BALLI KOMBETAR - KOLOBORATOR APO LUFTETARE?

IDEALI I KRYQEZUAR - Kujtimit te Abaz Ermenjit



Per fatin e trishte te popullit shqiptar, sot ne skenen politike kane dale forcat me te pandergjegjeshme, ambicioni i te cilave eshte vetem e vetem perfitimi dhe pasurimi me çdo kusht dhe pa marre parasysh mjetet qe perdoren. Kaq keq jane katandisur punet ne Atdheun tone te stermunduar, sa para se te kerkohet mafia ne fusha te tjera duhet kerkuar ne skenen politike. Nje mafie aq dinake dhe e sofistikuar saqe e ka kthyer politiken shqiptare ne nje rreth vicioz ku perplasen jo dy apo tre ide e programe, per çfare eshte e behet politika, por dy a tre individ, politikane te paskrupullt, te cilet per hir te interesave personale apo te klaneve qe u perkasin nuk e kane per gje ti vene flaken Shqiperise, siç ja vune ne menyre te vazhdueshme ne fillimet e demokracise por ne menyren me te pashpirt e makabre ne pranvere te vitit 1997. Po si ju be peshqesh ketij populli kjo kaste piranash qeverisese, qofshin te majtes apo te djathtes? Si ndodhi e si rrodhi qe ne menyre sistematike u shkatrrua çdo pasuri kombetare te ketij populli, qe per pesedhjet vjet vertete kishte hequr mundimet e Krishtit, por ama edhe pse nder me te varferit ne bote, me nje page per te mbajtur frymen, kish ndertuar hidoçentrale, fabrika e uzina, kish bere bonifikimin e fushave, kishte nje industri te naftes e te plehrave kimike, kish instaluar linje te tensionit te larte nga jugu ne veri e nga lindja ne perendim. Pra diç kishte potencialish ky popull, çfare e ushqente shpresen se kalimi ne sistemin e ri do te mund te behej pa eksese dhe vuajtje te medha ekononmike. Mirepo çfare ndodhi ne te vertete. Politika injektoi idene e mbrapshte te shkatrrimit, se do t'na i ndertonte kapitalizmi perendimor me te mira veprat industriale madje me teknologji moderne bashekohore. Do te na i ndertonte Amerika badihava... E keshtu politika i vuri flaken Shqiperise duke nxitur vjedhjet e shkatrrimet. Ne te vertete shkatrrimet ishin leverdia me e madhe e politikes, sepse beniaminet e dikurshem te komunizmit, qe tororisnin gjoja ide te zhvillimeve te reja te socializmit envero-ramizian ne gazeten "Zerit te Popullit", ( e qe sot shiten si ide reformatore qe paraprine demokracine ne vitet 90), dolen pra me pas si palikare te rinovuar ne skenat e tranzicionit. Dhe per ta bere me te besueshme nevojen e shkatrrimit, perhapen soj-soj teorish madje duke u vene ndermarrjeve, fabrikave e uzinave epitete si "uzinat e fabrikat e Enver Hoxhes", "Hidroçentralet e Partise", "Rrangallat e Diktatures". Pra perpunuan fillimisht platformen e shkatrrimit moral te industrise kombetare qe ta kishin me te lehte shkatrrimin material. I tere qellimi ishte qe si inisiativa ekonomike dhe politike te binte ne duart tyre a te bijeve te tyre e kurrsesi ne duart e njerezeve qe per gjysem shekulli konsideroheshin "armiq", te cilet duheshin izoluar ne menyrat me te sterholluara ekonomikisht e politikisht. Cila ishte kjo kaste e rinovuar dhe e konvertuar " demokratikisht" per te mbijetuar ne tribunat e jetes dramatike shqiptare edhe ne kushtet e reja te shembjes se komunizmit ane e mbane Europes. Kujt i takon merita e krijimit te ketij labirinthi pa rrugedalje, ketij kaosi qytetar, ketij mjerimi kombetar ekonomik qe u gjend Shqiperia ne dhjetvjeçarin e fundit te shekullit qe shkoi?! Dhe vazhdon si ogur i keq edhe pse gjysemdekata e shekullit te ri po kalon...

Natyrisht eshte thene e sterthene, ndaj nuk eshte veshtire te evidentohet emri i Ramiz Alise si krijuesi i klaneve dhe i skemave te politikes se sotme sipas mesimeve e stilit te inicuar nga Gorbaçovi ne Katovice te Polonise.Ose e thene ndryshe, diktatori i fundit shqiptar krijoi Katovicen Shqiptare si nje cikel i mbyllur brenda orbites se PPSH-se, nga frika e marrjes se pushtetit prej te djathtes nacionaliste kundershtare e PPSH-se qe ndodhej ne perendim, ne aleance kjo me "armiqt e brendshem" e klasat e permbysura. Frika e Ramiz Alise e kishte nje shkak. Fantazma e pergjakur e Nikolla dhe Elena Causheskut i shfaqej si Makbethit kufoma e Bankos. Prandaj dhe u ngut qe, ne leshimin e pare per pluralizmin, ne krye te forces opozitare te vinte patjeter nje ekip a lider komunist i argasur dhe i besuar. Nje njeri qe te ishte demagog i besueshem dhe orator i rrepte metingjesh, per te mos u lene hapsire forcave te tjera nacionaliste qe mund te ktheheshin nga jashte apo rizgjoheshin ne vend.

