"Kur lind Nënta" nga KRISTAQ F. SHABANI

POEZIA BASHKËKOHORE
KRISTAQ F. SHABANI , ALBANIA

Kur lind Nënta

(Simbolizim i krijimit dhe i jetës,i meditimit , i durimit, i harmonise, frymëzimit, i përsosjes se ideve, i plotësisë së talenteve, i përsosmërisë, i ndriçimit, i zhvillimit, i ritmit, i arritjeve, i fuqisë , i tërësisë së qenies njerëzore, i favorshëm, i përjetshmërisë, i pavdekësisë njerëzore…).

1.
Shfuqizohej dekreti,
nën tavolinën e xhamtë,
Bukurimi i dashurimit
ndjen veten shtatzanë…
Në hemisferë krijimi
qesh syri dinak …

2.
Tri lule të hedhura
mbi një vello nusërie ,
zilepsen sytë e zgjuara
të dhjetra vajzave,
Dhëndrin e valles
e zaptuan,
në bebezat e ngjyruara…
“Petalet”
caktuan
ditët e flirt- dasmave…

3.
Nën tejfanitjen
e konturit
të mahnitshëm ,
Syri
dancon shkujdesshëm
në pistë…
Në qiellin e xixëlluar
flatrim tufëtumbas
dallëndyshesh,
të rikthyera
“egërshëm”,
në një cikël të dytë.

4.
Rrekeshin ndjesitë,
në hemisferën e shpirtit,
Kryendjesia
merrte drejtimin…
Me një magnet zihet,
tmerrsisht,
bronzi i trillit ;
ruhej venitur,
në një qoshe të pjekur ,
në kërkim azili,
një copë hekur.

5.
Përdrodhi buzët,
në një takim idealistësh,
vari mendimin,
në një degë të “prerë”
nga anti Ëngjëlli,
Hëna përtypi
një yll të bukur…
Pas dy orësh
i doli,
prej vendit,
vetëtimthi syri…

6.
Në fjalorin “disk”
rrezja prej vetes
kërkon dalë,
Grykës së qiellit
mbetet nomade
një halë…
7.
Qielli, në pamje,
sytopitur,
Dita në ngatërresë
me natën…
Ç’ndodhka kështu
me sinoptikën !
Agimi me “Muzgun”
ç’patën?!
8.

Kaq here,
e përsërita
frazën në mekje
dhe thirrmim të plotë.
S’përgjigjeshe ,
i mbetur pikëçuditëse,
pluskoje i verbër
në ujë…
S’mendoje
të qenuarit në tokë…
9.
Te gjurma e ikjes
mbetur
gjarpër me zile,
Një gjurmë
mbetur e ngrirë
E madhe,
e dalluar
në dhe e mbi hije…

*
(Nënta lind vetëm Nënta...
Koncert " Kori i Ëngjëjve" ...
Globi në të vetmin rast
qetohet ,
Humbet vrerin Deti...
Energjizohet Dita...)

Marrë nga vëllimi poetik “GIJOTINA E SYRIT “i autorit