Kush i ka shkruar këto vargje ?

Kush i ka shkruar keto vargje?



Atdheu

Atdheu është dhimbje, është dhimbje.
Një prill i pikëlluar në shpirt.
Atdheu është kryqi, është kryqi.
E mban - dhe të mban ty - në shpirt.

Atdheu është toka e premtuar.
Ti shkel si një zot dhe s'e ke ndën këmbë
Atdheu s'ka fjalë, ka sy të trishtuar
Vdes dashuria në dashuri që të çmend.

Atdheu është buka e urritur,
të ikën nga duart e dot nuk e ngop
ëndërr dhe ankth dhe shpresë e sfilitur
me sytë n'errësirë vetveten kërkon.

Atdheu është varr i hapur, është varr.
Një jetë drejt tij shkon me besë që bind.
Në një pikë loti mbyt lotin fatvrarë
Në një pikë loti lirinë e lind.

Atdheu yt i vogli, i vogli,
Ai hyjnori i pavdekshmi - loti.

me duket se keto vargje i shkroi Fatos Arapi,

kush i shkroi keto vargje?

Vaje te kaltra per ty me leshojne floket
dhe goja s'eshte vec nje pasqyre e krisur
prej dhimbjesh te dala nga mishi me shkulje
prej asaj qe te kam pushtuar kurre per mos te te leshuar.
O dendesi bari e gjelber e kraherorit tend
o drure te eger aromeleshues te kembeve te tua,
o krahe qe vetem krahe dhe vetem krahe leshoni,
o ti,qafe e bute dhe e forte njeheresh
O ti gjithcka,gjithckaja ime,
gjithckaja e nates sime,e dites sime,
ti,gjithcka
O rruzull i erret ,o rruzull i verber,o rruzull shkaterrues
i sedres sate te kafshuar.
Te gjitha ju,gjithcka te ti.
Vete ti:
Qendro,me veshtro,
mos me vdis ne duar
Nje toke nje here e gjetur
kurre me s'eshte harruar!



pershendetje

Ju lus të gjithë forumistëve që të lexojnë në fillim të temës rregullën për të ecur si duhet vargu zingjiror i temës.

Euridika të tilla ishin dikur vitet kur recitonim thurnim vargje edhe këndonim rrugëve me shok dhe shoqe.
Prandaj them se secila kohë e ka vulën e vet .... më vjen mirë që së paku kam hap një temë që dikush i kujton ditët e lumtura që kanë ik dhe nuk kthehen më.

Poezin "Shqiptarë !" e ka shkruar Çajupi.

Kurse poezinë q e ka vënë besa besë titullohet; "Gjithckaja ime" dhe e ka shkruar Mimoza Ahmeti
E sakt është besa besë që poezinë "Atdheu" e ka shkruar Fatos Arapi.



Kush i ka shkruar këto vargje ?


Ketu s'do jem

Ketu s'do jem do jem larguar
Ne tokë I tretur si të tjerët
Në kafenenë e preferuar
Nuk do më shohin kamarierët
Dhe nëpër udhët ku kam ecur
S'do ndihet kolla ime e thatë
Mbi varrin tim do të rrijë I heshtur
Një qipariz si murg I ngratë
Ti do trishtohesh atëhere
Se s'do më kesh në dhomë të gjallë
Dhe kur në xham të fryjë erë
Do qash me erën dalëngadalë
Por kur të jesh mërzitur shumë
Në raft të librave kërkomë
Aty do jem I fshehur unë
Në ndonjë fjalë a ndonjë shkronjë
Mjafton që librin pak ta heqësh
Dhe un do të zbres do t'vi pranë teje
Ti si dikur me mall do qeshësh
Si një blerim pas një rrëkeje.

Keto vargje i ka shkruar-Deriteto Agolli

Kush i ka shkruar këto vargje ?

Malli i Shqiperise

Me ka marre malli per Shqiperine tone.
Sonte,kur po kthehesha me trolejbuz,
Tymi i cigarit "Partizani"qe pinte dikush
Dridhej kalteronte,bente spirale,
Sikur te fshehta me thosh ne gjuhen e shqipetareve
Mua bashkatdhetarit.

