Re: Shumë të lënduar nga eksplodimet në Shqipëri

nga **petritkola** prej Wed Mar 19, 2008 4:12 pm

Leter e Gary Kokalarit mbi kontrabanden e armeve - 10/10/2007

Albanian translation of my 10/10/07 letter, forwarded to Sollaku on 10/22/07

Te Nderuarit Theodori Sollaku
Prokuror i Pergjithshem
Republika e Shqiperise
Tirana, Shqiperi

Shkelqesia juaj:

Une kam komunikuar me Z. Kosta Trebicka, President i Xhoi, SHPK, per disa akuza qe lidhen me nje kontrate te qeverise Amerikane per te blere municione qe dergohen ne Afganistan dhe per pjesen e kesaj kontrate qe po plotesohet me municione nga tepricat e municioneve ushtarake te Shqiperise. Z. Trebicka me ka informuar se ai ka qene nje nenkontraktues ne kete transaksion; si rrjedhim, kjo i ka dhene atij mundesine qe te kontaktoje me pale te ndryshme te perfshira, perfshi Presidentin e AEY, kontraktori Amerikan. Megjithese nuk jam ne pozicion qe te verifikoj te gjitha akuzat e zotit Trebicka, informacioni qe ai me ka dhene duket mjaftueshem i rendesishem per ta sjelle kete ceshtje ne vemendjen tuaj per hetim te metejshem. Informacioni dhe akuzat ne lidhje me kete ceshtje jane si me poshte.

AEY Inc., eshte nje kompani e bazuar ne Miami qe merret me biznesin e metalit dhe reciklimit te tij po gjithashtu ka nje license per te bere transaksione ne lidhje me arme qitje dhe municione. Presidenti i AEY eshte Efraim Diveroli, i cili besoj se eshte qytetar amerikan. Kohet e fundit AEY ftoi nje kontrate $300 milion me qeverine Amerikane per te furnizuar me arme ushtrine Afgane ($298M to AEY for Ammo in Afghanistan ). Bashkangjitur eshte nje kopje e nje pjese te urdherit te blerjes qe kam marre nga zoti Trebicka.

Sa per informacion plotesues, ne saje te perfshirjes Ruse ne Afganistan, ushtria Afgane eshte akoma shume e varur nga armet e prodhuara apo projektuara ne Rusi. Pershembull, ushtria Afgane perdor AK-47 qe sigurisht kerkon municion Rus. Nje pjese e kontrates se AEY eshte duke u permbushur nga municionet e teperta te magazinuara ne Shqiperi. Me c’di une, keto municione jane prodhuar ne Kine sipas specifikimeve Ruse , jane te ambalazhuara me etiketa kineze dhe ju dhane Shqiperise gjate periudhes kur Kina kishte marredhenie te ngushta me Shqiperine komuniste. Per kete arsye, Ephraim Diveroli, Presidenti i AEY, kontaktoi Meico ( http://www.mod.gov.al/eng/industria/meico.asp ), departamentin e Ministrise se Mbrojtjes qe eshte i pergjegjshem per exportimin e armeve, qe te siguroje nje pjese apo te gjithe sasine e armeve per pjesen e nenkontrates me Shqiperine.

Sipas z. Trebicka, pasi kontaktoi me Ylli Pinarin, drejtorin e Meicos, Diveroli u informua qe municionet duhet te blihen nga agjenti i Meicos, Edvin, nje kompany qipriote qe me c’di une eshte ne pronesi te nje biznesmeni zviceran te cilin z. Trebicka e ka identifikuar si z. Henri Tomei (qe ka mundesi te jete i njohur nga Interpoli-sidoqofte, kete informacion nuk e kam te verifikuar). Me c’kuptoj une, roli i vetem i kompanise Edvin ne kete transaksion ishte qe te faturonte AEY dhe pastaj te paguante Meicon per municionet. Sipas zotit Trebicka, Edvin nuk u morr me transportin apo me ndonje aspekt tjeter te transaksionit - gjithsesi, faturat e Edvinit ishin 100% me shtrenjte se cmimet e Meicos. Pinari eshte ne vartesi te Fatmir Meidiut, ministrit te mbrojtjes, dhe mbase raporti midis Edvinit dhe Meicos eshte brenda rregullave dhe i eshte bere transparent qeverise Shqiptare. Ne se jo, atehere eshte e mundur qe ky ndermjetes po perdoret si vegel ne menyre qe diferenca e cmimit te perdoret per te kompensuar qeveritare te cilet, bazuar ne diskutimet midis Diverolit dhe Trebickes, mund te perfshijne Mejdiun dhe kryeministrin Sali Berisha. Duhet permendur qe Trebicka beson qe e gjithe kontrata $300 milionesh mund te permbushet ne Shqiperi, qe do te thote se po te perdorim te njejtat perqindje si me lart, ky transaksion mund te rezultoje ne me shume se $100 milione ne perfitim te paster qe mund te ndahet midis Edvinit dhe paleve te tjera.

Nje artikull nga The Telegraph ( US sets up £215m deal for Afghan arms - from Russia - Telegraph ) shkruante qe Shtetet e Bashkuara po ndihmojne ushtrine Afgane te magazinoje sa me shume arme Ruse ne rast se administrata e re Amerikaneve a pas zgjedhjeve vendos qe Shtetet e Bashkuara duhet te terhiqen nga Afganistani. Me kane thene qe transaksioni me Rusine nuk u be asnjehere sepse Amerika nuk donte te shihesh sikur po blinte arme nga Ruset. Sidoqofte, bazuar ne sasine pothuaj identike te kontrates se AEY, duket sikur kjo kontrate sherbeu si zevendesuesja e asaj qe mund te behej ne Rusi.

Duke qene se ambalazhimi ishte ne gjuhen kineze dhe shume i rende (gje qe do te shtonte shume koston e transportit ne Afganistan), AEY kontraktoi me nje kompany qe te bente riambalazhimin. Per kete arsye AEY beri nje kontrate me Xhoi, SHPK ( kontrata eshte e bashkangjitur), nje kompani shqiptare qe merret me ambalazhime dhe qe eshte prone e Kosta Trebickes. Pasi Xhoi filloi pune me kete projekt, Trebicka mesoi nga faturat qe ai merrte te Banka Amerikane e Shqiperise, municioni po blihej nga Edvini per $22 per 1000 fisheke dhe pastaj i shtesh AEY per $40 per 1000 fisheke. Pasi morri vesh kete, Diveroli u shqetesua shume sepse Edvini, nje kompani qe qeveria shqiptare i kishte kerkuar qe te bashkepunonte si ndermjetes, po i shtonte kostot e transaksionit.

Trebicka thote qe Diveroli protestoi te Pinari per ndermjetesimin e detyruar te Edvinit ne transaksion dhe per cmimin e fryre si dhe kerkoi nje takim me Ministrin Meidiu. Sipas Trebickes, kerkesa e Diverolit u hodh poshte. Me vone Diverolin e cuan ne nje takim me Pinarin, Mihal Delijorgjin dhe nje burre tjeter te paidentifikuar, dhe ne kete takim ju sugjerua qe nese Diveroli nuk do te bashkepunonte me Edvinin, kontrata e tij ishte ne rrezik. Me c’kuptoj une Delijorgji pershkruhet nga disa si nje biznesmen me lidhje me Meico, po disa te tjere kane thene qe ai ka nje histori kriminale, gje qe ju mund ta verifikoni kollaj. Me vone, mbase ne nje perpjekje per ta frikesuar, Trebicka me tha qe Pinari i tha Trebickes qe ai duhet ta mbante gojen e mbyllur sepse njeriu i trete i paidentifikuar ishte Shkelzen Berisha, djali i kryeministrit Sali Berisha.

