"Edhe kur Ti ke harruar fjalët" NGA ELEFTERIA KALLOJERI

31. Harron sa vlen si njeri e si femër,
Zemra e një gruaje
rrotullon krejt Botën…
Nuk ka dyshime,
gruaja ka një defekt të madh:
harron sa vlen si njeri e si femër,
ndaj shpesh herë këtë e shkel
me të dyja këmbët.

32. Shoqërinë e zgjuar e mbaj për vete
ka forcë dhe vlera, pa kompleksitete
E.
Shoqëria njerëzore
e zgjuar miqësore,
në detaj mbushur me çiltërsi,
e lidhur përzemërsisht…

L.
Sa pëlqesë ndiej
për shoqërinë me vlera

E.
dhe për ato që kanë ide;
ato pa fjalë, ato pa tundime
që kërkojnë të bëjnë edhe sqarime…

F.
Shoqëria me komplekse
më jep dritë, më bën të fortë,

T.
megjithatë nuk më tundon
se kam temperament të fortë…

E.
Shoqërinë e zgjuar e mbaj për vete
ka forcë dhe vlera, pa kompleksitete,

R.
është e çiltër, objektive…

I.
Kurrë s’më kanë pëlqyer prapaskenat,
kurthet, kthimet e sajuara,

A.
bisedat e përvëluara…

33. Ja, ku qenka një mike, …

Oh, një zonjë sa më mrekulloi!
Ma dha vetë mundësinë
dhe e bëra shumë mike…

Oh, sa e sjellshme, sa e mirë,
sa e bukur, simpatike
një femër me vlera ,
ja ku qenka një mike, …
Ndjej ngrohtësinë e mendimit.

Copa e thërime….
më bëhet zemra ime,
kur takoj shoqen time
sa e shoqërueshme , sa e zgjuar…
Për Ledian mallohet aq shumë…
Pranë e ka Jonadën,
pranë ka dhe djalin,
gazmohet me nipërit…
Fluturoftë dhe ajo larg!

34. Pa dritën e sinqertë të miqësisë,

Miqësia e vërtetë
është si shëndeti,
nuk e dimë ta çmojmë
për aq kohë sa e kemi.
Miqësia është një mendim
në dy zemra.
Miqtë e mirë,
dëgjojnë edhe atë
që ti nuk e thua.

Mik, mike është ai,
është ajo.
që njeh kengën
e zemrës tënde
dhe mund ta këndojë
edhe kur ti i ke harruar fjalët…
Sa e errët dhe sa e frikshme
qenka rruga
pa dritën e sinqertë të miqësisë!…

35. Përkëdhelja

Perkëdheljet ngjasojnë si fëmijë…
Edhe fjalën “të dua” më sinqerisht
ta thotë vetëm nëna,
dhe për sjelljet e tua
të dalë nga rruga
vetëm nëna të fal…

36. Letër e fëmijës “djalë” nënës së tij

Përgjigja
e një fëmije: “Tung…., mami, si je?
Unë jam mirë…
Nënë, po rritem…
Tek ty nuk mund
ta përshkruaj gëzimin
që kam
dhe krenaria
që ti je nëna ime,
më bën me krah!
Jam
i lumtur
që krijohem tek ty
nga dashuria;
kam besim
se do jem fëmija
më i lumtur i botës!

37. Moral i ngritur

Do të kritikoja,
do të ofendoja,
dua t’i jap goditje
kujtdo që bën dhunime…
Njeriu është i lirë
në sjellje dhe veprim,
dhe çdo gjë
për familjen e kryen me përkushtim…
Morali është simbol,
Virtyti të jep nder, ideal;
kush e shkel me dëshirë
merr dënimin më të rëndë
nga shoqëria,
por dënimin më të madh e jep
Perëndia,…
Dhuna a mund të mposht krenarinë?

38. Pendimi në pesë kohë

Drita ime e brendshme
del si yll në ndriçim…

Koha e parë
Gënjeshtra, Mashtrimi
dhe Hipokrizia
binjake që të tria,…
Shkojnë shoqërisht
si dollibashet që “ngrë” rakia…

Koha e dytë

Sa shpifan qenka Mashtrimi,
sa hileqare Hipokrizia,
thyen kulmin Shoqëria
nga “Drejtësia”…

Koha e tretë

Kurrë s’ pajtohem
me miqtë mashtrues,
me dredharakët hipokrizues…
Bosht përshkrues: Sinqeriteti,
Objektivi, Realiteti….
Jo, s’i pëlqej zhurmat në “veshë”…
Thashethemet, hipokrizitë
tek unë gjejnë vendin e vet…
Me Mashtrimin jam e rreptë,
me Gënjeshtrën jam e prerë
me Hipokrizinë,
Diplomacinë e rreme,
s’gjendem kurrë në dilemë…
E Sinqerta ime zbulon petkat,…
Në këtë lojë diplomatike
jam e zgjuar, titanike…

Koha e katërt

Mos u çudisni
me këtë reformancë
Inteligjentja ka zënë bazë…
Kam fuqi imagjinare,
ndihmesë
më dhurojnë Idhujt e mi
Besoj në Profecitë,
Jezu Krishtin
Shën Marinë.
Asnjëherë
s’ndihem e vetmuar,
jam gjithmonë e kulluar.

Koha e katërt

Mos u çudisni
me këtë reformancë
Inteligjentja ka zënë bazë…
Kam fuqi imagjinare,
ndihmesë
më dhurojnë Idhujt e mi
Besoj në Profecitë,
Jezu Krishtin
Shën Marinë.
Asnjëherë
s’ndihem e vetmuar,
jam gjithmonë e kulluar.

Koha e pestë

Ndaj jam e rreptë,
jam vitale,
jam e mprehtë,
sqimëtare,…
Në rast se gjilpëra magnetike
pak merr kthesim,
drita ime e brendshme
del si yll në ndriçim…

39. Heshtja…
o Zot, sa mirë do të ndihesh!
Mbaje mend dhe ngulite mirë
ndonjëherë heshtja
është gjithmonë e mirë…
Jeto një jetë të mirë
dhe të ndershme , kur të plakesh,
dhe të mendosh prapë:
do ta shijosh edhe njëherë .
Një atmosferë e dashur
në vendlindjen
përbën bazamentin e jetës tënde;
ndaji njohuritë e tua
me të tjerët,
kjo përbën një mundësi të mirë
për të krijuar pavdekësinë;
përkushtojini dashurisë
dhe gatimit me gjithë zemër
dhe atëhere,
o Zot, sa mirë do të ndjehesh
dhe do të kuptosh
sa i bukur është jetimi
në këtë hapësirë
pa komplekse.

40. Kujto dhe shprehu me mënyrën e nderimit
Krijuesi i Madhëruar thotë:
“Zoti yt ka dhënë urdhër
që të sillemi në mënyrë bamirëse
ndaj prindërve.
Nëse njeri prej tyre
ose që të dy i ka kapur pleqëria
pranë kujdesit tënd,
atëhere mos u thuaj asgjë atyre,
as “uf” as “of’ as mos u bëj,…
I vrazhdë ndaj tyre mos ji
e në shenjë mëshirë
shtrije pranë tyre
krahun e përuljes dhe të respektimit
dhe thuaj:
“Zoti im, mëshiroi të dy,
sikurse më edukuan mua,
kur isha fëmijë” .