POEZI NGA LINDITA PRENGA

Lindita Prenga


MOS E VRISNI ZEMRËN E NANËS…
Apel poetik

Dridhnu shpirti, tash sa mot,
me lot zemre e laj këtë tokë.
Nana të shkreta shamizeza
dyer të mbyllme e shumë varreza.

Po qan fëmija rrëzë oxhakut,
po dridhnohet zemra e plakut.
Nusja e shkretë dymbëdhjetë pranvera
si ka gzuë si nuse të tjera.

Fort tundur vendin e ka,
krisma e pushkës randë ka ra.
Me gjak rinie u mbulu vendi,
u zu dielli e u nxi qielli…

Lanë kuvendet e ligjërimet,
të mjerat nana nisën vajtimet
Oshtimë burrash me ofshama…
Këtë djalë të vetëm në tokë mblon nana!

Mosni armët ju, vllazni,
jo bre gjaqe e hasmëri,
mos i mbyllni dyert konakut,
kryqja e gdhendun me ne prag prej gjakut…

Amanet pash besën e Zotit,
ky vajtim ka tash sa mot,
Mos mja vrisni zemrën nanës,
plagë e vjetër mbulu me lot…