Sipas Trebickes, kjo ngjarje beri qe Diveroli te kontaktoje ambasaden Amerikane ne Tirane, dhe si rezultat, u organizuar nje takim ne Sheraton Tirana qe perfshinte Diverolin, Trebicken, Robert Newsome, nje diplomat ne Ambasade, Mr. Meyer, i cili me duket se eshte attasheu ushtarak, dhe nje grua shqiptare qe eshte punonjese e ambasades. Kur Diveroli i tha atyre ngjarjen, Newsome i tha Diverolit qe ai nuk ka pse te shqetesohet sepse ambasada ka marredhenie te shkelqyera me qeverine shqiptare dhe premtoi qe do ta diskutonte kete me ministrin e mbrojtjes. Trebicka me tha qe pas ketij takimi, Diveroli dhe Trebicka folen me Newsome ne telefon, dhe Newsome i tha atyre qe ai nuk donte te krijonte ndonje problem me qeverine shqiptare dhe se ambasada nuk do te nderhynte. Pavaresisht ne se kjo eshte shfaqje indiferentizmi nga ana e ketyre zyrtareve te ambasades, ne se keto akuza jane te verteta, keta zyrtare kane detyrim qe te raportojne kete informacion autoriteteve perkatese amerikane, dhe ne se nuk e kane bere apo ne se jane munduar ta fshehin informacionin mund te kene shkelur ligje te ndryshme te Amerikes.

Une mund t’ju them nga pervoja ime ne marredheniet me Departamentin e Shteti dhe ambasaden amerikane ne Shqiperi (si dhe zyrtare te tjere te shtetit amerikan), se ne saje te bashkepunimit te Shqiperise per ceshtje me te medhaja si lufta kunder terrorizmit apo stabiliteti rajonal, qeveria amerikane ka qene me se e predispozuar te beje syrin qorr persa I perket korrupsionit te qeveritareve shqiptare. Nje shembull perfekt per kete eshte rasti I Fatos Nanos i cili gjithashtu bashkepunoi me Ameriken duke derguar trupa ne Irak dhe ne Afganistan. Pervec informacionit shume specifik qe une i dhashe qeverise amerikane per llogari bankare qe une besoj jane ilegale me Credit Suisse - gje qe mua mu tha nga nje punonjes i Credit Suisse - qeveria amerikane nuk beri gje me kete informacion. Sidoqofte, situata e tanishme ndryshon ne ate qe, pervec mundesise per korrupsion midis zyrtareve shqiptare ky transaksion mund te shihet gjithashtu si nje skeme per te vjedhur nga taksapaguesit amerikane sepse me sa duket pagesa e nje shume te madhe e te panevojshme - e cila kerkohet si rezultat I perfshirjes se Edvinit si ndermjetes nga Meico - po behet nga qeveria Amerikane.

Me poshte eshte nje kopje e nje e-mail nga Kosta Trebicka qe i pergjigjiet pyetjeve te mia dhe mund te paraqese nje permbledhje te ngjarjeve qe lidhen me kete ceshtje. Gjithashtu ka kopje te emailave ne mes Trebickes dhe Diverolit si dhe ka kopje te nje email datuar 9 Maj nga Pinari per AEU ne lidhje me nje marrjen e nje sasie municioni ne aeroportin e Rinasit, ne te cilen eshte cc- dhe Edvin dhe Trebicka, gje qe verteton lidhjen midis tyre dhe kompanise Edvin. Gjithashtu bashkangjitur ka kopje te dokumentave qe kam marre nga Trebicka, pefshi nje kontrate mids AEY dhe Xhoi. nje urdher blerje nga AEY dhe nje transkript te nje telefonate midis Trebickes dhe Diverolit, sipas Trebickes. Gjithashtu bashkangjitur jane bashkebisedimet ne audio te incizuara nga Trebicka. Jam I sigurte qe aty eshte zeri I Trebickes, po nuk mund te garantoj qe zeri tjeter eshte I Diverolit sepse nuk kam folur ndonje here me te. Midis deklaratave te thena nga Diveroli (paramendoj qe ky eshte Diveroli ne baze te asaj qe me thote Trebicka) jane keto: “Pinari eshte ose mafioz ose punon per mafian”; “Pinarit I duhet nje njeri si Henri (Tomei/Edvin) si ndermjetes ne menyre qe te rregulloje punet e tij dhe te shokeve te tij”; “kjo ceshtje po shkonte lart e me lart deri te kryeministri dhe djali I tij”.

Ju duhet ta dini qe une e njoh Fatmir Mediun, kemi pasur marredheni te ndryshme ne vite, dhe ne vjeshte te 2006 une e akuzova publishkisht per perfshirje ne afera korruptive. Kopja e nje letre te hapur qe I dergova Fatmir Mediut ne lidhje me keto akuza mund te shihet ketu: ACLIS - Albanian Canadian League Information Service - A logistic office of Albanian Canadian League -
Fatmir Mediu - Minister of Defense Watches

. Ky informacion eshte shperndare gjitashtu me zyrtare te rendesishem amerikan qe merren me Shqiperine, perfshi Departamentin e Shtetit, FBI, CIA dhe disa anetare te Kongresit. Mediu beri nje “show” publik kur doli ne nje televizion shqiptar dhe ne vija te trasha tha “une nuk jam I korruptuar”. Pavaresisht nga deklaratat e Mediut qe “dhuratat” e permenduar kane vlere te vogel dhe se ai ja dhuroi ato medias, me aq sa di une, ato asnjehere nuk jane vleresuar nga nje profesionist i pavarur.

Me sa di une qe nga ngarkesa e pare qe u plotesua nga AEY me Xhoin si ambalazhues, jane bere dhe disa ngarkesa te tjera. GJithashtu, me c’di une, pas ngarkeses se pare, Xhoin e kane larguar nga transaksioni dhe Meico e ka zevendesuar ate me nje kompani qe kontrollohet nga Z. Delijorgji.

You gjithashtu duhet te dini se Z. Trebicka me vuri ne dijeni te kesaj ceshtje sepse, pervec qe jemi takuar ne te shkuaren, sic mund ta dini, une kam qene perfshire ne shume perpjekje per te ekspozuar korrupsionin e qeveritareve ne kete qeveri apo te shkuren. Une gjithashtu kam ekspozuar parregullsi ne sektorin e telekomit ne Shqiperi.

Per mendimin tim, nder pikat qe duhet te hetohen ne lidhje me kete ceshtje jane:

1. A po paguan qeveria Amerikane shume me teper se sa duhet per municionet e blera ne Shqiperi? Duke pasur parasysh mbeshtjetjen financiare qe qeveria Amerikane ka dhene per Shqiperine, qeveria Shqiptare e ka per detyre te sigurohet qe nuk po abuzon me taksapaguesit amerikan. Sipas nje burimi, momentalisht cmimi per municion ne Europen Lindore dhe ne Rusi per AK47 eshte $22 per 1000 fisheke. Ne se zyra juaj gjen abuzime, me gjetjet duaja duhet te informohen gjithashtu Departamenti I Drejtesise ne Amerike, Inspektori I Pergjithshem I Departamentit te Mbrojtjes ne Amerike, dhe Kryetari I Komisionit te Mbikqyrjes ne Kongres.