Le te hedhim nje veshtrim ne paralelen tjeter te politikes ne rradhet e forcave te quajtura nacionaliste. Shume intelektuale e njerez te thjeshte te popullit kishin shpresa tek nje idealist shqiptar i pakompromentuar si Abaz Ermenji, i vetmi i mbetur gjalle nga nacionalistet shqiptare te Luftes se Dyte Boterore, profesor ne Liceun e Korces, antifashist, komandant formacionesh te armatosura te Ballit Kombetar, organizator i rezistences antikomuniste, profesor universiteti ne France dhe udheheqes i nje force nacionaliste qe kishte arritur te mbijetonte ne mergim. Mirepo programi i partive ( socialistet+demokratet+soc.demokratet) ishte i tille, saqe arriti ta neutralizoje efektin e opozites se vertete te mbetur nga lufta civile ne Luften e Dyte Boterore. Natyrisht ketu duhet marre ne konsiderate se idealiste te njohur si Mid'hat Frasheri, Abaz Kupi, Muharrem Bajraktari kishin kaluar ne histori dhe pjesa e mbetur e nacionalisteve te perçare si mos me keq kishte marre tatepjeten ne mergim. Ndersa Legaliteti ishte nje force gati e paperfillshme e pa kurrfare influence perveçse kishte disa efekte nostalgjike tek disa bij oficeresh zogolliane. Influenca e mergimtareve nacionalist ne Shqiperi mbeti mjaft e vogel per shume arsye. Se pari sepse sistemi monist i kishte njollosur ne menyre te rafinuar nacionalizmin nderkohe qe kishte glorifikuar "internacionalizmin", keshtu qe brezat e lindur pas Luftes se Dyte Boterore ne Shqiperine e izoluar, kishin nje perfyrim krejt bardhe e zi per nacionalistet qe qene shperndare nga syte kembet ne Europe, Amerike e Australi, ku mendohej te ishin shuar e harruar. Ndaj shfaqja e tyre ne kryeqytetin e tensionuar shqiptar kaloi pothuajse pa bere ndonje efekt. Por s'duket harruar se qysh ne vitin 1990 ishte hartuar programi i neutralizimit te ketyre forcave duke perfshire edhe ato te ashtqujtura Legaliteti. Pra bijezat e PPSH-se, treshja kryesore udheheqese PS+PD+PSD (e si ne zingjir berthamor tashme derivon me parti bija te reja), perdoren njeqind menyra te sofistikuara qe lojen e pushtetit pozite-opozite ta benin ndermjet vehtes, e kurr te mos linin qe forcat e djathta te verteteta te organizoheshin deri ne shkalle sa te perbenin nje mase rrezikuese per interesat e tyre. Kungullesha e Kuqe e ndare ne tre pjese duke u koloruar sipas ide-projektit ramizian, kishte kete detyre historike, njera, PS-ja mori persiper vazhdimin e demaskimit te forcave nacionalist me te cilat trembte popullin si me gogolin e perrallave, nderkohe simotra e saj siameze PD-ja i mbante nacionalistet prane si aleate te vegjel duke i mbikqyrur, imponuar, zvenitur, dekoloruar, per te mos ta lene kurre qe te jene force rivale. Pozicioni dhe programi antinacionalist i PS-se ishte i afishuar, nderkohe pozicioni dhe programi i PD-se ishte i kamufluar. Mirepo kjo e fundit, duke qene ne pushtet, kur vinin ne evidence çeshtje kardinale si ajo per Kosoven apo çeshtja e pronave, shkiste si ngjalle nga ujrat blu te djathta ne ujra roze te PS-se, ndersa per çeshtje kombetare kreu demokrat e kishte deklaruar ne Krasna Montana se çeshtja e Kosoves ishte çeshtje e brendshme e Jugosllavise. Presidenti Berisha njekohsisht beri nje futje spektakolare te Shqiperise ne Konferencen e Vendeve Islamike duke e lene diplomacine e qarqet Europiane me goje hapur. Edhe sot ne ate konference jemi nderkohe qe Europen e kemi ende nje shekull larg... Ne kete periudhe forcat nacionaliste te grupuara ne dy parti kryesore, Balli Kombetar dhe Legaliteti kishin rene ne nje gjume letargjik.Keshtu dhe Partia Republikane e Godos qe kishte kontradikta me te dy krahet. Pra kerkonin mbi te gjitha te mbijetonin dhe prandaj e pranonin me kenaqesi serumin e PD-se per prani sado simbolike ne parlament.. Gjate kohes qe ishte ne pushtet, kjo e fundit perfitonte jo pak nga fasada e ketyre partive per te theksuar gjoja tonet blu te djathta, qe ishin aparenca e saj neper tribuna metingjesh. Mirepo qendrimi ndaj prones, e mos kthimi i tokave pronareve te ligjeshem krijoj hendekun e pare serioz ne mes te nacionalisteve dhe udheheqesve te Partise Demokratike ne pushtet. Prej kesaj çarje te vogel fitoi jo pak Partia Socialiste qe ishte katandisur si mos me keq pas futjes se liderit te saj Fatos Nano ne burg per korrupsion ekonomik me ndihmat e huaja per Shqiperine. U desh hartimi i nje projekt-kushtetute, ne te cilen parashikohej nje pushtet autoritar e disi absolut te presidentit qe jetonte euforine e vet ne mes te nje servilizmi e apatie totale te nenpunesve e te kuadrove te partise se vet. Gjysma roze e ish PPSH-se e ndjeu se ishte situata me e mire per nje revansh ndaj simotres se vet siameze blu. Projektkushtetuta e rrezuar nga votimet ne nje referendum popullor i vuri panikun militanteve te partise ne pushtet, te cilet edhe ata rimoren revanshin e vet historik. Ne zgjedhjet e vitit 1996 u treguan kaq shume te zellshem militantet e partise ne pushtet sa thuajse harruan se zgjedhjet kane rregulla e ligje rigoroze e monitorohen madje jo vetem nga masmedia vendase por edhe nga perfaqesuesit e huaj. Dhe keshtu, hapur fare me entusiazem bolshevik, shperndaheshin fletvotime te panumurta neper duart e militanteve, te cilet i kthyen zgjedhjet ne mitingje partiake bubulluese. Rezultati dihet.Pushteti ne fuqi fitoi ne menyre spektakolare krejt ngjashem me fitoren e Frontit dhe komunisteve te Enver Hoxhes ne fundin e vitin 1945.

