EHLI BEJTI

EHLI BEJTI


Zoti Pejgamberin e kishte urdhëruar

Nëpërmjet Xhibrilit duke e njoftuar.



Fatimen me Aliun ta martojë

Që Ehli - Bejtin ta formojë.



Pejgamberi i ftoi shokët dhe farefisin

Si dasmorë ta krijojnë mexhlisin.



Gjatë dasmës i Dërguari mbajti fjalim

Hz. Hatixhen e përmendi me pikëllim.



Pas dasmës Aliun dhe Fatimen i ftoi

I uli në gjunjë pranë vetes dhe i bekoi.



Kërkoi pasardhës t’bekuar t’ju dhurojë Zoti

Martesën ua uroj, rodhi një pikë loti.



Ditën e xhumasë në xhami, në minber

Të pranishmëve u përcolli këtë haber:



“Para jush po i kurorëzoj në emër të Zotit

E kisha urdhrin e Tij, Fuqiplotit!”



Dy nipa Pejgamberit ia dhuroi Lavdiploti

Hasanin dhe Hysejnin, si deshi Fuqiploti.



Të përcaktuar Prijësa të rinisë në Xhenet

Në jetën e amshuar, atje në Ahiret.



Muhamedi u zgjodh Prijës i profetisë

Si krijesa më e përsosura e Gjithësisë.



Fatimja ishte përcaktuar Prijëse e besimtareve

Ndërsa bashkëshorti i saj, Aliu prijës i evliave.



Askujt nuk iu dhuruan këso dhunti

Çka ka në Tokë dhe në Gjithësi.



Xhibril Emini fluturoi drejt te Pejgamberi

Ta çojë fjalën e Zotit, siç thoshte haberi:



“Zoti ka vendosur juve t’ju lartësojë

Skajshmërisht nga mëkatet t’ju pastrojë.



Ju besimtarë, trashëgues të Ahiretit

Respekt dhe dashuri ofroni Ehli - Bejtit.”



Muhamedi urdhëroi shokët dhe umetin:

“Shembull ta keni Ehli - Bejtin!”



Pejgamberi dy nipat i donte me shpirt

Si sytë e ballit, ma t’buk’rën dritë.



Rrinte me ta, në krah i mbante

As dita, as nata nuk i ndante.



Dhe kur nipat paksa ishin rritur

Erdhi Xhibril Emini, ashtu papritur.



Për t’ia kumtuar lajmin e zi

Për dy nipat, dy dritat e tij.



“Hasani me helm ka për t’u helmuar,

Ndërsa Hysejni me gjak i mbuluar!”



Pejgamberin e mbuloi pikëllimi

Por i Zotit Fuqiplotë ishte përcaktimi.



Dy pika loti rodhën pa hetuar

U mërzit edhe Xhibrili duke shikuar.





U trondit Toka dhe Gjithësia

Tërë krijesat i kaploi mërzia.



Pejgamberi mblodhi gjithë umetin

La porosinë e Zotit, amanetin:



“Në Kuranin e Shenjtë e keni udhëzimin

Lumturinë e përhershme dhe shpëtimin.



Mos hiqni dorë prej Sunnetit[1]

Dhe ndiqni shembullin e Ehli - Bejtit.



Kjo është për ummetin Rruga e Drejtë

Që të bëheni besimdrejtë të vërtetë!”



Porosi dhe amanet shumë i qartë

Secili në shpirt duhet ta bartë.



Prej këtij koncepti po u largove

Pa dyshim dhe sigurt devijove.



Shtihesh si shtinjak se je besimtar

Por në Vërtetësi ti je gënjeshtar.



Kujton se e ndjek rrugën e Islamit

Në fakt je nën ombrellën e shejtanit.



Kur Krenaria e Gjithësisë kaloi n’Ahiret

U shua drita e njerëzimit, më kush mbet’?



Aliu i mërzitur dhe i pikëlluar

E përgatiti trupin e tij të bekuar.



Kur bëhej gati ta lëshonte në varr

Lavdiplotit iu drejtua me këto fjalë:



“O Zot i Lartëmadhëruar!

Ishte krijesa Jote më e lavdëruar!





Në tërë Gjithësinë çka i përket!

Pasi që për njerëzimin e bëre mbret.



E bëre simbol dhe prijës të profetisë

Shembull dhe argument të Vërtetësisë.



Ti o Zot, e zgjodhe prijës për njerëzimin

Deri kur Bota ta përjetojë kataklizmin.[2]



Andaj shpirtin e tij ia beko

Dhe ummetin e tij e mëshiro!



Qysh kur linda më ishte edukator

Prind e babë, dhe prijës shpirtëror.



Nuk mundem dot ta fshij kujtimin

Më bashko me të ta përjetoj amshimin.”



E para n’Ahiret iu bashkangjit Fatime Zehraja

Pastaj, më vonë, edhe Ali Myrtezaja.



I treti me radhë Hasan Muxhtebaja

I fundit Hysejni, kur ndodhi Qerbelaja.



Zoti Mëshirëplotë i mëshiroftë!

Shpirtrat e tyre në prehje i bekoftë!



Fytyrat Ditën e Gjykimit iu ndriçoftë!

Për jetë të jetëve i bashkoftë!



Ju dashamirë të Ehli - Bejtit

Mos kini frikë Ditën e Kiametit.



Ndoshta për hir të Pejgamberit

Do ta shijoni kënaqësinë e selametit.



Kush nuk i shpreh Ehli - Bejtit respekt

Myslimani i tillë në iman ka defekt.



Nëse i mungon edhe dashuria

Fatkeqësisht ai vuan nga hipokrizia.



Krejt dinin dhe imanin e ka në pikëpyetje

Para Zotit Fuqiplotë do të japë llogaritje.



Si mund ta duash Pejgamberin

Kur nuk e dashuron Ehli - Bejtin?



Kush është i pajisur ndaj Ehli - Bejtit me dashuri

Me Pejgamberin e Zotit është në pajtueshmëri.



Në Ditën e Gjykimit e fiton lumturinë

Pasi që te Zoti e ke fituar razinë.



Selam prej nesh që ju respektojmë

Me shpirt dhe zemër që ju dashurojmë.



Që ju përmendim dhe lavdërojmë

Dhe para Zotit për ju bekim kërkojmë.



Në Ditën e Gjykimit ndërmjetësoni

Prej Mëshirëplotit mëshirë kërkoni.



Në ato çaste të vështira na ndihmoni

Ndoshta bëheni shkaktarë e na shpëtoni.



Nazim JUNUKU, Gjakovë



I frymëzuar nga dashuria ndaj

Ehli - Bejtit - familjes të Pejgamberit, s.a.v.s.

Gjakovë, 2000