2. A e ka vene Meico kompanine Edvin apo ndonje kompani tjeter si ndermjetese? Ne se po, perse? A di ndonje nga Presidenti, Kryeministri, Ministri i Mbrojtjes apo parlamentaret per kete marredhenie dhe a e kane approvuar ata ate? A ka Edvin ndonje lidhje me Fatmir Mediun, Ylli Pinarin, Mihal Delijorgjin, Sali Berishen ose Shkelzen Berishen? Ne menyre qe te percaktohet nese ka ndonje lidhje mes tyre, zyra juaj duhet te kontrolloje transfertat elektronike ose transferta te tejra qe kane ndodhur midis Ministrise se Mbrojtjes, Edvin, AEY dhe mbase disa nga individeve qe thuhet se jane perfshire ne kete ceshtje.

3. A eshte zeri ne incizimet e bear nga Kosta Trebicka I Efraim Devirolit? Ne se po, akuzat e bear ne kete incizim duhet te hetohen plotesisht dhe Diveroli duhet te thirret per pyetje.

4. Dikush nga zyra juaj duhet te takohet me Kosta Trebicken per te diskutuar akuzat.

Me duhet t’ju them se ky informacion qe po ju dergoj I eshte derguar gjithashtu dhe Departamentit te Drejtesise, zyres se Inspektorit te Pergjithshem te Departamentit te Mbrojtjes dhe disa anetareve te Kongresit Amerikan. Gjithashtu duhet te dini se XXXXXXXXX (dhe mbase dhe ndonje kompani mediatike e madhe) eshte duke hetuar shitjen e armeve nga Europa Lindore (perfshi dhe Shqiperine) per ne Lindjen e Mesme. Artikulli I pare ne lidhje me keto hetime u botua ne XXXXXXXXXXX. You gjithashtu duhet te dini se pavaresisht nga qellimet e Departamentit te Shtetit, nese akuzat e ketushme jane te bazuara ne fakte, pa asnje dyshim si publiku shqiptar ashtu dhe ai amerikan desherojne transparence te plote, dhe c’do zyrtar shqiptar apo amerikan qe do merret me hetimin e kesaj ceshtje duhet ta mbaje kete ne mendje.

Ju lutem me kontaktoni nese keni ndonje pyetje apo mund te ofroj ndonje ndihme.

Ju faleminderit,

Mbetem me respekt,

Gary Q. Kokalari

nga Ani prej Wed Mar 19, 2008 4:52 pm

Pasi gjithe qielli ishte me re te zeza per Shqiperine, vjen nje rreze dielli per Kosoven. Sot Bullgaria, Hungaria dhe Kroacia njohin shtetin e ri te Kosoves.

Shpresoj ky lajm sherben pak per uljen e dhimbjes!

nga **Beton** prej Wed Mar 19, 2008 6:20 pm

Sot Bullgaria, Hungaria dhe Kroacia njohin shtetin e ri te Kosoves.

Shpresoj ky lajm sherben pak per uljen e dhimbjes!

Ani:!

Edhe pse nuk ka te beje me temen,ulje dhimbje do te jete dita kure edhe Mali i Zi do e njohe Republiken e Kosoves,do te jete dite Zie per Serbin.

Gjithsesi te falemenderoi per kete lajm.

nga **Beton** prej Wed Mar 19, 2008 6:36 pm

Ju bej thyrje popullates te Gerdecit dhe rrethyne qe mos te protestoin per shkak ç'eshtjes qe ndodhi atje,se partite tjera shfitzoin rastin per rezimin e qeveris,dhe per te ja lene fajin Sali Berishes,si te z'gjidhet parti e re do ta harojen krejt GERDECIN e keqja eshte se do te jesin edhe pa shtepia.

Ngushllime te gjithve atyre qe i humben me te dashurit e vet.

nga **Premtimi** prej Wed Mar 19, 2008 8:24 pm

Rastësi apo ngrehinë e organizuar???

Ndoshta jam thellësisht i gabuar dhe do të dëshiroja të isha ashtu, nëse nuk do të ishin disa rastësi ose jo rastësi, të cilat, të përsëritura herë pas here, fillojnë dhe bëhen pjesë e një shqetësimi të natyrshëm, të cilën, edhe pse dëshiroj të mbetet vetëm i tillë, mendova se do të ishte i natyrshëm edhe po të shtrohej.

- Cilat janë rastësitë, të cilat, janë shfaqur jo si të tilla, në disa nga momentet më vendimtare të kombit tonë...?

Nuk do të doja të shkoja larg në kohë, por 18 vite më parë, pikërisht kur në Kosovë do të bëhej shpallja e Pavarësisë, (megjithëse ishte krejtësisht formale), në Tiranë ndodh vërshimi nëpër ambasadat e huaja, çka bëri që i gjithë interesimi që mund të ishte në Prishtinë, të shkonte direkt në Tiranë. Gjithçka që ndodhi në Kosovë u harrua shpejt dhe nuk besoj se do të ketë pasur ndonjë lloj jehone, sado të paktë në shtypin dhe median perëndimore.

Në vitin 1997, kur Kosova po bëhej gati të fillonte luftën e përgjithshme për të patur shtetin e saj, të lirë dhe sovran dhe kishte filluar të dëgjohej gjithnjë e më shpesh emëri i Ushtrisë Çlirimtare të Kosovës, në viset jugore të Shqipërisë e më pas në tërë vendin, shpërthyen ngjarjet e njohura, të cilat me egërsinë, absurditetin, dhunën, dëshirën për pushtet deri në shkatrrim, mashtrimin dhe gjithë atë mori sensibiliteti që u ngrit, e bënë të pamundur që të mund të merreshe me ngritjen e një fenomeni të ri ndërshqiptar.

Tani, në këtë fillim marsi, thuajse në të njëjtën kohë, në tri pjesët , ku ndodhen në shumësinë e tyre shqiptarët, në Kosovë, në Tiranë dhe në Tetovë, ndodhin ngjarje të tilla, të cilat të bëjnë të mendosh se të gjitha, ose thuajse të gjitha, janë të renditura me njera tjetrën, i kanë paraprirë ose e kanë ndjekur njëra tjetrën, sipas një projekti të menduar mirë dhe të zbatuar edhe më mirë.

Në Shkup, pas luhatjeve, marrive dhe përfitimeve të munguara, lojës me politikën në dëm të bashkëkombasve të tyre, të mundur, aty ku mendonin se do të ishin më të fuqishëm, nën petkun e atdhetarisë, kur nuk kishte asgjë të tillë, Menduh Thaçi dhe partia e tij, dalin nga koalicioni qeverisës. Nuk mendoj se ka patur shqiptar të arsyeshëm që ka ndjerë dhimbje nga kjo dalje, jo sepse ka ndjerë respekt për Menduh Thaçin apo lëvizjet e tij politike, por, mbi të gjitha, se në këtë periudhë bashkëqeverisëse, të drejtat e shqiptarëve në atë truall u nëpërkëmbën si kurrënjëherë në vitet e fundit, revanshi i kryeministrit maqedonas ndaj fituesve të betejave u bë më i egër se kurrë, llogaritë e tij të prapshta u bënë edhe më mizore. Ndaj nuk pati dhimbje dhe besoj se do të ketë pasur një ndjenjë lehtësimi.
Por sidoqoftë, edhe pse është e dhimbshme ta pranojmë, e gjithë kjo lojë politike e "të padinve dhe të paimamëve" në Tetovë e spostuan, qoftë edhe për pak kohë, vemendjen e ndërkombëtarëve nga ajo që po ndodhte në Kosovë, bëri që për disa ditë, ngutshëm, vemendja dhe trazimi i tyre të jenë ngjarjet e Shkupit. Vetë momenti kur ndodhi një gjë e tillë, para ftesës së pritshme për në NATO apo çështja e emërit të këtij shteti xhuxh, bënin më të ngutshëm trazimin europerëndimor.