Keto zgjedhje sollen precidentin me te demshem dhe te rrezikshem per demokracine e brishte shqiptare. Ishte nje kthim galopant pas i demokracise renqethese. Te huajt pane se shqiptaret, çuditerisht ishin vetekthyer ne atmosferen e zgjedhjeve te diktatures moniste ku pushteti fitonte "Njezeri " me mbi 90 perqind te votave. Precedentet e absurditeteve te diktatures ishin rikthyer si fantazma te frikshme ne zgjedhjet e pranveres 1996. Forcat nacionaliste edhe pse te pakta dhe pa influence te madhe ne skenen e politikes shqiptare, u gjenden para nje situate te paparashikuar. Edhe pse deri atehere kishin pranuar te qendronin nen hijen e PD-se ne pushtet, per shkak te interesave te se djathtes, ata nuk mund te pranonin qe demokratet, aleat ne pushtet, te operonin me mjete e stile te praktikuara dhunshem nga komunistet ne monizem. I ndodhur perpara ketij fakti trondites, idealisti kombetar Abaz Ermenji, qe udhehiqte (jo pa probleme) Partine e Ballit Kombetar, refuzoi ne menyre kategorike te shkelte ne parlamentin e sapo zgjedhur. Pra e refuzonte vendin e deputetit qe i kishte rezervuar e "djathta" pas "fitores se bujshme". Tek ky nacionalist principet idealiste dhe respekti ndaj popullit, te cilin e konsideronte sovranin e vetem, ishin mbi interesat e partise se tij dhe mbi interesat e nje vendi ne parlament packa se i enderruar nga çdo idealist qe kerkon ti sherbeje Atdheut.

Abaz Ermenji po jetonte nje nga dilemat me tronditese te jetes se tij ne skenen e politikes e te nacionalizmit. E dinte se kampi roze i PS, megjithese e sulmonte ne menyrat me te paprincipta, madje duke e quajtur Profesorin e moshuar deri dhe kriminel, do ta priste me brohori reagimin e tij. Cfare duhet te bente nje nacionalist e idealist kombetar ne nje situate te tille? Prinjesi plak e luftetari gjysem shekullor i lirise ndodhej si ne mes te Shilles e Karibes se politikes? Deri atehere kishte jetuar me shpresen se e djathta nacionaliste do te triumfonte drejtesisht e ndershmenisht ne Shqiperi. Po ky nuk ishte triumf. Ky ishte turp. E per me teper marrje neper kembe e popullit. Sovrani ishte kthyer ne çirak dhe mbi zverkun e tij kaleronin dhunuesit e zgjedhjeve te lira. Abaz Ermenji, komandanti i çetave nacionaliste, profesor universiteti ne France , i cili me aq kompetence kishte shkruar nje liber madhor "Historia e Shqiperise", kish nje dinjitet te larte e nuk mund te lejonte qe te shkeleshin parimet kushtetuese dhe parimet e lirise, per te cilat kish luftuar tere jeten. Si nacionalist ishte afruar fillimisht me forcat demokratike por nuk kishte arritur te kuptonte, ne fillimet e pluralizmit, se Shqiperia kishte rene viktime e skemes se Katovices per transferimin e pushtetit ne te njejtat shtresa te privilegjuara te kastes komuniste, inicuar kjo ne zyrat hijerenda te Komitetit Qendror te PPSH. Edhe pse antikomunist i sprovuar ne Luften e Dyte Boterore e gjate dekadave te luftes se ftohte, ai kishte pranuar qe te afrohej prane aleances se djathte, ne qender te se ciles ishte Partia Demokratike edhe pse ne udheheqje te kesaj force politike kishte ish-komuniste dhe pinjolle te baballareve qe per gjysem shekulli e terrorizuan popullin shqiptar.

Idealizmi kombetar dhe besimi ne triumfin e demokracise e vuri Abaz Ermenjin ne nje front me ata qe lirise, demokracise dhe vete popullit ja kishin me te lig. Abaz Ermenji nuk arriti ta nuhaste lojen e prapaskenave, nuk arriti gjithashtu te mblidhte rreth vehtes perkrahes idealiste. E keshtu partia e tij, kundershtarja me e rrepte e Partise Komuniste te Enver Hoxhes mbeti nje formacion politik i zbehte e me rol periferik. I ndodhur ne nje gjendje ku e ashtquajtur e djathta, tek e cila mbahej shpresa, i kish tradhetuar idealet e tij, luftetari plak i lirise nuk mund te behej pjese e nje loje cinike. Ai nuk mund te hynte ne ate Parlament, i cili nuk e kishte legjimitetin e shprehjes se vullnetit te lire te popullit. Me popullin ishte lozur. Populli ishte tradhetuar e per me teper ish neperkembur. Abaz Ermeni ishte ndodhur perballe plumbave, por syri nuk i ishte trembur sepse e kishte taksur jeten per idealin. Por tani, ne pleqeri te vone, kur mendoi se arriti ta shohe e jetoje ate dite te bardhe te çlirimit te njeriut prej dhunes, per te cilen luftuan por nuk e arriten burra te ndritur te kombit si Mid'hat Frasheri, veterani kombetar papritur, ne maj 1996, ndjeu se diçka brenda tij po thyhej. Luftetari u lodh, u kerrus, syte ju mbyllen me dhembje se nuk mund te shihte se si po kryqezohej si Krisht per te dyten here ideali i tij kombetar e populli i tij te pergjunjej e te poshterohej. Demokrati Abaz Ermenji, i ndodhur ne mes te dy forcave te errta te rrjedhes bashkohore kombetare, vendosi qe si nje kapiten i besnik te mbytet bashke me anijen e tij, pa ambicje per te dale ne bregun e kompromiseve te pamoralshme. U ul e shkroi, ashtu si dikur ishte shkruar Dekalogu i partise se tij nacionaliste Balli Kombetar, Pronemorjen e denoncimit te farses se zgjedhjeve te 26 majit 1996, denoncimin e mashtrimit cinik qe ju be popullit shqiptar, refuzimin e vendit te deputetit ne parlamentin e turpit dhe hipokrizise, duke e lene keshtu pas vehtes kete akt te larte qytetar, si testamentin e tij te fundit politik.