Te shkoj dua mbremjes ne rruget e Tiranes,
Ku kam bere dikur ndonje marrezi,
Dhe ne rruget ku skam bere asnje marrezi.
Me njohin ato porta te vjetra te drunjta,
Inatin akoma do ma mbajne,
Koken do ma tundin,
Por une s'do ta marr per keq,
Se malli me ka marre.
Dhe t'eci rrugicave plot gjethe te thara,
Gjethe te thara,gjethe vjeshte,
Per te cilat krahasimet gjenden aq lehte.

Me ka marre malli per Shqiperine tone;
Per ate qiell te madh,te gjere e te thelle,
Per vrapin e kalter te dallgeve adriatike,
Per rete qe ne muzg si keshtjella digjen,
Per alpet flokebardha e mjekergjelbra,
Per netet e neilonta,qe nga flladet fergellojne,
Per mjegullat qe si indiane te kuq muzgjeve
shtegtojne

Per lokomotivat dhe kuajt,
Qe te djersitur avullojne e hungerojne,
Per qiparisat,kopete dhe varret
Malli me ka marre.
Malli me ka marre,
Per shqipetaret.

Me ka marre malli dhe se shpejti vi atje,
Duke fluturuar mbi mjegullat,si mbi deshira.
Sa i larget,aq edhe i dashur je,atdhe.
Aerodromi do te dridhet nga uturima,
Mjegulla do te rrije pezull mbi humnera.
Ata qe shpiken shpejtesine reaktive
Larg atdheut sigurisht do kene qene ndonjehere

Poezinë " Malli i Shqipëris" e ka shkruar Ismail Kadare.

Kush i ka shkruar këto poezi ?

Vaji i Bylbylit

Po shkrihet bora, Dimni po shkon; Bylbyl i vorfën, Pse po gjimon? Pushoi murlani Me duhi t'vet; Bylbyl i vorfën, Çou mos rri shkret. Gjith; fushët e malet Blerim e mbëloj; Livadhi e pema Gjithkah lulzoj. Ndër pyje e orgaja, N'ma t'mirin vend, Me rreze dielli Po e gëzon gjith'kend. E tuj gjimue Shikon rreth e rreth Nji prrue qi veret Rrjedh nëpër gjeth. A çil kafazi, Bylbyl, flutro; Ndër pyje e orgaja, Bylbyl, shpejto. Kerkush ma hovin Atje s'ta pret, Me zeher haejen Kerkush s'ta qet. Kafaz ke qiellin, Epshin pengim, E gjith ku t'rreshket Shkon fluturim. Nëpër lamije Ke me gjet mel, Për gjith'prendverën Njajo buk t'del. E kur t'zitë e di ndër prroje pi, Te njato prroje Qi ti vetë di. Tash pa frigë çerdhen E ban ndoj lis; Nuk je si'i nieri Qi nuk ka fis E kur t'vin zhegu, Kur dielli shkon, Ti ke me këndue Si ke zakon. Rreth e rreth gjindja Me t'ndie rri; Prej asi vendit Dahen me zi. A çilë kafazi, Bylbyl, flutro; Ndër pyje e ograja, Bylbyl, shpejto. Ndër tranfofille, Ndër zamakë nga; Ku qeshet kopshti, Idhnim mos mba. Po shkrihet bora, Dimni po shkon; Biylbyl i vorfën , Pse po gjimon?

