro. Trebicka pyeti Pinarin, liferantin shqiptar. Trebicka: - Ai më tha që kjo firmë është firmë ndërmjetëse dhe që vjen në emër të klientit. Kjo firmë përfaqësohet nga dikush me emrin Hajnrih Tomet. Unë iu përgjigja, që nuk e njoh këtë firmë nga Qipro dhe që nuk kam marrë kurrë porosi prej saj. Për këtë arsye unë nuk do të nënshkruaj kontratë me këtë firmë. Gazetari: Rruga e dyshimtë nëpërmjet Qipros është bërë sot pjesë e hetimeve. Firma fantazëm blinte municionin dhe e shiste përsëri me dyfishin e çmimit. Një mënyrë e mrekullueshme për shtimin e parave. Edhe në Shtetet e Bashkuara flitet se mbas kësaj firme qëndron shtetasi zviceran Tomet. Një pjesë të informacionit amerikanët e kanë mbledhur falë Kosta Trebickës. Trebicka filloi të mblidhte fakte kur atë e nxorën jashtë loje në Maj të 2007. Gjatë një bisede telefonike të inxhizuar ai pyeste Diverolin, nëse furnizuesi shqiptar, Ylli Pinari, kishte lidhje me shtetasin zviceran Tomet. Biseda telefonike: Më duket se ai punon akoma me Hajnrih, unë vetë punoj ende me Hajnrih. Unë duhet të punojë me Hajnrih. Nuk jam njësoj si Hajnrih, unë nuk mund të merrem me gjëra të paligjshme me mafien në Shqipëri. Gazetari i emisionit e ballafaqon Hajnrih Tomet me akuzat. Tomet nuk pranon të japë intervistë. Në një e-mail ai shkruan: “Unë nuk kam marrë pjesë në tregtinë e përmendur. Informacioni për pjesëmarrjen time në këtë biznes bazohet vetëm nga thëniet dyshimta te Efraim Diverolit.” Gazetari: Çfarë roli luan Hajnrih Tomet? Trebicka: Unë nuk e di se sa i madh është ndikimi i tij. Thuhet që ndikimi i tij është shumë i madh në vendet e Evropës Lindore. Hajnrih Tomet ka veçanërisht ndikim në tregjet ku tregtohen municionet me standarde të vjetra, me standarde lindore. Dhe këto tregje janë gjigante. Gazetari: Në Shqipëri, municionet nga koha e luftës së Ftohtë po shkatërrohen dhe për këtë arsye lind pyetja se përse Shtetet e Bashkuara duhet të paguajnë për këto municione. Se sa i rrezikshëm është demontimi i municioneve, u pa Marsin e kaluar pranë kryeqytetit. Dy duzinë të vdekur, qindra të plagosur dhe shtëpi të shkatërruara rreth e përqark. Shpërthimi zbuloi shkelje gjatë demontimit të municionit të vjetër. Një firme private kishte vepruar me porosi të qeverisë duke punuar me mallin e rrezikshëm në mënyrën më primitive. Shefi i qeverisë, Sali Berisha, nxitoi për tek të dëmtuarit, ndersa Ministri i tij i Mbrojtjes dha dorëheqjen. Në vorbullën e hetimeve filloi të vihej në lëvizje edhe hetimi për biznesin e dyshimtë me tregtinë e municioneve në Afganistan. Afera ka prekur ndërkohë qarqet më të larta qeveritare. Në Kuvend, parlamenti shqiptar, opozita ngre pyetje rreth çështjes së korrupsionit. Petro Koçi nga Partia Socialiste do të dijë se cilët kanë qenë personat të cilët kanë përfituar nga paratë që kanë kaluar nëpërmjet Qipros. Petro Koci: Ne kishim informacione nga Mediat dhe nga dëshmitarë që kishin dhënë intervista për Mediat. Sipas tyre edhe djali i Kryeministrit Berisha është i përfshirë në tregtinë e armëve. Ne duhet të ushtrojmë më tepër kontroll në të gjitha vendet, në USA, Zvicër dhe Shqipëri. Sepse në këtë aferë bëhet fjalë për të njëjtën gjë. Gazetari: Më tepër kontroll në të gjitha vendet kërkon edhe OSBE-ja në Vjenë. 56 vendet anëtare të Organizatës për Siguri dhe Bashkëpunim në Evropë miratuan në 2004 deklaratën e qëndrimit te përbashkët. Vendet anëtare duhet ti kontrollojnë kontrabandistët e armëve edhe kur këto veprojnë jashtë vendit. Zëdhënësi i OSBE Gjithmonë kur një vend përforcon ligjet kombëtare për territorin e tij, tregtarët e armëve mund të shkojnë në një shtet tjetër, ose nëpërmjet një shteti tjetër. Kjo do të thotë që tregtarët kërcejnë nga një boshllëk ligjor tek boshllëku tjetër ligjor. Ne duhet ti mbyllim këto boshllëqe. Gazetari: 13 Vende të OSBE e kanë përshtatur ndërkohe ligjin. Zvicra nuk bën pjesë tek këto vende. Ajo ka ngelur tek parimi i territorit. Këtu nuk ekziston kontrolli i tregtarëve të armëve edhe në shtetet e tjera, ashtu siç e kërkon OSBE-ja. Për këtë arsye zyrtarët zviceranë nuk kujdesen për çështjen Tomet. Zvicerania: Nuk e kuptoj mirë se personat flasin me dialekt të fortë zviceran. Gazetari: Tomet ka në Bërn vendndodhjen e firmës së tij. Kjo gjë është në përputhje me ligjin. Zyrtarët zviceran nuk bëjnë komente për ndërmjetësimet e dyshimta të tij jashtë vendit. Të tjerë duhet të sqarojnë nëse Hajnrih Tomet ka qenë me të vërtetë ndërmjetësi. Sidoqoftë ai ngelet, ashtu siç shkruante dhe gazeta “Enë Yourk Times”, misterioz.