Kohe me pas veterani kombetar Abaz Ermenji, do te mbyllte syte ne Paris, i lene ne harrim si atehere dhe sot e kesaj dite, sepse ishte me shume idealist kombetar se sa duhej, ne kete epoke mjerane, kur shkelqimi i perket yjeve te korrupsionit te politikes dhe klaneve mafioze, me ose pa pushtet.

Kolec Traboini

Mithat Frashëri - udhëheqës i Ballit Kombëtar



Është një ndër e përgjegjësi për mua që të referoj para jush për intelektualin, ideologun dhe patriotin e madh të kombit tone MITHAT (AVDYL) FRASHËRI, ideali i veprimtarisë së tij ishte krijimi i Shqipërisë Etnike. Mithat Frashëri u lind me 1880 në Shqipëri në një familje me tradita të mëdha kombëtare. Babai i tij Avdyl Bej Frashëri, ishte kryetar i Komisionit për punë të jashtme të "Lidhjes së Prizrenit", organizator kryesor i Kuvendit të Prevezës (janar 1878), kryetar i delegacionit të Lidhjes në disa shtete të Europës, pra ishte një ndër politikanët më eminent të asaj kohe që tërë jetën ia kushtojë zgjedhjes së çështjes kombëtare dhe pavaresisë së Shqipërisë. Mithat Frashëri, qysh në fëmijëri u shkollua dhe u edukua në frymën patriotike kombëtare nga babai dhe nga mixhallarët; Naim Frashëri poet i madh i Rilindjes Kombëtare dhe Sami Frashëri, mendimtar i madh i Rilindjes Kombëtare. Komisioni i Vlerësimit të Figurave të Martirizuara, Instituti i Historisë së Shqipërisë, në vitin 1996 në Tiranë ka organizuar Seksionin shkencor kushtuar Mithat Frashërit. Në këtë referat do t'i ceku disa të dhëna të cilat u referuan në këtë Seksion shkencor. Mithat Frashëri ishte një nacionalist i madh shqiptar, ka qenë ministër në Qeverinë e Ismail Qemalit, si përfaqësues i Shqipërisë në Konferencën e Parisit (1919), si deputet i Përmetit në Parlamentin shqiptar, si ambasador i Shqipërisë në Greqi etj. Nëpërmjet veprimtarisë politike diplomatike dhe tribuna të shtypit të kohës, disa prej të cilave i themeloi dhe i drejtoi vet, ai u afirmua si nacionalist. Mithat Frashëri gjithmonë u përpoq për fuqizimin e nacionalizimit shqiptar dhe zbatimin e parimit të vetëvendosjes së popullit shqiptar. Mithat Frashëri ka luajt një rol të madh në mbrojtjen e çështjes shqiptare, gjate tërë kohës që jetoi dhe veproi. Veprimtaria e tij si diplomat poliglot, politikan dhe njeri i kulturës, boshti i së cilës ishte realizimi i Shqipërisë nga bashkimi i katër vilajeteve; Shkodrës, Shkupit, Manastirit dhe Janinës. Mithat Frashëri përdori të gjitha mjetet legale për mbrojtjen e çështjes shqiptare në arenën ndërkombëtare, që nga fjalimet, letrat, prememorjet, debatet në Konferencat dhe takimet europiane e deri te hulumtimi dhe argumentimi i historisë dhe autoktonisë dhe vijimësimi shqiptaro-ilire në Shqiperi. Mithat Frashëri pengoi shpërnguljen e Çamëve nga Greqia si dhe denoncoi në shkurt të vitit 1941 me një Promemorje qëllimet kolonizuese të ltalisë fashiste në Shqipëri. Ai gjithashtu në Konferencën e Paqes në Paris (1946) shpalli botërisht tragjedinë që kishte pllakosur vendin e tij me ardhjen e komunizmit në pushtet. Me kulturën e tij të pazakontë, njohjen e disa gjuhëve; anglisht, gjermanisht, italisht, turqisht etj. Ai ishte një nga përfaqësuesit më dinjitozë të Shqipërisë në forumet ndërkombëtare dhe sferat kulturore të botës. Filozofia e tij kombëtare, konceptet e tij politike dhe kulturore japin përgjigje të pagabeushme se nga duhet të ecë Shqipëria. Kontributi i madh teoriko-politik i asaj kohe ishte Dekallogu i Ballit Kombëtar, i hartuar ne vitin 1942.

Dekallogu (1942)

"Në robëri puna e jonë është lufta, Në liri lufta e jonë është puna"

l. Luftojmë për Flamurin Kuq e Zi, për mbrojtjen e të drejtavet të popullit Shqiptar .

2. Luftojmë për një Shqipni të lirë, ethnike, demokratike, me baza shoqënore moderne.

3. Luftojmë për një Shqipni ku do të mbretënoje lirija e fjalës dhe e mendimit.

4. Luftojmë për një Shqipni të rregullueme ekonomikisht dhe shoqënisht në mënyrë që të mos ketë shrfytëzues dhe të shfyrtëzuem, do me thanë të mos ketë njerëz që jetojne në shpinë të të tjerëve; mos të ketë bujk pa tokë të vetë të mjaftueshme, punëtorë krahu dhe mendjeje pa banesë dhe jetë të sigurueme, pra për nji Shqipni të rregullueme me një sistem ekonomik rranjësisht te riformuem,simbas shpirtit dhe nevojavet të popullit Shqiptar.

5. Luftojmë për një Shqipni ku do të zbulohen, do të përkrahen dhe do të rriten vlerat e mëshehuna në çdo shtresë të popullit me anë të shkollës Shqiptare.

6. Luftojmë për një Shqipni ku do të çmohen drejtësisht të gjitha vlerat pa dallim moshe, krahine, besimi a klase.

7. Luftojmë për të formue një Shqipni të drejtueme nga njerëz të pa komprometuem, nga shqiptarë që nuk janë kursye, në çdo kohë e në çdo rrethanë, për shpëtimin dhe të mirën e këtij vendi, prej burrash punëtorë të aftë e të ndershëm.