Kur mendohej se do të ishte jë ndalesë e shkurtër, thuajse në të njëjtën kohë, në Mitrovicë dhe në rrethinat e Tiranës, ndodhën dy ngjarje, të cilat,megjithëse të ndryshme, kishin tragjizmin e tyre.

Në Mitrovicë, ultranacionalistët serbë, të drejtuar direkt nga shërbimi i fshehtë serb, nga strukturat e tij, të ngritura prej kohe anëembanë Kosovës, krijuan rrethin e dhunës politike, fizike, bënë aktet terroriste çka e kishin dhe e kanë në natyrën e tyre, sulmuan objektet, policët, ushtarakët, qëlluan, i plagosën dhe i vranë. Është ndër rastet e rradha kur sulmohet kështu, kaq dhunshëm, drejtpërdrejtë, me qëllime mortore ushtria e paktit më të madh dhe më të fuqishëm të botës. Sulmohet nga huliganë politikë, vritet nga banditë politikë dhe dhunohet nga çetnikë të gjithëfarllojshëm.

Ky akt i paparë, i cili nuk kishte deri më tash shoq në llojin e vet në këtë fillim shekulli, do të kishte pasur jehonën e tij, tepër të ndjeshme, shumë domethënëse, në të gjitha strukturat ku ishte goditur. Banditizmi dhe terrorizmi i rrugës është bashkuar me terrorizmin shtetëror serb, i cili, edhe kur paraqitet si i moderuar, edhe kur paraqitet ashtu si është, në të vërtetë, është vetëm terror politik e njerëzor.

Në kohën kur gjithçka do të vihej edhe një herë në peshoren e së drejtës ndërkombëtare, në Tiranë ndodh ngjarja më tragjike e viteve të fundit. E gjithë Shqipëria, por edhe jashtë saj, tronditet. Të vrarë të shumtë, të plagosur pa numër, fshatra të zhdukura, jetë njerëzish të humbur. Në të gjitha TV e botës jepet lajmi për këtë shpërthim të pashoq, i cili, nuk ndodh dhjetra ose qindra kilometra larg njerëzve, por në mes të tyre. Nuk ndodh në strukturat e posaçme të ngritura prej vitesh, por buzë aeroportit, rrugës kombëtare, fabrikave, fshatrave. Nuk ndodh në një uzinë të përgatitur, por në disa baraka të shëmtuara, ku është vënë në lojë jeta e njerëzve. Pamjet që vazhdojnë të afrohen dëshmojnë për rikthimin e skllavërisë, për lojëjetën me vdekjen, për një shtet që nuk është i zoti të çojë as poturet e veta, për një kryeministër, i cili ndërsa thërret gjithë ditën për korrupsionin, e ka atë në familjen e tij, në qeverinë e tij, në veten e tij. Dhe e mbron me gjithë budallallëkun më të madh. Me forcën e atij që e di se kjo është loja e tij, ndoshta e fundme.

Mitrovica ndërkohë është harruar ose është larguar. Për Mitrovicën ka vetëm deklarata të dorës së dytë ose të tretë, bile edhe ato do të ishin harruar, nëse, mjerisht, nuk do të kishte humbur një ushtar i huaj. Por Vora dhe vendi i tragjedisë ia kaloi Mitrovicës, e lë në heshtje urën e saj, lë në heshtje dhunën serbe, pushtimin serb të pjesës veriore, lë në heshtje bandat çetnike, pasi shpërthimi në afërsi të Tiranës, si një bombë atomike, është dëgjuar më fort.

- Të jetë kjo një rastësi?

Dikush edhe e beson, dikush edhe jo. Unë hyj tek njerëzit që dyshoj dhe kam të drejtë të dyshoj.

Pse kam të drejtë të dyshoj ?

Jo vetëm që nuk më bindin të gjitha këto "rastësi", por edhe nga fakti se unë vij nga një qytet verior, Shkodra dhe kam parë mjaft.

Çfarë kam parë : Kam parë që e gjithë demonstrata e parë antikomuniste, zhvilluar në Shkodër, me 13 dhjetor 1990, është filmuar vetëm nga një ekip TV i Malit të Zi, dhe nga askush prej TVSH. Të jetë rastësi? TV i Malit të Zi vinte në Shkodër, kohët e fundit, një herë në vit, sepse nuk e lejonte askush, si erdhi pikërisht asaj dite?

Kam parë që demonstratën e 2 prillit 1991, përsëri në Shkodër e filmoi vetëm TV i Malit të Zi dhe i Beogradit dhe askush tjetër. Të jetë rastësi? Vështirë. Kam parë se si ish agjentë të UDB-së në Shqipëri, të dënuar si të tillë, dhe të faktuar si të tillë, u bënë deputetë të Partisë Demokratike, kam parë se si në 17 vitet e fundit, në Shqipëri nuk është askush i dënuar për veprimtari armiqsore, në shërbim të shtetit serb.

Unë dua të besoj në rastësi, por qeveritë serbe kanë financuar dhjetra milionë dollarë për të destabilizuar Shqipërinë. Dhe ia kanë arritur, mjerisht, herë pas here. Vështirë se padronët e Beogradit mund të vepronin kështu nëse nuk do të kishin çirakët e tyre në Tiranë.

Kush janë çirakët e tyre...

Një herë tjetër do të bëjmë më tej lidhjen e fakteve.

Tani është e rëndësishme të mos mendohet krejt me naivitet se gjithçka është rastësi. Kur ke përballë, nganjëherë edhe pas, ustallarët udbashë, gjithçka është e mundur.

Bedri Islami.

nga **petritkola** prej Wed Mar 19, 2008 10:00 pm

Porosite e serbit dhe te grekut per te gjunjezuar dhe poshteruar shqiptaret jane realizuar me fanatizem nga veglat e tyre shqiptare.

nga **Ago Muji** prej Fri Mar 21, 2008 2:59 pm

puna shkon thell ketu.Sherbimi Informativ Shqiptar zyrtarisht ka filluar hetimet ne baze te dyshimit qe katastrofa eshte bere me qellim nga sherbime te huaja.Nga dy pista mund te nisemi:1.Dy firma shqiptare jane bashkkontraktuese me firmen amerikane,keto jane(MEICO dhe ALB DEMIL).Eshte zbuluar se pronari i njeres firme eshte mik i ngushte i ambasadorit serb ne tirane,ndersa firma tjeter po del qe eshte firme e nje greku,por sipas dokumentacionit ne pronsi te shqiptarit.
2.Puntoret deshmojne se cdo te shtune dhe diele shkonin dy ekspert nga firma amerikane (South Ammounition) per te bere ekspertizen se sa barut eshte perfituar dhe sa ton municion eshte cmontuar.
Shikojm dhe fakte tjera,cdonin ne ate zone shume te populluar 10 000 ton municion kur ne dite cmontoheshin vetem 10 ton.Si u be qe mbet i vdekur baxhanaku i kryeministrit Sali Berisha.Si u be qe po ate dite ne Prishtine ndodhen 4 eksplodime,qe dyshohet te jene bere nga organizata terroriste NOVA BOSNA,dhe mbeti i vrare si pasoj e djegjes nje person.Pse mediat pasqyruan vetem njerin shperthim ne prishtin,vetem ate qe ndodhi tek velusha,ndersa 3 tjerat u lane ne hije.

nga **Premtimi** prej Fri Mar 21, 2008 9:03 pm

Letër e hapur Kryeministrit, për një material kompromentues

Kryeministër!