E ka shkruar NDRE MJEDA


GJUHA SHQYPE

Porsi kanga e zogut t'veres,
Qi vallzon n'blerim të Prillit;
Porsi i ambli flladi i erës,
Qi lmon gjit e drandofillit:
Porsi vala e bregut t'detit,
Porsi gjâma e rrfés zhgjetare,
Porsi ushtima e nji termetit,
Njashtû â gjuha e jonë shqyptare.
Ah! po; â, ambël fiala e sajë,
Porsi gjumi m'nji kerthí,
Porsi drita plot uzdajë,
Porsi gazi i pa mashtrí;
Edhè ndihet tu kumbue,
Porsi fleta e Kerubimit,
Ka'i bjen qiellvet tue fluturue
N't'zjartat valle t'ameshimit.
Prá, mallkue njaj bir Shqyptari,
Qi ketë gjuhë të Perendís,
Trashigim, qi na la i Pari,
Trashigim s'i a lên ai fmís;
Edhè atij i u thaftë, po, goja,
Qi e perbuzë ketë gjuhë hyjnore;
Qi n'gjuhë t'huej, kúr s'âsht nevoja,
Flet e t'veten lên mbas dore.
Në gjuhë shqype nanat t'ona
Shì prej djepit na kanë thânun,
Se âsht nji Zot, qi do t'a dona:
Njatë, qi jetën na ka dhânun;
Edhè shqyp na thanë se Zoti
Per Shqyptarë Shqypnín e fali,
se sá t'enden stina e moti,
Do t'a gzojn kta djalë mbas djali.
Shqyp na vetë, po pik' mâ para,
N'agim t'jetës kúr kemi shkue
Tue ndjekë flutra neper ara,
Shqyp mâ s'pari kemi kndue:
Kemi kndue, po armët besnike,
Qi flakue kanë n'dorë t'Shqyptarvet,
Kah kanë dekë per besë jetike,
Kah kanë dekë kta per dhé t'Parvet.
Në këtë gjuhë edhè njaj Leka,
Qi 'i rruzllim mbretnín s'i a xûni,
Qi kah bijte ai, shkelte deka.
Shekllit mbarë ligjë t'randë i vûni;
Në këtë gjuhë edhè Kastriota
U pat folë njatyne ushtrive,
Qi sa t'ndrisë e diellit rrota,
Kanë me kênë ndera e trimnive.
Prá, Shqyptarë, çdo fés qi t'jini,
Gegë e Toskë, malcí e qyteta,
Gjuhen t'uej kurr mos t'a lini,
Mos t'a lini sá t'jetë jeta,
Por per tê gjithmonë punoni;
Pse, sa t'mbani gjuhen t'uej,
Fisi i juej, vendi e zakoni
Kanë me u mbajtë larg kambet s'huej.
Nper gjuhë shqype bota mbarë
Ka me u njohtë se ç'fis ju kini,
Ka me u njohtë jú per Shqyptarë:
Trima n'zà sikurse jini.
Prandej, prá, n'e doni fisin,
Mali, bregu edhè Malcija
Prej njaj goje sod t'brohrisin:
Me gjuhë t'veten rrnoftë Shqypnija!

po keto vargje kush ka shkruar sofra?

Poezin Gjuha Shqipe e ka shkruar Gjergj Fishta.


Kto vargje kush i ka shkruar ?

GJYKIMI


Do të vijnë mbas nesh fëmijët tanë e fëmijët
e fëmijëve tanë
dhe ata do të flasin për ne, ata do të gjykojnë
për ne-
(Breznitë veprat i gjykojn .. -ka thanë nji njeri i
madh!)-
dhe nuk do t’na dënojn, e dij, për belbëzimet
tona, shtërzimet’
për gabimet-t’vogla e t’mëdha-për të
mbërrimet tona...
Pse-kush ka faj që prindet s’na lanë gadi kurrgja
-pos vorreve dhe padijes;
kush ka faj që aq kohë-errësija dhe vetmija-
si mrazet e pranverës kanë mbyt filizat mu në farë?!
Do të vijnë mbas nesh fëmijët tanë e fëmijët e fëmijëve
tanë-breznitë,
dhe ata do të dijnë për ne, se ne jemi pjella e Ditës
së Re-dhe plot diell e dashni;
do të dijnë për ne, e dij, dhe do t’ua kallxojnë me
binduni fëmive të vetë
si kemi ngallnjye, nga hini dhe vjetërsia,qytete t’reja,
fabrika dhe katunde...
si kemi shkrue kangë, si kemi thurë tregime-
tue belbzue ebecenë dhe gjuhën vetë...
(Dhe, ani, që të gjithë jemi marrë me çd! o gja, si me
qenë mjeshtra çollakë,
me pak dije po me shumë e shum vullnet...)