8. Luftojmë për një Shqipni që do të dënojë pa mëshirë dhe në mënyrë shembëllore anti-patriotët, trathëtarët, të shitunit, ngatërresarët, spekulluesit, spiunët; për një Shqipni ku nuk do të kenë vend dallkaukët, servilët, feudalët dhe të gjithë ata që pengojnë zhvillimin dhe përparimin e Shqipnis së Rilindun.

9. Luftojmë për të harmonizue dhe bashkue energjinat e Kombit, për të gatue bashkimin mendor dhe shpirtnor të të gjithë Shqiptarëve.

10. Luftojmë për mobilizimin e të gjitha fuqive të gjalla të Kombit, kundra pushtuesit, për realizimin e idealit të lartë kombëtar: "Shqipnia e Shqiptarvet".Bashkimin e gjithë kombit shqiptar dhe të forcave politike si imperativ historik e kuptuan të parët nacionalistët të cilët vinin mbi gjithçka interesat dhe çlirimin e Atdheut të pushtuar nga fashizmi .

Mithat Frashëri, Abas Kupi, Hasan Dosti si dhe nacionalistët brenda Frontit Nacional - Çlirimtar; punuan me durim dhe largëpamësi që të bindin edhe komunistët dhe drejtuesit e PKSH për të bashkëpunuar për një luftë pa kompromis kundër pushtuesve dhe për vetvendosjen e popullit shqiptar të Kosovës.

Por diktatori Enver Hoxha dhe udhëheqja e PKSH, të derizhuar nga misionarët e PKJ; M.POPOVIQ; D.Mugosha dhe S.V.Tempo e hodhën poshtë marrëveshjen historike të Mukjes dhe me këtë u vunë kazmën fatit të Shqipërisë dhe të Kosovës,sipas skenarit të përgatitur në Beograd.

Letra e Enver Hoxhës

Udhëzim sekret i Komandantit të Përgjithshëm të Ushtrisë Nacional Çlirimtare, Enver Hoxha, dërguar më 1 tetor 1943 gjithë Komiteteve Qarkore të PKSH-së.

"Ne duhet të ndërhyjmë e të godasim pa mëshirë Ballin Kombëtar. Asnjë hezitim...ndryshe ne jemi të humbur në qoftë se veprojmë me zemër prej murgeshe. Balli nuk na liron pushtetin dhe askush tjetër në qoftë se nuk e rrëmben me forcë... Mbaroi çështja e bashkimit me Ballin, s'jemi më në atë periodë, tash Balli duhet të demaskohet si një organizatë reaksionare...demaskimi të bëhet i vazhdueshëm dhe ne vemi drejt likujdimit të Ballit dhe jo të bashkimit me të. Në rast se ai gjen rast të vendoset në ndonjë fshat a qytet, duhet të veproni përnjëherësh edhe ushtarakisht kundër tij.

Vendimi i K.Q. të Ballit Kombëtar

Vdjekje e tradhëtareve. Liri e Shqiptarëve. 7 nentor 1943."Sot më 7 nëntor 1943 me pikëllim dhe hidhërim të madh Komiteti Qendror i Ballit Kombëtar, aprovoi me pikëllim luftën civile, tue mos ba asnjë ritiratë (tërheqje) më përpara provokacioneve, pse këto ritirata u konsideruan frikë e dobësi dhe sollën këto ditë të trimi të Kombit tonë. Shtojmë se para këtij aprovimi fatkeq, Balli bëri një thirrje të fundit 15 dite afat, ku lutet për marrëveshje, por më kot'.

SHQIPËRIA E SHQIPTARËVE; VDEKJE E TRADHËTARËVE THIRRJE RINISË KOMUNISTE SHQIPTARE RINI KOMUNISTE.

Rinia nasionaliste, në këto çaste tragjike dhe vendimtare për Kombin tonë, po u drejtohet juve të rinjëve komunista dhe ju fton për të çkoqitur disa mosmarrëveshje që janë çfaqur dhe vazhdojnë të çfaqen në një mënyrë të rrëmbyer. Tensioni i nervozizmit në mes tonë ka arritur kulmin. Nuk ka ditë që të mos konstatohen fyerje reciproke. Marrëveshja e Mukajt u prish!? Lidhja që u bë në pranverën e kaluar në mes të instituteve shkollore nuk ekziston fare!? Menjëherë nuk ka asnjë bashkëpunim! Ne jua kemi thënë haptaz gjithmonë, se nuk bëjmë luftë ideologjike dhe se nuk jemi një parti, por jemi lidhur me një organizatë e cila lufton vetëm për shpëtimin e Atdheut

RINI KOMUNISTE! Që të gjithë jemi bijtë e këtij vendi dhe si tillë e kemi për detyrë të përpiqemi për t'a shpëtuar. Nuk është e drejtë ta shohësh nacionalistin si një armik, bile siç thonë disa prej jush, si armikun numer 1.

RINI KOMUNISTE! Sot po ju njoftojmë ju të gjithëve të rinjëve komunista se mosmarrëveshja e jonë ka filluar të shkaktojë vëllavrasjen e njëkohësisht po kënaq okupatorin gjerman, i cili duke përfituar nga kjo grindje do të shtojë ditët e qëndrimit të tij n'Atdheun t'onë. Ejani, o të rinjë komunista, të bëjmë një blok të vetëm, të bëjmë një rojë të përbashkët qoftë në katund, qoftë në qytet.

Ejani t'i bashkojmë forcat. Të heqim dorë nga grindjet që të mos mundi të na thyejë asnjë armik. Kërkoni marrëveshjen e Mukajt që është shprehja më ideale e bashkimit të popullit Shqiptar: atë marrëveshje që kemi dëshiruar të gjithë ne të rinjtë dhe që shtytja dhe këmbëngulja e jonë e shpejtoi!

Shpejtohuni, sepse siç po shihet, këtu do të ndodhin gjëra të tmerreshme dhe tragjike! RINIJA E BALLIT KOMBËTAR. Nga malet e Shqipërisë 12 Tetor l943.