- Nuk po të drejtohem me Zotëri, sepse i tillë nuk je. Nuk përfaqëson as zotërinjtë e vërtetë dhe as qytetarët e këtij vendi. Ti e di shumë mirë kë përfaqëson, ndaj nuk po të pyes për këtë.
- Nuk do të të pyes as nëse ndjen ndonjë përgjegjësi për banorët e Gërdecit, Vorës, Tiranës etj., sepse në këto tre-katër ditë dërdëllitjesh në media, kuptoj se ti përgjegjësi prapë nuk ndjen.
Nuk po të pyes nëse pas kësaj që ndodhi në Gërdec, të del ndonjëherë para syve trupi i copëtuar i 3-vjeçarit Flavio; as nëse mund të përfytyrosh si e ka ngritur befas në ajër vala goditëse atë fëmijë, ndërsa luante në oborr të shtëpisë, se si është bërë njësh me tokën pas ca sekondash ajo fytyrë vocërraku e gjakosur; as nëse mund të përfytyrosh sytë e një 3-vjeçari të copëtuar që jep shpirt pa askënd përreth, nën predha e nën tym të zi, si në bombardim. Do të mjaftonte vetëm kaq, që të mos dukeshe më në TV e gazeta. Por ti del dhe artikulon shfajësime; pas ‘97-ës ty ndoshta nuk të bëjnë më përshtypje as kufomat.
As për premtimet e pambajtura me të cilat more votat, nuk po të pyes, as për performacën tënde prej karagjozi në këtë vend ku dua të rris djemtë e mi, që ti nuk e lëshon thonjsh, anipse pikërisht ky vend që ka politikanë si ty, është më i varfri, më i izoluari, më i parsimuari, më i pashëndetshmi në Europë; as pse në marrëdhënien normale mes meje si qytetar e drejtues gazete dhe teje si Kryeministër, ti nuk arrin kurrë të më bësh një fije krenar, sepse sillesh si burrec dhe jo si burrë shteti…

Nuk po të pyes as pse një burrë në moshën tënde bën gënjeshtarin patetik, sepse e di përgjigjen për të gjitha këto: është dëshira jote e panginjur për pushtet, që të shtyn të jesh i tillë. Dhe kur them dëshirë për pushtet, nuk gjykoj të drejtën tënde për të bërë profesionin e politikanit, por kam parasysh që tipa si ty, nuk janë politikanë, por ca gërmuqë të marrë fund, që nuk e duan pushtetin për ta menaxhuar por thjesht për ta shijuar.

Nuk të pyes, pra, për këto, sepse është e kotë. Pyetja ime ka të bëjë me një material që ndodhet në redaksinë e “Shekullit” prej dhjetorit të vitit të kaluar.
Në këtë material ekzistojnë disa biseda telefonike të regjistruara mes një biznesmeni shqiptar dhe një biznesmeni amerikan. Regjistrimet ndodhen gjithashtu edhe në zyrën e Kryeprokurores së Republikës dhe në disa zyra të tjera hetuese jashtë vendit. Bisedat hedhin dritë mbi një aferë korruptive trafiku armësh që kap shifra përfituese hipotetike për protagonistët, deri 100 milionë dollarë amerikanë. E dimë mirë të gjithë që ka shumë gangsterë rrotull, që nuk do ta kishin për gjë të vrisnin njerëz për kaq shumë para.

Personat që përmenden në këto biseda, janë pikërisht dy të arrestuarit e ditëve të fundit për ngjarjen e Gërdecit Por jo vetëm këta. Në këto biseda përmenden edhe tre-katër emra të tjerë, mes të cilëve, ministri i Mbrojtjes i Shqipërisë, Kryeministri i Shqipërisë dhe djali i Kryeministrit të Shqipërisë. Kur mendoj që këto regjistrime ndodhen në të njëjtat duar hetuesish të huaj, që hetojnë trafiqe të tilla edhe në Afrikë (merreni me mend perceptimin) dhe ku renditja e personazheve (Ministri, djali i Kryeministrit etj.) është po aq nepotike dhe skandaloze sa të kujton sërish Afrikën, më beso, ndjej Turp. Nuk dua të qeverisem nga “afrikanë” të korruptuar nëse duhet të jem më i qartë… Ndaj, me gjithë forcën e shpirtit, do të doja që emrat e këtyre institucioneve të nderuara të vendit tim dhe familjarëve të atyre që janë përkohësisht në këto zyra institucionesh, të jenë përdorur thjesht si koperturë gangsterësh…

Por “koincidencat” janë të shumta; sjellja jote e ditëve të fundit, kur përpiqesh jo të nxjerrësh përgjegjësitë dhe të kërkosh së paku ndjesë, por të mbrosh vrasësit e Gërdecit, më bëjnë të dyshoj fort.

Lojërat me kontrata dhe VKM-të, kompanitë fantazma “amerikane” të “kontraktuara”, etj., etj., ku firma dhe roli yt si Kryeministër janë primare, prapë më bëjnë të dyshoj fort.

Nëse Gërdeci nuk do të kishte ndodhur, nuk do ta shkruaja këtë që po shkruaj. Nuk jam as nga ata që shkruaj shpesh, ndaj vëru veshin mirë këtyre që të them! As “Shekulli” nuk do të botonte pa thënë fjalën e fundit Prokuroria, ato regjistrime kompromentuese, të cilat gjenden në zyrën time prej tre muajsh.

Por tashmë jemi të gjithë borxhlinj tek fëmijët e vdekur të Gërdecit! Duhet bërë çdo gjë, për të dhënë Drejtësi për ta. Boll më! Të vdekurit, të mbijetuarit dhe të gjallët e tjerë në këtë vend kanë nevojë urgjente për Drejtësi. E meqë jemi këtu, mos përmendni dëmshpërblimin për ta, akoma pa mbledhur kufomat nëpër rrugë dhe tunele. Është e neveritshme, Kryeministër, që e vetmja mënyrë që të ka mbetur për të vazhduar t’i shohësh ata në sy, është Paraja. E kupton sa poshtë kemi rënë të gjithë?

Kryeministër! Për hir të këtij detyrimi për Drejtësi, “Shekulli” dhe Shekulli Online duke nisur nga nesër do të fillojnë t’i botojnë ato regjistrime dhe materialet sqaruese mbi to. Për hir të këtij detyrimi për Drejtësi, Prokuroria le të nxjerrë shpejt një përfundim mbi to.

Për hir të këtij detyrimi për Drejtësi, ti duhet t’i përgjigjesh publikisht pyetjes: Emri yt dhe i djalit janë përdorur si koperturë gangsterësh apo jo?
Këtë detyrim e ke jo thjesht sepse po ta kërkon gazeta më e rëndësishme e këtij vendi. As pse ky skandal do botohet këto ditë edhe në shtypin amerikan. Këtë detyrim e ke ndaj atyre që e mbyllën jetën pa faj në 15 mars, në Gërdec; e ke ndaj atyre që do mbeten përjetë të gjymtuar nga shpërthimi; e ke ndaj qytetarëve të kryeqytetit që paaftësia e qeverisë tënde për të garantuar sigurinë fizike, për pak u shembi të gjithëve shtëpitë mbi kokë.

