MULLA ARBEN HYSENI (1980-1998)

Titulli: MULLA ARBEN HYSENI (1980-1998) Wed Nov 04, 2009 1:41 am

Mulla Arben Hyseni (1980-1998)

Nga Mexhid Yvejsi, Gjakovë

“Dëshira ime e vetme është të bie shehid për lirinë e Kosovës.”

Mulla Arben Hyseni një hoxhë dëshmor që u vra për Kosovë me armë n’dorë…

Arben Hyseni, djali i Rexhep Hysenit, u lind me 12 Prill 1980, në katundin Godanc në rrethin e Shtimes. Rrjedh nga një familje e varfër fshatare, por e pasur nga trashëgimia fetare e atdhetare…
Mësimet fillestare i kreu në fshatin e lindjes, me rezultat të shkëlqyeshëm, ku dallohej në lëndën e historisë dhe të edukatës fizike.
Në vitin 1995 u regjistrue në Medresenë “Alauddin” në Prishtinë, ku e vazhdoi mësimin me shumë interesim dhe ishte ndër nxënësit më të mirë të klasës së vetë.
Kështu vazhdoi deri sa e kreu vitin e tretë. Viti që e kreu vitin e tretë, viti 1998, ishte viti vendimtar për këtë dhe për atë jetë…
Pse? Sepse ai kishte një dëshirë të vetme dhe ajo ishte:
“Dëshira ime e vetme është të bie shehid për lirinë e Kosovës.”
Arben Rexhep Hyseni, hoxha i.ardhshëm, e la shkollën e dashur, medresënë, e la familjen dhe u nisë në luftë për atdhenë…
Ishte data 18 gusht, e vitit 1998, kur Mulla Arben Hyseni, me disa shokë nga katundi, u rreshtue në radhët e Ushtrisë Çlirimtare të Kosovës në Krojmir të Drenicës…
Në Krojmir të Drenicës, por edhe në vise të tjera, në Kosovë e Shqipni, kudo që Mulla Arbeni shkoi, të gjithë e thërrisnin Mulla Arben, Hoxha Arben, kudo që kishte shkuar, ai ishte një personalitet shumë i nderuar…
Hoxha, Mulla Arbeni, përveç që ishte trim e guximtar, ishte i dashur, modest e bujar. I kryente pa fjalë, me përkushtim të gjitha detyrimet fetare, luftarake, kombëtare…
Dëshmon shoku i tij , Enis Rexha, shok shkolle, në Medresenë “Alauddin” në Prishtinë, njëherësh edhe bashkëluftëtar, kur, gjatë kohës së luftës, e kishin pyet një herë hoxhën, Mulla Arbenin, se:
“Cila ishte dëshira e tij e vetme në këtë jetë?”
Hoxha, Mulla Arbeni, shokëve ushtarë, eprorë, bashkëluftëtarë, iu përgjigjet:
“Një ditë të gjithë do të takohemi me vdekjën, kush më herët e kush më vonë, por dëshira ime e vetme është të bie shehid (dëshmor) për lirinë e Kosovës”.
Me 14 dhjetor 1998, duke u kthyer nga Shqipnija me armatim, së bashku me 149 ushtarë të UÇK-së, prej të cilëve u vranë 36 ushtarë , në mesin e tyre ishte edhe hoxha, Mulla Arben Hyseni që u vra në Kosovë, për Kosovën…
Dëshirën e tij të vetme në këtë jetë, siç e tha vetë, ishte të bie shehid, dëshmor, për Kosovë, e këte ia plotësoi Zoti i Madh dhe i Vërtetë…

Mexhid YVEJSI, Gjakovë

Titulli: Re: MULLA ARBEN HYSENI (1980-1998) Sat Nov 07, 2009 11:21 pm

Ne cilin njesit ka qen dhe kon e ka pas komandant a bane me dite ?

Titulli: Re: MULLA ARBEN HYSENI (1980-1998) Sat Nov 07, 2009 11:23 pm

Me 14 dhjetor 1998, duke u kthyer nga Shqipnija me armatim, së bashku me 149 ushtarë të UÇK-së, prej të cilëve u vranë 36 ushtarë , në mesin e tyre ishte edhe hoxha, Mulla Arben Hyseni që u vra në Kosovë, për Kosovën…

Mos eshte ky grup qe ran ne kurthen qe ua pergaditen ?Ogurezinjet !

» MULLA FADIL RASHITI (1975-1998)
» MULLA SELIM SELIM (1978-1998)
» RRUSTEM HYSENI-Historiani ( 1973-1999)
» 2 vjetori i rënjes se Mon Balaj dhe Arben Xheladinit
» MULLA ISMET LIMANI