Pasiqë Mithat Frashëri, i dëshpëruar largohet nga Shqipëria, veprimtarinë e vazhdon në mërgim. Ai denoncoi politikën diktatoriale të Enver Hoxhës dhe të PKSH, që po e lidhte Shqipërinë me vendet sllave.

Kulmin kjo vepirimtari e arriti më 1949 kur nga Bashkimi i emigracionit politik shqiptar jashtë atdheut u krijua Komiteti Shqipëria e lirë, në krye të të cilit u zgjodh Mithat Frashëri.

Mithat Frashëri ishte për demokracinë dhe theksonte se "nuk është nacionalizëm të kërkojmë bashkimin kombëtar dhe Shqipërinë Etnike", duke e argumentuar se një e drejtë e tillë është natyrore dhe e sanksionuar në Dokumentet e së Drejtës Ndërkombëtare.

Mithat Frashëri, kontriboi edhe në gjuhë dhe letëresi shqipe. Pati rolin vendimtar dhe ishte kryetar i Kongresit të Manastirit (1908), ku u caktua alfabeti latin i shqipes. Në letëresi shkroi prozën "Hi dhe Shpuzë", u dallua edhe në publicistikë, didaktikë, etj .

Bibliotekës Kombëtare Mithat Frashëri i dhuroi 18 mijë libra dhe shumë dokumente të rëndësishëm që ruhen në Arkivin e Shtetit, janë një pjesë e trashëgimisë shumë të çmuar që ai la kulturës sonë kombëtare.

Vdiq në vitin 1949 në rrethana ende të paskjaruara, mirëpo nuk vdiq veprimtaria e tij gjysëmshekullore, që ia la Atdheut që aq shume e deshti.

Në fund vlenë të përmendet edhe Testamenti i Mithat Frashëri prej 12 pikash i 29 prillit të 1926 me të cilin ai e lë peng gjithë pasurinë e tij të tundshme dhe të patundshme për ngritjen e Institutit Albanologjik në Tiranë, në një copë të së cilit dëshironte të kishte edhe varrin e tij.

SHQIPËRIA SHQIPËTARËVET -VDEKJE TRADHTARËVET



Nimon Mulliqi

tradhetija e mithatfrasherit dhe erminjit nuk falen ata shkelen mbi luften nacinal clirimtare ata nuk i largoj enver hoxha por u larguan nga turpi ngase u pane qellimet e tyre per gelltitjen e shqipris kur shqiperija ishte ne ate koh pa krye u gjet shku enver dhe e regulloj e ruajti dhe sot kemi shqiperi n ne sot se sa per ata as qe dote ishim ne sot a sa per ballin qe ka luftuar ne viset e maqedonis e ka ber luft kunder sllaveve atyre u jemi mirnjohes por kan qen te ndar
dhe skan pas fare lidhje te bejne me grupin e mitat frasherit e ermenjit andaj sote xheme hasen e thirim hero se verau sllav e keta tjeret veran shqipetar nuk ja deshen te miren shqiperis tradhetij e kulluar ka qen balli ne krye me mithat frasherin e ermenjin se kishen vetem e vetem te shisnin shqiperin si tip i esat pash toptanit

Dhe per t'i dhene ngjyra sa me dramatike kesaj ceshtjeje si edhe per t'i nxjerre ballistet e zogistet heronj, theror, deshmore (te pulave), kane sajuar luften civile. Demek ne Shqiperi u be lufte civile, vellavrasese. Bastarde politike dhe humbesa. Balli mori anen e armikut, spiunoi e vrau sa deshi njerez te ndershem, patriote, komuniste te thjeshte e partizane. Qe kur lufta kunder bashkepunetorit te armikut u quajtkerka lufte civile? Keni degjuar ju per ndonje lufte civile ne France gjate pushtimit fashist? Ishte lufte kunder pushtuesit dhe bashkepunetoreve te tyre francez qe, llogjikshem, u trajtuan, gjykuan e u ekzekutuan si te tille. Kohe lufte, apo jo?

Humbesat jane humbesa.

Ballistat ishin nacionalista. Une i kam takuar sot ne emigracion. Kjo ma perforcon bindjen. Ata jane atdhetar.

Po ka qena qe flasin edhe shkruajn kunder PPSH kunder Enver Hoxhes, klyshat e fadilit, sinanit, alishukris qe shkruajn libra mbrapsh kunder atyre qe e dhan jeten per lirin e Shqiperis si librin qe e paska shkru nje far "quku". Le te ec quku edhe le te shkruan sa te doje se qukat mbesin vetem quka edhe ja bajn qefin serbise qe falsifikojn historin e LNC te Shqiperis kte teze e ka shkul per toke historiani Ali Hadri ku serbet falsifikonin historin duke thene se PKSH e ka forumiar mugosha Milladini me Titon , pollavrat titiste per ta gllaberuar Shqiperin edhe krejt Ballkanin Titistet edhe sot mundohen te shpifin te hedhin balt mbi luften nacional clirimatare duke favorizuar ballin ne Shqiperi i perkrahin fundrinat e nazizmit tradhetare e bashkpuntor te kombit.

Se pari nje falenderim te sincerte per, luboteni i cili e paraqiti kete teme shume interesante.... se dyti ju flm.te gjithe juve qe shprehni idete dhe mendimet ne kuader te respektit te ndersjelle dhe pa fyerje te padeshiruara per gjithe ne.... une i lexoje te gjithe mendimet dhe kam filluar te mbledh shume materiale interesante per nje ceshtje te cakruar..... andaj ju lus juve qe keni mendime dhe fakte te tjera per kete etape sa te ndritur aq te erret sa te cliruar aq e roberuar sa e beses aq e tradhetise...... respekt te vecante per juve qe do me zbardheni ende fakte per tme ndihmuar ne nje projekt te caktuar...... pa keqkuptime dhe njehere flm.per miresjellje.
Me respekt.