Kohën për t’u përgjigjur zgjidhe vetë, para ose pas botimit. Këtu në këtë gazetë, në media të tjera apo në Prokurori. E ke detyrim. Ngule mirë në mendje, që ato poste për të cilët silleni qençe, kanë jo vetëm të drejta dhe privilegje por edhe detyrime të tilla. E ke detyrim, Kryeministër! Jo vetëm ndaj të vdekurve e të mbijetuarve që përmenda më lart. Por edhe për të gjithë ata që edhe pse ndodhi ‘97-a, të ribesuan pushtetin, jetën dhe mirëqenien e tyre, të dhanë votën.
Sa për mua si qytetar, përgjigja nuk më duhet. “Garancitë” e tua Kryeministër janë kaq skarse sa të sjellin zorrët te goja. Ti e ke provuar që fjalët e tua i merr flladi, e jo më era. Atë që thua sot me zjarr e pathos, e mohon pas një muaji me po aq përvëlim. Ndaj, jam i prirur mos të të besoj më asnjë fjalë

Adrian Thano

nga **petritkola** prej Sat Mar 22, 2008 6:07 pm

Morgu i Tiranës i mbushur me “copa” njerëzish, Berisha fsheh numrin e viktimave

Saturday, 22 March 2008

Edhe dje, në Gërdec ka patur shumë tension. Ata që kanë mbetur gjallë, nuk kanë rreshtur së këmbënguluri, për të gjetur trupat e vrarë, të djegur e të copëtuar pas shpërthimit në fabrikën vrasëse. Mirëpo kjo zonë, tashmë e “mbjellë” me predha dhe me trupa njerëzish është një zonë e militarizuar edhe nga forcat e policisë së shtetit, të ushtrisë, të SHISH, të SHIU dhe të “kalecëve” të shumtë, që ka instaluar aty, pushteti i Berishës, për të mos lejuar, që banorët dhe mediat, të zbulojnë të vërtetën e kësaj tragjedie makabre, të shkaktuar pikërisht, nga klanet mafioze të dirigjuara nga njerëzit e qeverisë dhe të pushtetit.Ne ishim dje në Gërdec. Por edhe pse tentuam të futemi brenda zonës së “krimit”, policia nuk na lejoji, duke e motivuar këtë bllokim, me faktin që “gjoja po bënë sistemim-pastrimin e zonës nga predhat”. Në fakt, ndalesa për mediat, të cilat nuk janë pjesë e qeverisë dhe klaneve mafioze që shkaktuan këtë tragjedi, nuk lejohen, mbasi nuk duhet të jenë prezent në nxjerrjen e kufomave të bërë copa-copa prej shpërthimit. Mediat e cilësuara nga Berisha, si “armike të pushtetit”, nuk duhet të futen në këtë zonë, mbasi nuk duhet të konstatojnë asnjë fakt dhe dokument, apo dëshmi për zonën e krimit të shkaktuar edhe prej ortakllëkut dhe heshtjes së krerëve të pushtetit, ku dy kokat kryesore janë kryeministri Berisha dhe ministri i Mbrojtjes Fatmir Mediu.
Gërdeci, “kriza” e madhe e Berishës
Tashmë kuptohet qartë, që Gërdeci është një siklet i madh dhe i pakalueshëm lehtë për kreun e qeverisë shqiptare, njeriun e mirënjohur për tragjedi të tilla. Nëse ministri i mbrojtjes, Mediu dha dorëheqjen, Berisha nuk po largohet, duke u prezantuar si mbrojtës i hapur i krimit të ndodhur në këtë zonë, pikërisht prej aferave korruptive, që klanet, ministrat dhe i biri i tij “biznesmen”, shkaktuan kundër një zone, banorët e të cilës, punonin për të ushqyer fëmijët, madje duke aktivizuar në asgjësimin e predhave dhe fëmijët e tyre të mitur.
Qeveria dhe personalisht bashkëpunëtori i dukshëm në këtë krim, zoti Berisha, tashmë i konfirmuar si mbështetës i rrjetit të trafikut të armëve dhe vazhdues i këtij trafiku të nisur dhe “implementuar” prej ish-ministrit të mbërritjes Pandeli Majko, për të kaluar këtë krizë të madhe, deklaron, se do të shpërblejë familjet me nga 2 milione lekë pr shtëpitë e dëmtuara! Dakort zoti kryeministër vrasës! Po jetët e njerëze të pafajshëm, me se do t’i shpërbleni. Po trupat e copëtuar të fëmijëve të mitur, që punonin në predha, si do t’ua riktheni familjeve? Këto pyetje kanë përgjigje dhe këto përgjigje lidhen me realitetin, që krimi nisi dhe përfundoi me korrupsionin, me trafikun e armëve dhe me nepsin e babëzinë tuaj të përbashkët, si klan mafioz për të përfituar miliona dollarë nga shitja e armëve dhe nga tregu i zi dhe i pisët e skrapit të municioneve.
Morgu i Tiranës, “magazinë” trupash, kockash dhe gjymtyrësh të viktimave të Gërdecit
Edhe pse Berisha dhe pushteti i tij, tashëm i tejlodhur dhe i tejndotur nga korruspini dhe aferat e pista deri me shkaktim krimesh njerëzore, mundohet, ta minimizoj tragjedinë njerëzore të Gërdecit, kjo nuk është e mundur të ndodh. Dollapët frigoriferikë të morgut të Tiranës, “flasin” për shtim të viktimave. Qeveria e Berishës, kjo klikë vrasëse, ka vendosur që edhe masën e tragjedisë ta maskojë. Vetë Berisha, ka dhënë urdhër të mos jepet asnjë informacion mbi numrin e viktimave që nxirren përditë prej rënojave të zjarrta të fabrikës vrasëse.
Edhe pse qeveria, deklaron, se janë vetëm 17 viktima, realiteti tregon, se numri i tyre është shumë i madh. Sipas burimeve nga pushteti lokal, në Gërdec dhe zonën përreth, mungojnë afro 200 persona. Dje, sipas një informacioni të ardhur në redaksi, mësuam se në morgun e Tiranës, kishin mbërritur edhe 21 trupa të tjerë të përgjysmuar, të cilët nuk mund të identifikoheshin, por që ishin nxjerr nga krateri “Berisha-Mediu-Delijorgji” dhe ishin paketuar në qese të zeza palstmasi.
Ne shkuam dje në orën 18.00, në morgun e Tiranës, për të verifikuar të vërtetën e lajmit të mbushjes së këtij morgu me trupa njerëzish, me copa gjymtyrësh dhe me kocka të “pjekura”. Ky morg ishte i rrethuar nga forca speciale, nga makina policie, nga një psotobllok i pakalueshëm dhe nga një bllokazh informacioni. Por ne mundëm, të hyjmë brenda tij dhe zhvilluam një bisedë me “menaxhuesit” dhe drejtuesit e këtij morgu, të cilën po e përcjellim të plotë:
Kanë ardhur sot në morg viktima të Gërdecit?
Polici i objektit: Jo nuk ka ardhur asnjë kufomë deri tani, unë në orën 2 kam filluar turnin dhe deri tani, nuk ka ardhur asnjë kufomë.
Nuk ka ardhur asnjë?
Polici: Jo asnjë!
Po, a mund të hyjmë brenda?
Polici: Nuk ka njeri.
Ndërkohë kur ai u fut brenda në morg, u kujtua se ishte drejtori, me të cilin u takuam
Kanë sjellë kufoma sot në morg?
Fjala e drejtorit: Deri tani, nga 4 viktima, vetëm njëri nuk është identifikuar ende?
Sot kanë ardhur disa copa te veçnata njerëzish, por nuk mund t’i saktësojmë, nëse janë këta kufoma apo pjesë të mbetura. Një pjesë këmbe, dore. Kanë ardhur pjesë pjesë. Dhe nuk bëhet dot identifikimi, pasi është shumë e vështirë.
Thonë që kanë vdekur mbi 100 persona?
Nuk e dimë. Por mendohet se ata që kanë sjellë sot, mund të jeënë të fundit?
Qeveria deklaron 3 viktima të tjera
Departamenti i Informacionit pranë Këshillit të Ministrave bëri të ditur sot se "janë identifikuar trupat e tre viktimave të ngjarjes së Gërdecit. Përfundoi analizimi i materialeve për identifikimin e trupave ende të paidentifikuara pas tragjedisë së Gërdecit. Nga analizat e ADN-së të bëra në Qendrën e Diagnostikimit Molekular pranë Qendrës Spitalore Universitare është arritur të identifikohen trupat e tre viktimave, të cilat janë: Endri Dvorani, Arben Hasa, Zelie Caka. Vazhdojnë përpjekjet për identifikimin e tre trupave të tjerë", thuhet në njoftimin e zyrës së shtypit pranë Kryeministrisë.

