Ankesat e Kur'anit

MAHIR UL - KADRI



ANKESAT E KUR’ANIT



Si një stoli e bukur, e çmueshme, më admirojnë

Më mbajnë në duar, në gji, dhe më përqafojnë.



Nëpër kremtime, gazmende, më këndojnë

Nëpër ngatërresa ,vdekje, pa mua nuk shkojnë.



Lartë nëpër rafte më vendosin me shumë kujdes

Derisa vjen tjetër kremtim, vdekje, apo ngatrresë.



Ka që bukur më lexojnë, përmendësh më recitojnë

Me gjithë këtë, vetëm si një stoli e bukur më çmojnë.



Porosia ime aq shumë lexohet, por aq pak zbatohet

Pasuria ime aq shumë çmohet, por aq pak shfrytëzohet.



Sjellja ndaj meje vazhdon të jetë aq shumë e gabuar

Sa shumë kam për të dhënë, sa pak më keni pranuar.



Përktheu nga anglishtja:

Mexhid YVEJSI, Gjakovë