ZeriAtdheut,

A dolem te humbur po te fituar ne luften e dyte boterore?
Cili eshte mendimi juaj?

ne luften e dit botnore prap dolem te fituar se ishte ne rezik shqiperija
dhe fituam qe e ruajtem shqiperin
se cdo kush donte te gllabroj shqiperin ne ate koh dhe kete ju e dini shum mir un e dij qe fajn menjiher dote ja hudhni enver hoxhes por nuk eshte fajtor enveri se aq ka mundur ai shiqyr zotit qe shpetoj shqiperija dhe na ndimoj ne kete qe ne sote e aritem me ten sakrificat ky eshte mendimi im nuk dua fyerje as sharje por realitete te fliten vellazen mos te shajm asken d po te flasim urt e but si vllezer shtruar gjenat dhe te bashkuar me mirkuptim te shprehim mendimin tone e te vlerspjm mendimin e secilit ketu qoft i mir apo i keq pa mar para sysh doti flasim te gjithe qe te gjejm perfundimin e nje ruge te drejt me mirkuptim te ecim bashk perpara deri ne realizimin e aspiratave tona te perbashketa andaj te punojm se bashku te ditur e te mos ditur mos injorojm asnjerin po te vlersojm fjalen e secilit qe te na sherbej si sgjidhje e ceshtjes andaj perpara drejt bashkimit vellezer e motra te bashkuar bej forcen se serbija gjithmon kur ka qen ne pytje qeshtja per shqiptaret ata jan treguar aq te bashkuar per te ber qmos qe te arin ate qe duan adaj edhe ne te bashkuar mberim gjithcka me mirkuptim dhe gjak ftotehsij JU UROJ PUNE TE MBAR E SUKSESE NE DREJTIM TE BASHKIMIT KOMBETAR ROFT BASHKIMI ROFT RINIJA JONE HEROIKE QE NUK U NDAL KURE NE NDERTIMIN E BASHKIMIT KOMBETAR ROFT SHQIPERIJA

zeriatdheut:

pergezime per kete shkrime madhor,si dhe prano preshendetje te mia qe kontriboni me shkrime per te miren e Rinis sone,kompliment dhe te uroi suksese ne te ardhmen ne drejtim te kontributit tuaj per te miren e Rinis sone.

RROFT RINIA E BASHKUAR

E vetmja alternative, sa me te bashkuar te jemi.

te bashkuar do ta fitojm Bashkimin Kombetar jemi ne ate rruge.

Ballistat e Kosovës ishin nacionalistët më atdhedashës dhe më të drejtë.
Ata ishin kundër shkjavit dhe ishin për me u bashk me Shqipërin.

ZeriAtdheut,

Ne pothuaj e kemi humbur Camerine dhe juve mendoni se ne luten e dyte boterore ne dolem te fituar?

Tom Sojer, Vete PPSh-ja, Enveri thosh qe lufta u shendrua ne revolucion proletar. C'mendim keni per kete?

petrit kola un te thash dolem fitimtar qe e shpetuam ate cope shqiperij qe mbeti ngase fuqite e medha dhe tradhetaret e vendit e coptuan shqiperin por enveri ishte ai qe e ruajti dhe e ngriti shqiperin petrit kam takurar nje epror ushtarak te kohes enver hoxhes epror per logjistik ne ushtrin ton te lavdish dhe thojke per mbi 34 milird dollar ja shpenzu per ushtrin shqiptare deri ne vitin 1974 qe ka bler armatim enveri dhe un te them pa te than se un jam dikush por kam pas fatin qe te vizitoj bunkeret e armatimit qe kishte enver hoxha eshte privilegj per mua kjo ka ndodh ne luften e kosoves dhe nese don beso nese jo nuk ka rendesij dhe ju gjith forumista te ndruar un kam par dhe kam mbet i mahnitur nga nje gje kur kam par ne bunker te shkruar KOSOVE qe donte te thoshte armatimi per kosoven un kete me syt e mi e kam par andaj shyqyr zotit dhe fal enverit qe e ruajti shqiperin a per camerin mvaret nga ne vllezer sa dote punojm qe nje dit si kosoven ta bejm te lire dhe kam besimin se dote ja arim te bashkuar dhe te punojm bashkerisht

Zeri i Atdheut,

Nje pyetjue tjeter; Ne se kish fituar gjermani, a do te kish humbur shqiptaret apo jo?

Sa per kohen e Enverit e kam jetuar. Vetem fjala nacionalist te klabte ne burg. Shqiptaret u shpelan nga nacionalizma...

Petrit, me paske bere nje pyetje:

"Tom Sojer, Vete PPSh-ja, Enveri thosh qe lufta u shendrua ne revolucion proletar. C'mendim keni per kete?"

Petrit, po sigurisht. Edhe pa u pushtuar atdheu ishin formuar celulat e para komuniste. Populli kishte vuajtur me shekuj dhe vuante varferine e pashpjegueshme dhe paimagjinueshme, malarjen, semundjet, rrjepjen nepermjet tatimeve, bujkroberine, vjedhjen e krahut te punes, barbarine dhe bashibozukerine e beut, agait, qahajait, xhandareve dhe injorancen e nje mbreti te ardhur ne pushtet me ndihmen e armiqeve tane shekullore, Serbit. Zogu qe vrau e preu patriote shqiptare sa deshi dhe qe ne fund perlau edhe florinjte dhe ja mbathi jashte atdheut duke sabotuar edhe armet.
Ne nje background te tille vjen nga diku nje rreze drite dhe kjo ishte pushteti i popullit per popullin, komunizmi, dhe nje vend ne bote ku kjo ishte bere realitet. Nje gje qe ishte provuar edhe me pare ne France, tentuar ne Gjermani, enderruar nga mijera "utopiste". Nje ide qe nga vitet 50 gati e beri te gjithe boten komuniste ku Amerika, Anglia do ishin vetem ishuj dhe qe e shkaterroi vetem tradhetia e Hrushovit (Kapitalizmi u SAVE BY THE BELL).
Atehere nje lufte nacional-clirimtare kunder pushtuesit gjermane dhe bashkepunetoreve te tyre ballisto-zogiste, e organizuar dhe e drejtuar nga Enver Hoxha kishte dy synime: clirimin e atdheut dhe marrjen e pushtetit ne duart e popullit. Pra lufta ne revolucion proletar. Ishte gjeja me llogjike qe duhej bere.