nga **Sofra** prej Sat Mar 22, 2008 9:34 pm

Predha ne gjirin e Vlores

“Jane cmontuar dhe ka perfunduar ne shtator eksplodimi i te gjitha minave dhe silurave te bregdetit, fale nje financimi nga Departamenti i Shtetit” - Sali Berisha, 17 mars 2008.
Këto predha nuk jane cmontuar kurre.

Ndersa prokuroria ka nisur hetimet per te gjetur pergjegjesit per tragjedine e Gerdecit, mijera predha te tjera te paruajtura kercenojne sigurine e shqiptareve; jane ato qe vazhdojne te gjenden ne thellesi te Gjirit te Vlores dhe qe pergenjeshtrojne ate qe ka deklaruar kryeministri Berisha pak dite me pare se “jane cmontuar dhe ka perfunduar ne shtator eksplodimi i te gjitha minave dhe silurave te bregdetit, fale nje financimi nga Departamenti i Shtetit” ka thene Berisha ne 17 mars 2008. Keto predha nuk jane cmontuar kurre.

Por ndryshe nga sa deklaroi kreu i qeverisë tv News24 ofron pamje ekskluzive qe tregojne një tjetër realitet. Vetëm pak metra larg qytetit të Vlorës, pranë distriktit detar, aty ku ndodhet një prej pikave më të bukura bregdetare, zona e ish- Kalasë, gjendet një sasi shumë e madhe predhash të hedhura që pas luftës se dyte boterore.

Telekamerat e News24 te cilat jane futur nen uje ne Vlore tregojne se sipërfaqja ku ndodhen predhat është shumë e madhe dhe e parë me sy të lirë në një metër katror aty mund të gjesh një sasi nga 20 deri në 30 të tilla dhe pamja që të shfaqet poshte është shumë e frikshme. Akoma më e frikshme është që ne te lahen njerëz. Edi, polumbari qe eshte zhytur per te marre nje nga predhat qe gjenden nen uje tregon se ato nuk ndodhen në thellësi të madhe. thellesi qe shkon 2 -4 metra thellë.

Nderkaq Qemal Toto është një nga shoferët që në vitin 1947 ka hedhur predha në këtë zonë, predha që janë mbledhur pas luftës nga depo të ndryshme. Ai tregon se në këtë vënd, vetëm në atë kohë mund të jenë hedhur rreth 70 apo 72 Zisa ushtrie të mbushur me këto municione.
Keto predha kane provokuar tashme dhe viktimat e para sic eshte rasti i 2 vellezerve vlonjate qe humben jeten pikerisht ne keto ujera, pasi tentuan te merrnin predha nga do te siguronin eksplozivin per te gjuajtur peshq.

Por ka patur dhe të tjera raste aksidentesh ku peshkatarë apo dhe qytetarë kanë humbur dhe gjymtyrë duke tentuar t’i zbërthejnë për t’i marrë sasinë e barutit brenda tyre apo për ta shitur për skrap, pasi pesha e tyre është e madhe. Me e vogla prej predhave peshon rreth 5-8 kilogram. Faktet tregojnë se edhe pse kanë kaluar shumë vjet municionet vazhdojnë të jenë një rrezik pasi eksplozivi i tyre është aktiv.

Qindra kilograme eksploziv jane ne dispozicion edhe te krimineleve dhe qeveria nuk ka marre asnje mase per t’i larguar dhe per t’i shkaterruar.

(News24)

nga **petritkola** prej Sun Mar 23, 2008 5:54 pm

Prilli i thyer i Berishës, me dorëheqjen pas besës së madhe të Edi Ramës

Saturday, 22 March 2008

Nga Kastriot Myftaraj - Me shpërthimin e Gërdecit fati i karrierës politike të kryeministrit Berisha do të shkojë si i atij personazhit të romanit të Ismail Kadare, “Prilli i thyer”, Gjorg Berishës. Në librin e Kadaresë, Gjorg Berisha kishte vrarë për gjakmarrje në 15 mars dhe sipas zakonit kishte marrë nga fisi i Kryeqyqëve besën e madhe tridhjetëditëshe, pas së cilës duhet të ruhej se mund ta vrisnin. Në 15 mars ndodhi shpërthimi i Gërdecit që për kryeministrin Berisha ishte ekuivalenti i vrasjes për gjakmarrje nga Gjorg Berisha i librit të Kadaresë.Tashmë duket se Edi Rama i ka dhënë kryeministrit Berisha besën e madhe, ndoshta tridhjetëditëshe, që të qëndrojë në post deri pas takimit të NATO dhe deri sa të kryhet reforma zgjedhore për të cilën Rama dhe Berisha kanë rënë dakord paraprakisht në një marrëveshje të fshehtë. Pasi kryeministri Berisha mori vesh se në Gërdec kishte vdekur dhe baxhanaku i tij, për të cilin ai tha se erdhi në shtator nga Anglia (erdhi nga Anglia dy muaj pasi u hap “fabrika” Gërdecit, se si duket Berisha dyshonte se po ia hidhnin në këtë biznes dhe e çoi atje si njeri të besuar, të vdiste) atij (kryeministrit) i doli përfundimisht turpi, se tashmë u mor vesh që ishte ai i implikuar në këtë punë dhe se lakmia e tij dhe e të birit bëri që të vritet dhe baxhanaku, që e kishin vënë atje të mbikëqyrte biznesin, që mos i mashtronin në pjesën që kishin për të marrë. Tashmë kryeministri është si ai që thotë “S’ kam turp, s’ ke ç’më bën!” dhe tashmë do të luajë pa pikën e turpit, thjesht për veten e vet dhe familjen e vet. Gjithashtu kryeministrit Berisha i duhet besa e madhe, që të mbulojë gjurmët e bëmave të tij, se nuk i intereson as Ramës që ato të dalin, se pastaj Berisha mund t’i bëjë shantazh me dosjet që i ka Ramës. Berishës i duhet besa e madhe që të jetë në postin e kryeministrit, pra i mbrojtur derisa të bëjë disa pagesa për të siguruar garanci në rradhë të parë jashtë vendit, dhe pastaj brenda, se nuk do të preket pasi të japë dorëheqjen si kryeministër. Pasi Berisha t’i ketë marrë këto masa, atëherë do të vijë “prilli i thyer” i tij, kur ai do të japë dorëheqjen nga posti i kryeministrit. Berisha do të paguajë “taksën e gjakut”, siç thuhet në romanin e Kadaresë, për shkak se ai (Sali Berisha), së bashku me Ministrin Mediu, me papërgjegjshmërinë e tyre abuzive bënë që të ndodhte katastrofa. Por duket se e vërteta e kësaj historie është se Berisha dhe Mediu, sipas sentencës “Hubrisi (lakmia) nxit Nemesisin (fatkeqësinë)” favorizuan zbatimin e një plani terrorist të shërbimeve sekrete serbe dhe greke. Po të vazhdoj analogjinë me librin e Kadaresë, a thua do të merret vesh në këtë histori se kush ishte “Qehajai i gjakut” që hapi “Librin e gjaqeve” ku ishte përcaktuar “Kryeqyqët”, pra shqiptarët e Gërdecit, kishin për të dhënë gjak nga dora e Gjorg Berishës, pra nga papërgjegjshmëria lakmitare e qeveritarëve që favorizuan zbatimin e planit terrorist? “Libri i gjaqeve”, pra dokumente që zbulojnë të vërtetën e asaj që ndodhi nuk kanë për t’u gjetur kurrë. E mira do të ishte që kryeministri Berisha, pasi të largohet nga posti të shkruajë kujtime të sinqerta për ato që kanë ndodhur që në kohën që ai hyri në politikën pluraliste në dhjetor 1990. Vetëm kështu mund ta rregullojë ai sadopak reputacionin e vet.