Pezine ''GJYKIMI '' e ka shkruar ESAT EMKULI
Po kete poezi kush e ka shruar?

Kur një mëngjes

Do te jete mengjes e une do te vi patjeter.
Mbi xhaketen time do te kene rene petale
Nga lulet e kumbulles se vjeter,
Nga lulet e thanes se tharet.

Ahere ti s'do te jesh zgjuar akoma.
Une do te them emrin tend ne xhame
Dhe do te vershellej te dashuren kengen tone:
"Ti cele heret, moj bajame!"

Do vershellej ngadale-ngadale
E s'do prish gjumin tend te bukur.
Do bien mbi mua petale
E do ulet ne sup nje flutur...

E, kur syte te hapesh, do te shohesh
Romantikun e perjetshem ne xhame
Dhe kengen e dashur do njohesh:
"Ti cele heret, moj bajame!"

Poezin Kur një mëngjes e ka shkruar Dritëro Agolli


Kush i ka shkruar këto vargje ....?

Mund të marr udhë

Gjithçka mund të ndodhë
Në çastin tjetër mund të mos jem
mund të marr udhë
bie fjala për në Gullag
apo në Shat El Azar
për në Uzbekistan
të të shkruaj letra të shkurtra
e dashur

Mirë jam
jam në jetë

Poezi e bukur nga Agim Mala

Keto kush i shkroi ???

Memedheu

Memedhe quhete toka
ku me ka renure koka,
ku me ka dashur mem' e ate,
ku me njeh dhe gur' i thate,
ku kam pasure shtepine,
ku kam njohur perendine,
stergjyshet ku kane qene
dhe varret qe kane vene,
ku jam rritur me therrime,
ku kam folur gjuhen time,
ku kam fis e ku kam fare,
ku kam qeshur ku kam qare,
ku rroj me gaz e me shprese,
ku kam deshire te vdese....

E ka shkruar ANDON ZAKO CAJUPI
Kete kushe ka shkruar?

Femrat jane njesoj

Femrat jane shikim i zbehte
i henes verdhacuke
nates se pagjume te veres
mbeshtjelle me rroba banjoje
shatervan epshesh te etur
te jetes.

Femrat jane nje lloj mengjesi
i lagesht vesor.
Model nudo i penelit jane femrat
dhe poetpijanecit:
percartje talenti
ethesh dashurore.

Femrat jane jetimore
e ndienjave rrugace
nen rrecka kujdesi shpefillur
dhe dallge deti xhuxhe jane
qe shkumbojne bregun:
( i pafuqishem inati
ndrydhur ne pamundesi shprehjeje).

Femrat jane njesoj:
-ylber shkaperthyes i rrezeve
ne pyllin e trullosur nga furtuna
- mall i permbysur mutthenes
rrufitur me gllenjka te vogla
- dehje ferneti
- virus HIV
- asfiksim
pastaj:
- bilete avioni per larg
- miniatura e nje kurve
- ca vjetersira te daleboje melankonie.
Njesoj jane femrat
motive ndarjesh me dhimbje.

Femrat jane shembelltyra
e budallepsur e seksit mashkull,
te cilit kravaten i lidh
perpara takimit ... me nje femer tjeter

Kete poezi shkroi Endri Xhafo ???

eh kjo sa e mire

Të dua, baltë shqiptare!
të dua egërisht,
dëshpërimisht-
si ujku pyllin,
si vala valën,
si balta baltën!
Se gjer mbi gju
jam brenda teje;
se lerë kam këtu
si ati,
gjyshi,
stërgjyshi.
Të dua,
baltë shqiptare,
se gjer mbi bel
dhe përmbi bel...

Mitrush Kuteli i paska shkruar Euridika
ja edhe ne anglisht

I love you, Albanian dirt.
I love you
ferociously,
desperately
relating to you
as wolf to forest,
wave to wave
and dirt to dirt.