Nuk e kuptoj sidoqofte se perse pyet Petritkola kur ti i di shume mire keto.

Petrit vertet po me habit aq sa mendoj se dikush poston me emrin tend:

"Ballistat ishin nacionalista. Une i kam takuar sot ne emigracion. Kjo ma perforcon bindjen. Ata jane atdhetar."

Mos harro o Kolapetrit se kane kaluar mbi 60 vjet dhe nuk e di ata nacionalistat e tu se sa vjec kane qene atehere. E dyta, mos harro se kane kaluar mbi 60 vjet dhe gjerat ndryshojne, edhe mendimet e tyre "patriotike".

Po nje gje nuk ndryshon o Petritkola: Ata jane humbesa dhe do te jene te tille nja tre breza. Nje atdhetar nuk behet me pushtuesin kunder vellezerve te vet dhe atdheut te vet - kjo eshte tradheti dhe shkelje gjaku e bese.

Sot ty te duken atdhetar ata, po dikur ata ndiqnin pulat neper qymeze dhe spiunonin, ekzekutonin, rrihnin e masakronin popullin e thjeshte. Ai Sali Protopapa goxha atdhetar ishte, apo jo?

Tom Sojer,
Le te mos tensionohemi pavarsisht se mendimet nuk na perputhen.

Une mendoje se jeni i gabuar? A ishin ballistat per nje Shqiperi te bashkuar? Ata njerz qe njoha ne mergim kishin ne shtepit e tyre, flamuj shqiptar. Nje femer e familjes kish pasion dhe bente veshjet kombetare te te gjitha trevave. Dua te them se nuk ishin te shtirur ne dashurine per vendin.
Ballistat jane perleshur ne New York me greket ku edhe jane gjakosur...

Propoganda qe shte bere eshte zor te shqitet nga mendjet e njerezve dhe e shikoje kete edhe ne rastin tende.

Se kush e shkeli besen kjo gje dihet por juve edhe tani nuk e keni mesuar.

Ti leme te gjitha Tom dhe po ju drejtoje nje pyetje se kush vrrau me shume shqiptar, Enveri apo Ballistat? Enveri vrau edhe pas luftes se dyte boterore, pa nderprerje deri sa vdiq dhe stafeten e vazhduan te tijet. Edhe kjo qe po ndodhe sot ne Shqiperi eshte vazhdimesia dhe njerzit e tij.

Tom Sojer,
Ne mesazhin tuaj per revolucionin juve citoni ato qe ka thene Enveri. Une i di shume mire sikurse thoni juve sepse i kamlexuar.

Por a i eshte dhene mundesi pales tjeter te shpjegojet?

Ne ato qe juve keni lexuar permendet edhe Popovici edhe Dugosha. Cili qe roli i tyre ?

Kolapetrit mos kerko gjurmet lum miku! Se cfare ke pare ti andej pas 60 vjetesh ti e di dhe perderisa e thua nuk kam perse te mos e besoj, por kjo nuk do te thote aspak se balli nuk bashkepunoi me armikun e vrau e preu kunder popullit te vet dhe ti nuk ke pse me hidhesh ne statistika kush vrau me shume e kush me pak (se as ti e as une i dime statistikat, me mire mos i hyre se nuk dihet se cfare del prej tyre). Shiko faktin qe balli spiunoi, torturoi, sakatoi, e vrau per krah gjermanit - mos me kerko gjurme. Ky ishte Balli dhe humbi luften perballe popullit dhe Enver Hoxhes.

Nuk citoj aspak O Kolapetrit, edhe ti kujdes fjalet se nga presin, por them se cfare ndodhi. Citim jo citim keshtu ndodhi, kete beri me shume zgjuaresi Enver Hoxha, nje lufte antifashiste e antitradhetare per clirimin e vendit dhe njekohesisht per kalimin e pushtetit ne duart e popullit qe gjate luftes me keshillat n-cl. Kjo eshte vertet mencuri.

Pala tjeter cfare te shpjegohet? Se perse u bashkua me armikun? Se perse vrau vellane e vet? Se perse i leu duart me gjak shqiptari, keshtu? Cfare ka ketu per shpjegim? Thjesht e thjesht do te thote: "Doja te mbaja pushtetin tim te injorances dhe erresiren prandaj ma donte puna te behesha me pushtuesin." Me qarte se kjo nuk ka, e pra nuk ka tjeter cte thote. Si mund te justifikoje fjetjen koteceve dhe krimet. Po ka te gjithe kohen e lume sot t'i beje ato shpjegime. Cfare te thote se perse spiunoi dhe coi ne tortura komunista te thjeshte, e popull te thjesht liridashes? Cfare te thote se kush e tradhetoi Marreveshjen e Mukjes dhe ne nga inati vrame e preme dhe bem kotec me pulat? Hajde o Petritkola!

E fundit Kolapetrit, perse me permend Popovic e Mugosha? Po crendesi ka ore mik? Po do te dish, po ta them dhe ty, gjej "Nje Tragjedi Jugosllave" dhe lexoje.

E fundit fare, mos me fol per propagande dhe shplarje truri nese dikush mendon ndryshe nga ty. Puna eshte tek pikpamjet ketu. Dhe kete e tregon fakti qe ti mendon ndryshe nga une. Apo jo? Atehere cpune ka propaganda ketu? Jo keshtu Kolapetrit.

Kuptohet qe kemi pikpamje te ndryshme, po jo njeri se mundet dhe tjetri se nuk mundet. Kush e tha cili? Nisur nga qendrimet tona te dy kemi te drejte, pastaj faktet jane fakte dhe kokforta, Balli e qelbi gjate luftes se nuk donte te linte pushtetin ne duart e "varfanjakeve" dhe qellimi e justifikon mjetin. Dhe leri statistikat nese nuk i ke numeruar vet. Ne listat jane futur hajdute e kriminele qe sot po e quajne veten te persekutuar dhe ti i di keto.