nga **petritkola** prej Sun Mar 23, 2008 8:31 pm

Thursday, November 09, 2006

Jane shtuar qente

Ne rastin e fundit, eshte buce. Megi ja thone, kryetare e FRKLMN-se, ndaj kopeja e qeneve me ulerima dhe hungerima ja uruan mireseardhjen ne jete buces se vogel, krijeses se tyre. “Rrofte bucja“, ulerinin qente dhe asnje prej tyre s’do t’ja di per qetesine dhe hallin tone.
Qene jane, por pall ariu bejne ne Shqiperi dhe ne te kater anet e botes ku depozitojne gjakun, djersen, nderin, dinjitetin e grabitur te shqiptareve.
Dymbedhjete e nates eshte. Jam zgjuar. Nje kope qenesh poshte dritares time ulerijne, qajne, bertasin, kafshojne, hugerijne, lengojne. Nuk mund te fle. Eshte e pamundur. Potere e madhe. Dal ne dritare dhe shohe se dhe fqinjet e mi jane zgjuar dhe stresuar. Ka dhe te semure, pleq dhe femije por kopeja e qeneve nuk do t’ja dije.
Hap kompjuterin dhe ne internet kerkoje rreth mbarshtimit te qeneve. Kisha degjuar se koreanet kane ferma me ta. Asgje nuk mund te aplikohej ne specifiken shqiptare. Pi dy aspirina te qetesoje dhimbjen e kokes. Vesheve i ve pambuk dhe shtrihem. E pamundur... Hap televizorin dhe ndjeva si marrje mendsh kur pashe kopete e qeneve duke luftuar midis tyre ne godinen e parlamentit. Nderova stacion te shihja ndonje film. Llahtare... Personazhi kryesor perseri qen, por kete radhe nga prokuroria..., e keshtu me radhe kudondodhje qensh, para, mbrapa, anash, majtas djathtas, poshte, larte...
Jemi te rrethuar- thashe-duhet te dorezohemi, kur papritur degjoje nje krisme pushke, nje hungerime dhe me pas qetesi e plote.
Dal ne dritare. Nje antar i kopese se qeneve qe plasur ne toke dhe kullonte gjak. Kopeja qe larguar. Ishte fqinji im ai qe kish qelluar me nje arme nga ato te 1997-tes.
I drejtohem krevatit dhe neper mendjen time sillen kujtimet e atyre diteve te mbipopullimit qeneror kur per cdo qene te vrare 50 leke shperblim jepej nga bashkia.
...
Po me rendohen qepallat.
Naten e mire!

Petrit Kola

nga shkodrani_1 prej Sun Mar 23, 2008 10:32 pm

ky forum tuj u nis me emrin qe ka besoj se ka ne mes te vetin edhe atdhetar edhe njerz human, a ka mundsi te dim se kush prej juve e ndihmoj aksionin e ndihmave humanitare ne TV CLAN DHE VIZION PLUS

nga **Deli** prej Mon Mar 24, 2008 1:21 am

E madhja Aida Shtino mbledh ndihma për banorët e Gerdecit .

Një gazetare tash më e njohur jo vetëm në Shqipri por thuajse në mbar botën ku jetojn Populli Shqiptarë (Ndoshta nuk gabohem po të them se rrall lindin kto njerzë fal Zotit për të mir )Që është edhe udhëheqse e emisonit Njerz të Humbur në Vizion plus qdo të shtune nga ora 21 deri në02.Jo që bëri shum zemra bashk por të shtunen e 23,marsit .08 në vend të emisionit shum të kërkuar fillon me një të vetmin qëllim që tju sbus sato pak ato dhimbje atyre banorve që mbeten pa as gjë ?
Ndihma për Gërdecin që kishte sjell në sall aqë shum emra të zgjedhum nga të gjitha drejtimet që din vetëm ajo ti bëj dhe fillon emisonin me një të vetmin qëllim , por ndodhi edhe ajo që duhej të ndodh që as ajo vetë me siguri nukë e kishte pritur një bom kaq të madh të thirrjeve të Shqiparve nga të katër anët e Botës për tu përgjigjur thirrjes së të madhes Aida sa që emisoni duhej të mbillej në ora 01 .të mesnatës vazhdoji deri ora 03 të mëngjezit e që nuk kishte të ndalur nga zemergjersia e Popullit Shqipar për tju dhën sado pak ndihma po ato nuk ishin edhe pak sepse sepse (thuhet një fjali popullore pika pika mbushet pusi )Aida nuk kishte zemer ta mbyllte emisionin dhe të mos i pranonte gjith ato thirrje
por që më bëri përshtipje ishin ma teper siq e cek edhe ajo vetë njerz të thjesht jepnin nga ajo që kishin kurse ato që kan (që i e quajn veten bosa nuk dëgjova as në që tëket dhen diqka ,shuma sa i mblodh do të dihet më vom sepse edhe pse u shuan kamerat emisioni vazhdoj dhe do të vazhdoj por mund ta vërtetoni edhe vetë kliko ktu .www.njereztehumbur.com

nga **petritkola** prej Mon Mar 24, 2008 5:49 am

Nje kamboxhain dhe nje shqiptar

Ndoshta bota po perpiqet qe te riparoje gabimet kundrejte shqiptareve , por fakt eshte se per momentin nje shqiptar vlen me pak se nje kamboxhain.
Kamboxhianet (Kmeret e Kuq) moren modelin shqiptar sipas udhezimeve dhe manualeve te sakta furnizuar na PPSH gjate vizitave te delegacioneve Pol Potiane ne Vendin tone. Ata vrane e prene sipas modelit shqiptar dhe bota I ka vene Kmeret e Kuq para pergjegjsise nderkombetar per krime kunder njerezimit. Kunder Kmereve te Kuq te Kamboxhias po zhvillohet gjyqe nderkombetar ndersa frymezuesit dhe profesorat e tyre shqiptar po gezojne shendet dhe pushtet te plote duke vazhduar masakrat kunder popullit te tyre shqiptar.
Deri kur keshtu? Deri kur nje kamboxhian do te vleje me shume se nje shqiptar?
Kur do te filloje procesi gjyqesor nderkombetar kunder Kmereve te Kuq shqiptar?