Up to my knees
I'm into you,
born out of you
as was my father
and grandfather
and great-grandfather

I love you, Albanian dirt,
up to my waist
and higher yet.



kush i shkroi keto?

PAMJE VJESHTE

Shkoi vera
.....Si hije,
Fryn era,
.....Shi bie.

Lart qielli
.....Si plumbi,
Shkoi dielli,
.....Na humbi.

S'ka jetë-
.....Ra brymë,
Bar, fletë
.....Pa frymë.

Rri zogu
.....Te hajë,
Te shtogu
.....Mi majë.

Ka gojë;
.....Do jetën,
Ta rrojë
.....Të shkretën!

Gjahtari
.....Del gjahut;
Druvari
.....Dru krahut.

Del bujku
.....Mbleth berrat;
Te ujku,
.....Nër ferrat!

Larg fshatit
.....tingllime...
Rreth shtratit:
.....Dëfrime!

Pamje vjeshte i ka shkruar Asdreni


Kush i ka shkruar këto vargje ;


Pershendetja e fundit

"Pershendetja e fundit" Ibrahim Kodra
........................

Keto te kujt jane??

O moj Shqypni, e mjera Shqypni

O moj Shqypni, e mjera Shqypnikush t'ka qit me krye n'hi?
Ti ke pas kene nji zoje e rande,
Burrat e dheut te thirrshin nane.
Ke pase shum te mira dhe begati,
me vajza t'bukra e me djelm t'ri,
gja e vend shume, ara e bashtina,
me arme t'bardha, me pushke ltina,
me burra trima, e me gra t'dlira;
ti nder shoqet ke qene ma e mira.
Kur kriste pushka si me shkrep moti,
zogu i shqyptarit gjithmone i zoti
ka qene per lufte e n'lufte ka dekun
e dhune mbrapa kurr si ka mbetun.
Kur ka lidhe besen burri i Shqypnise,
i ka shti dridhen t'gjithe Rumelise;
nder lufta t'rrebta gjithkund ka ra,
me faqe t'bardh gjithmon asht nda.
Por sot shqypni pa m'thuej si je?
sikur lisi i rrxuem per dhe,
shkon bota sipri, me kambe, t'shklet
e nji fjale t'ambel askush s'ta flet
si mal me bore, si fushe me lule,
ke pas qene e veshun, sot je me crrule,
e s'te ka mbetun as em'n as bese;
vete e ke prishun per faqe t'zeze.
Shqyptar', me vllazen jeni tuj u vra,
nder nji qind ceta jeni shpernda;
sa thone kam fe, sa thone kam din;
njeni: "jam turk", tjetri: "latin"
do thone "jam grek", "shkje"-disa te tjere,
por jemi vllazen t'gjith more t'mjere!
Priftnit e Hoxhet ju kan hutue,
per me ju damun e ju vorfnue!
vjen njeri i huej e ju rrin n'voter,
me ju turpnue me grue e moter.
E per sa pare ju qi do t'fitoni
Besen e t'parve t'gjith e harroni,
bahen robt e njerit t'huej
qi nuk ka gjuhen, dhe gjakun tuej!
Qani ju shpata e ju dyfeqe,
shqyptari u zu si zog nder leqe!
qani ju trima bashke me ne,
Se ra shqypnia me faqe n'dhe!
e si ka mbetun as buke, as mish
as zjarm n'voter as drite, as pishe,
as gjak ne faqe, as nder nder shoke
por asht rrzue e bamun troke!
Mblidhiu ju vajza, mblidhniu ju gra,
M'ata sy t'bukur q'dini me qa
eni t'vjatojme shqypnine e mjere,
qi mbet e shkrete pa em'n pa ndere;
ka mbet e veje si grue pa burre,
ka mbete si nane qi s'pat djale kurre!
Kujt i ban zemra m'e e lane me dek
ket fare trimneshet, qi sot asht meke?
ket nane te dashtun a do ta lame,
qi njeri i huej ta shklase me kame?
Nuk, nuk! ket marre askush s'e do
Kete faqe t'zeze gjithkush e dro!
para se t'hupet kshtu shqypnia,
me pushke n'dore le t'dese trimnia!
Coniu, shqyptare prej gjumit coniu
te gjithe si vllazen n'nji bese shterngoniu
mos shikoni kisha e xhamia:
Feja e shqyptarit asht shqyptaria!
Qysh prej Tivarit deri n'Preveze,
gjithkund lshon diellli vape dhe rreze,
asht toke e jona prindt na e kan lane,
kush mos tna e preki se desim t'tane
Te desim si burrat qe vdiqne motit
Edhe mos marrohena para Zotit.

Euridika vargjet e më sipërme i ka shkruar > Pashko Vasa shiko posht në foto edhe foton.





Kush i ka shkruar këto vargje ?

Kush do ta vras ujkun

F. Altimarit

dhe lëtini tha

Po që se takon
Arbreshin dhe Ujkun
Vraje Arbreshin

Dhe kur fjala i ra në vesh
Arbreshi buzëqeshi
Dhe drodhi një cigare

Po që se më vret mua
more i gjorë
Kush do ta vrasë Ujkun?!

Mjerë kopeja.

SA te bukura keto vargje Sofra sa me bejne te me vije keq aq me bejne krenar dhe per te qeshur..
i paska shkruar Ali podrimja (nuk e kam lexuar me parë)

Kush i shkroi keto vargje??

O Flamur gjak, o flamur shkabë,
O vënd e vatr' o nën' e babë,
Lagur me lot, djegur me flagë,
Flamur i kuq, flamur i zi.

Fortesë shkëmbi tmerr tirani,
S'të trëmp Romani, as Venecjani,
As Sërp Dushani, as Turk Sulltani,
Flamur i math për Vegjëli

Flamur që lint Shën Kostandinin,
Pajton Islamn' e Krishtërimin,
Çpall midis feve vllazërimin,
Flamur bujar për Njerëzi.

Me Skënderben' u-lavdërove
Dhe në furtun' i funtmi u-shove,
Me Malon prapë lart vrapove,
Yll i pavdekur për Liri.

Sa shpesh pastaj për-dhe u-shtrive
Me zjarr e zi u-ndeze u-nxive,
Po çdo mizor me shpat' e grive,
O fushë-kuq, o shkabë-zi.

Përpjetë pri-e Shqipërinë,
Përlintj'a shpirtin dhe fuqinë,
Diell për vllanë, yrnek për fqinë
Për botën ëndr' e qjell i ri.

Vargjet qe soli euridika i shkroi noli,

po kush i shkroi keto vargje!?

Nëpër këmbë gjith’ e shkelin,
Vend në kopshtet ajo s’ka
Dorë ndihme kurrrë s’pa;
As e mbjellin, as e vjelin
Shkoi u tha…

Po veç ngjyra e saj si zjarri,
Si një yll që xixëllon
Tërë bota e imiton
Është shenjë për së mbari
Nga shikon.

mungon titulli, por nese e respektojme titullin e temes, atehere jo kush e shkroi poezine por kush i shkroi keto vargje.
besoj se nuk e keni veshtire,

pershendetje

Shumë e nderuara besa-besë ,keto vargje jan te Alex Stavre Drenova

edhe keto qe shenoj me poshte jan te bukura
kush i shkroi?

Perëndim i vagëlluar mi Liqerin pa kufir
Po përhapet dal-nga-dale një pluhúrë si një hije.
Nëpër Mal e nër Lëndina shkrumb' i natës që po bije,
Duke sbritur që nga qjelli përmi fshat po bëhet fir...

E kudó krahin' e gjërë më s'po qit as pipëlim:
Në katund kërcet një portë...në Liqer heshtë një lopatë...
Një shqiponjë-e arratisur fluturon në Mal-të-Thatë...
Futet zemra djaloshare mun në fund të shpirtit t'im.

Tërë fisi, tërë jeta, ra... u dergj... e zuri gjumi...
Zotëroj më katër anë errësira...
Po tashi:
Dyke nisur udhëtimin mes-për-mes nër Shqipëri,
Drini plak e i përrallshëm po mburon prej Shëndaumi...